Koronavırýs • 22 Mamyr, 2020

COVID-19-dy emdeýdiń qazaqstandyq ádisi ázirlenbek

90 ret kórsetildi

Otandyq ǵalymdar personaldy jáne preventıvti medısına arqyly COVID-19-dy baqylaý, aldyn alý men emdeýdiń qazaqstandyq ádisin ázirlemek.

Búgin Almatyda Densaýlyq saqtaý mınıstri Eljan Birtanovtyń qatysýymen 2020-2022 jyldarǵa arnalǵan «Qazaqstanda personaldy jáne preventıvti medısına engizý týraly» ǵylymı-tehnıkalyq baǵdarlamaǵa arnalǵan keńes ótti, dep habarlaıdy mınıstrliktiń baspasóz qyzmeti.

Mınıstr bastaǵan top pen respýblıkalyq ǵylymı qoǵamdastyq bakterıologııa, vırýsologııa, ımmýnologııa jáne molekýlalyq genetıka máselelerin talqylady.

S.D.Asfendııarov atyndaǵy QazUMÝ ǵylym jáne sıfrlandyrý jónindegi prorektory B.Júsipov 2020-2022 jyldarǵa arnalǵan «Qazaqstan Respýblıkasynda personaldy jáne preventıvti medısına engizý týraly» ǵylymı-tehnıkalyq baǵdarlama usyndy. Ǵylymı jobanyń maqsaty –densaýlyq saqtaý salasyna genomdyq, jasýshalyq jáne aqparattyq tehnologııalarmen birge personaldy medısına engizý, sondaı-aq negizgi ınfeksııalyq emes aýrýlardyń jáne COVID-19 profılaktıkasyn, terapııasyn basqaratyn sheshimder ázirleý.

Baǵdarlama iske assa, epıdemıologııalyq, ekonomıkalyq, normatıvtik quraldardy qoldanyp, genetıkalyq faktorlardy eskere otyryp, áleýmettik mańyzy bar aýrýlar men COVID-19, negizgi nozologııalar boıynsha Qazaqstanda personaldy profılaktıka men terapııany engizý úshin dáleldeme bazasyn, onyń ishinde otandyq referenttik genom qurylady.⠀

Sondaı-aq, adamnyń genetıkalyq erekshelikterin eskere otyryp antıdenelerdiń taralýyn, vırýstyń jáne aýrýdyń dárejesine áser etetin, COVID-19-dy baqylaý, aldyn alý jáne emdeý ádisterin ázirleý máselesi qaraldy. Sozylmaly derti bar pasıentterdi emdeý nátıjesin jaqsartý úshin olardyń jeke sıpattamalaryn eskeretin jasandy ıntellekt engizý de talqylandy.⠀

Keńeske Densaýlyq saqtaý mınıstrligine qarasty joǵary oqý oryndary men ǵylymı ortalyqtardyń qyzmetkerleri, ǵalymdar, mınıstrliginiń vedomstvolyq uıymdary qatysty.⠀

Kezdesý sońynda Eljan Birtanov qatysýshylarǵa alǵys bildirdi. COVID-19 dıagnostıkalaý men emdeý úshin jańa ǵylymı komponenttiń óte mańyzdy ekenin jáne ol praktıkada asa qajettigin eskerdi.⠀

Mınıstrdiń aıtýynsha, koronavırýs ınfeksııasyn ǵylymı zertteýler vırýspen kúresýdiń jáne onyń taralýyn tejeýdiń tyń jolyn kórsetedi. E.Birtanov ǵylymı tájirıbeni preventıvti medısınaǵa tezirek ımplementasııalaý úshin tıisti uıymdarmen birge ınstıtýsıonaldyq rásimderdi iske qosýdy jáne mınıstrlik janynan epıdemıologııa men bıoqaýipsizdik máseleleri boıynsha mamandandyrylǵan konsýltatsııalyq keńes qurýdy tapsyrdy.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Elbasy jáne Qazaqstan armııasy

Elbasy • 07 Mamyr, 2021

Uqsas jańalyqtar