Qazaqstan • 21 Mamyr, 2020

Júk kólikterin qalaǵa kirgizbeý úshin...

13 ret kórsetildi

Aqtóbe qalasynyń irgesindegi Elek ózenin qıyp ótetin aınalma kópirdiń qurylysy júrgizilýde. Atalǵan gıdroınjenerlik nysan qurylysynyń tolyq aıaqtalýy respýblıkalyq bıýdjetten qosymsha bólinetin qarajatqa baılanysty bolyp otyr.

Aqtóbe oblystyq jolaýshylar tasymaly jáne avtokólik joldary basqarmasynyń basshysy Málimbet Ibrashevtyń málimdeýine qaraǵanda, qosymsha qarjylandyrý máselesi shuǵyl sheshilse, qurylys jumystaryn aldaǵy shilde aıynda aıaqtaýǵa tolyq múmkindik bar. Al eger bulaı bolmasa, aınalma kópir qurylysy jospar boıynsha kelesi jyly aıaqtalmaq.

Bul kópirdi salýdaǵy basty maqsat – júk kólikterin qalaǵa kirgizbeý. Buǵan deıin salynǵan Aqtóbe qalasynyń soltústik bóligi baǵytyndaǵy aınalma kópir men Kirpishti kópirdiń arqasynda sol mańnan keletin tranzıttik kólikter qalaǵa kirmeıdi.

Al Elek ózeni arqyly ótetin aınalma kópir iske qosylǵan kezde júk kólikteri qalaǵa kirmeı-aq, Atyraý men Oral qalalaryna shyǵyp kete alady. Sondaı-aq aldaǵy ýaqytta atalǵan kópir qurylysyn iske qosý arqyly tranzıttik kóliktiń barlyq túrin qalaǵa kirgizbeý jospary qarastyrylǵan.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar