Elbasy • 05 Maýsym, 2020

Daǵdarysqa qarsy qabyldanǵan sharalar tıimdi me?

89 ret kórsetildi

Qazaqstannyń Tuńǵysh Prezıdenti Nursultan Nazarbaevtyń tóraǵalyǵymen «Samuryq-Qazyna» ulttyq ál-aýqat qoryn basqarý jónindegi keńestiń otyrysy ótti.

 

«Samuryq-Qazyna» otandyq óndiriske qýatty qoldaý kórsetti

Keńeste «Samuryq-Qazyna» ak­sıo­nerlik qoǵamynyń qazirgi qyz­meti, shaǵyn jáne orta bız­nesti qoldaý boıynsha qabyl­danyp jatqan sharalar, sondaı-aq keńestiń ótken otyrysynda berilgen tapsyrmalardyń oryndalý barysy qaraldy. Jıynda sóz bastaǵan Elbasy «Samuryq-Qazyna» qory el damýynda mańyzdy ról atqaratynyn atap ótti. «Bıyl biz aýyr synaqtarǵa tap boldyq. Koronavırýs pandemııasy jahandyq ekonomıkalyq daǵdarysqa ákep soqty. Álemdik ekonomıka men saýda ósimi toqtady. Bul faktorlardyń barlyǵy bizdiń ekonomıkamyzǵa keri áserin tıgizip otyr. Osy oraıda qalyptasqan kúrdeli ahýalǵa tez beıimdelýge jáne daǵdarysty eńserýge septigin tıgizetin ekonomıkanyń negizgi draıverlerin aıqyndaýymyz tıis. Sáýir aıynda biz daǵdarystan keıingi kezeńde ekonomıkamyzdy qalaı kóterý kerek ekenin talqyladyq. Prezıdent Qasym-Jomart Toqaev naqty sharalar jóninde málimdeme jasady. Úkimet ekonomıkalyq ósimdi qalpyna keltirý josparyn bekitti. Bul sharalar der kezinde qabyldandy jáne qazirgi ahýalǵa saı oryndalyp jatyr.

Ekonomıkamyzdy ári qaraı damytýda «Samuryq-Qazyna» ulttyq ál-aýqat qory basty ról atqarady. Qazaqstannyń barlyq negizgi kompanııalary osy Qordyń quramyna kiredi. Qor kompanııalarynyń jıyntyq aktıvteri 28 trln teńgeni quraıdy. Bul – IJО́-niń 40%-y. Munda 300 myń qyzmetker jumys isteıdi. Qıyndyqtarǵa qaramastan kompanııalardyń bári jumysyn jalǵastyryp jatyr. О́tken jylǵy Qor kórsetkishteriniń ósý qarqyny bıyl rezerv qurýǵa múmkindik bergenin baıqap otyrmyz. Endi kompanııalardyń tıimdiligin arttyrý úshin naqty sharalar qabyldaý qajet», dedi Nursultan Nazarbaev.

Keńes otyrysynda Qordyń qazirgi jumysy men jańa bastamalary, otandyq shaǵyn jáne orta bıznesti qoldaý is-sharalary, tapsyrmalardyń oryndalýy jan-jaqty qaraldy. Atalǵan máseleler jóninde aldymen «Samuryq-Qazyna» ulttyq ál-aýqat qory» AQ-nyń basqarma tóraǵasy Ahmetjan Esimov baıandama jasady. «Álemdik ekonomıkada oryn alǵan resessııa men qaýipti indettiń keńinen taralýy Qorǵa kiretin kompanııalardyń aǵymdaǵy jumysyna aıtarlyqtaı yqpal etti. Osyǵan oraı kompanııalardyń tıimdiligin arttyrýǵa baǵyttalǵan birqatar sharalar qabyldanyp, iske asyrylyp jatyr. Covid-19 pandemııasy, munaı baǵasynyń tómendeýi, ulttyq valıýta baǵamynyń ózgerýi teris áserin tıgizdi. Qordyń taza kirisi bıyl 1,2 trln-nan 167 mlrd teńgege deıin tómendemek. Eń kóbi «QazMunaıGaz» 80%-ǵa deıin kirisin joǵaltady dep kútilip otyr. Áýe jáne temir joldarynyń jolaý­shylar aınalymy kólemi 40%-ǵa deıin azaımaq. Osyǵan baılanysty birqatar sharalar qolǵa alyndy. Qarjy rezervi quryldy, 8 mlrd syrtqy qaryz óteldi. Qazirgi jaǵdaıda kompanııanyń kúrdeli operasııalyq shyǵyndaryn 429 mlrd teńgege ońtaılandyrdyq. Munyń bári belgili bir qarjy rezervin qalyptastyrýǵa múmkindik berdi. Bul energetıka, munaı-gaz, ýran, telekommýnıkasııa, poshta jáne basqa da salalar kásiporyndarynyń jumys isteýin, óndiristik personaldy qysqartýsyz saqtaýdy jáne qyzmetkerlerge jalaqyny ýaqtyly tóleýdi qamtamasyz etedi», – dedi A.Esimov.

Onyń aıtýynsha, ulttyq ekonomıkany jáne otandyq taýar óndirýshilerdi qoldaý baǵytynda kóptegen jumys júrgizilýde. Birinshiden, satyp alý tetikterin jetildirý qolǵa alyndy. Bul – bir kózden ashyq tenderge ótý. Osy ýaqyt ishinde Qor bir kózden satyp alý kólemin 5 esege tómendetip jáne ashyq tenderlerdiń kólemin 5,5 esege arttyrypty. Mundaı qadamdar 376 mlrd teńgeni únemdeýge múmkindik berdi. Kelesi baǵyt holdıng ishindegi satyp alýdy ońtaılandyrý boldy. Buryn holdıng ishinde 4,5 myń pozısııa bolsa, ol 21 ese tómendegen. Al satyp alý kólemi aqshalaı 1,9 trln bolsa, qazir – 0,5 trln teńge. Bul básekeli ortaǵa 819 mlrd teńge berýge jaǵdaı týǵyzdy. Mundaı satyp alýlarǵa 17 myń bıznes sýbektisi qol jetkizdi jáne Qor kompanııalary 52 mlrd teńge únemdedi.

Ekinshiden, «Samuryq-Qazyna» osy jyldy qazaqstandyq taýar óndirýshilerdi qoldaý jyly dep jarııalap, birqatar sharalardy naqtylaǵan. Olardyń biri off-teık kelisimshart mehanızmi men ımportty almastyratyn ónim tapsyrysyna kepildik berý quraly boldy. Osy rette bizdiń elde óndirilmeıtin, biraq kompanııalar úshin qajet taýarlarǵa taldaý jasalyp, biraz jumys atqarylǵan. Qor «Atameken» ulttyq kásipkerler palatasymen birlesip jańa óndirister qurý boıynsha ınvestısııalyq jobalardy qarastyrdy. Endi ekeýi birge 3-5 jylǵa uzaqmerzimdi off-teık kelisimshart jasaspaq. Jańa óndiristerdi qurý úshin ınvestısııa kólemi 218 mlrd teńgeni qurap, 2 myńǵa jýyq jańa jumys orny ashylmaq.

Bıyl nazarda bolatyn úshinshi baǵyt – jumys istep turǵan qazaqstandyq kásiporyndardy qoldaý. Búgingi tańda Qorǵa qarasty keıbir kompanııalar kúrdeli qarjylyq jaǵdaıǵa baılanysty tapsyrys bergen qajetti taýarlarynyń qunyn tóleı almaı otyr. Sondyqtan «Samuryq-Qazyna» portfeldik kompanııalarǵa 50 mlrd teńge bóldi. Al ol kompanııalarǵa taýardy ózimizdiń kásiporyndar jetkizip beredi eken. Biraq Qor portfeldik kompanııalaryna qarjyny qaıtarymdy negizde bergen.

Sonymen qatar A.Esimov birqatar iri kompanııalardyń ahýalyna toqtalyp, ınvestısııalyq baǵyttaǵy jumystardy da sóz etti. «Koronavırýsqa, qashyqtan jumys isteýge qatysty jaǵdaı keıbir múmkindikterdi anyqtady. Yqshamdy ári tıimdi apparattardy qalyptastyrý maqsatynda basqarý deńgeıin 6-dan 3-ke deıin qysqartý arqyly barlyq kompanııanyń uıymdastyrý qurylymdary qaıta qaraldy. Basqarýshy dırektorlar sany 89-dan 44-ke deıin eki esege qysqardy. Departament dırektorlary 308-den 255-ke deıin, al bólim basshylary 259-dan 65-ke deıin qysqartyldy. Qazir «QazMunaıGaz» ulttyq kompanııasynda tıimsiz shyǵystardy ońtaılandyrý jáne qysqartý boıynsha kóp jumys júrgizilip jatyr. Uqsas kompanııalardyń oń tájirıbesi zerdelenýde. Kompanııa basshylyǵy keıbir aktıvterdi Qordyń Korporatıvtik ortalyǵyna tikeleı baǵynýǵa berý týraly usynys engizedi. О́z tarapymyzdan bul tásilderdi durys dep sanaımyz», dedi A.Esimov.

Budan keıin sóz alǵan Premer-Mınıstr Asqar Mamın Úkimet Qormen birlesip keshendi jospar ázirlegenin atap ótti. «Jalpy keshendi josparda kózdelgen sharalar 6 mln-nan asa adam qamtylǵan birqatar salalardyń qalpyna kelýine múmkindik beredi. Úkimet pen Qordyń keshendi jospary aıasynda birlesken jumysynyń mańyzdy baǵyty – ónerkásip, kólik pen logıstıkany, sıfrlandyrýdy damytý, ımport almastyrý múmkindigin iske asyrý, shaǵyn jáne orta bıznestiń ekonomıkadaǵy rólin kúsheıtý», dedi Úkimet basshysy. Onyń aıtýynsha, jahandyq IJО́-niń ósý áleýetiniń kúrt qysqarýy, álemdik saýda jáne syrtqy suranys kóleminiń rekordtyq tómendeýi, saýda-ónerkásiptik proteksıonızmniń kúsheıýi jaǵdaıynda «Samuryq-Qazyna» usynyp otyrǵan is-sharalar otandyq taýar óndirýshilerdi qoldaýdyń ájeptáýir tetigine aınalady.

«Bul rette Qordyń «qarapaıym zattar ekonomıkasy» salalaryn qoldaý maqsatynda júzege asyryp jatqan sharalaryna bólek toqtalǵym keledi. Osy salalar boıynsha ishki áleýetti kúsheıtý – ulttyq ekonomıkanyń ózin-ózi qamtamasyz etýin jáne uzaqmerzimdi turaqtylyqty saqtaý sheńberindegi negizgi mindet. Atalǵan sanat bo­ıynsha Qordyń satyp alýlaryndaǵy qazaqstandyq óndirýshilerdiń úlesi ótken jylǵy 75%-dan bıyl 94%-ǵa deıin artty. Ásirese jeńil ónerkásip, tamaq, hımııa ónerkásibi, qurylys materıaldaryn óndirý salalary boıynsha otandyq taýar óndirýshiler belsendilik tanytty. Búginde mashına jasaýdaǵy otandyq óndirýshilerdiń úlesinde úlken ósim baıqaldy», dedi Asqar Mamın. Buǵan qosa Premer-Mınıstr ulttyq ál-aýqat qorynyń jekeshelendirýdiń keshendi josparyn iske asyrý merzimin neǵurlym qolaıly kezeńge aýystyrýǵa qatysty usynystaryn qoldady, sondaı-aq Qordyń indet qaýpi tónip turǵan kezde qashyqtan jumys isteý tájirıbesine oń baǵa berdi.

 

146 mıllıard teńge únemdeldi

Budan keıin «QazMunaıGaz» ulttyq kompanııasy» AQ-nyń basqarma tóraǵasy Alık Aıdarbaevtyń baıandamasy tyńdaldy. «Birinshiden, daǵdarysqa qarsy strategııa ázirlendi. Olar bizdiń qyzmetimizdiń basty úsh baǵytyn qamtıdy. Birinshi, qarjy qyzmeti: «QazMunaıGaz»-dyń qarjylyq aǵynyn arttyrý men qaryzdyq mindettemelerdi basqarý. Ekinshi, operasııalyq qyzmet: Qyzmetti shyǵynsyz kórsetý úshin óndiristiń tıimdi deńgeıin qalyptastyrý. Úshinshi, daǵdarystan keıingi damý: Daǵdarystan keıingi kezeńde aktıv portfelderi qurylymyn ózgertý men basqarýdyń tıimdiligin arttyrý.

Bul baǵyttaǵy alǵashqy qadam ortalyq apparattyń sany men qurylymyn ózgertý, kompanııa basshylarynyń jalaqysyn qysqartý boıynsha júrgizildi. Sondaı-aq shyǵyndarymyzdy ońtaılandyrýǵa kiristik. Sonyń arqasynda 2020 jyly jalpy shyǵyndardy 146 mıllıard teńgege deıin azaıtýǵa múmkindik týdy. Al aldaǵy 5 jyl kóleminde ony 730 mıllıard teńgege tómendetý kózdelgen. Bul baǵyttaǵy jumys jalǵasa bermek, áli de ońtaılandyratyn salalar bar dep esepteımiz. Kompanııanyń qarjylyq múmkindigin saqtap qalý maqsatynda jekeshelendirý, dıvestısııa jáne basqa da sharalar josparyn qaıta qarastyryp jatyrmyz», dedi baıandamashy.

A.Aıdarbaev Elbasynyń bastamasymen elimizde kóptegen munaı-gaz qubyrlary salynǵanyn atap ótip, olardyń qyzmetin júrgizý «QazTransGaz» ben «QazTransOıl» kompanııalaryna tıesili bolǵanyna toqtaldy. Onyń sózine qaraǵanda, osy eki kompanııanyń qyzmetin ortalyqtan basqarýdy «QazMunaıGaz»-ǵa júkteý óz jemisin bergenin jetkizdi. Qazirgi tańda eki kompanııa da ózine júktelgen mindetti oryndap, derbes jumys isteýge ábden tóseldi. «Osyǵan baılanysty, «QazTransGaz» kompanııa­syn «Samuryq-Qazyna» menshigine berýdi usynamyn. Bul qadam basqarý deńgeılerin azaıtýǵa múmkindik beredi. Sondaı-aq «QazMunaıGaz» IPO-ǵa shyqqanda ınfraqurylymdyq jobalardy memleketke qaldyrady. Úshinshi, «QazMunaıGaz»-dyń munaı men gazdy barlaý, qazý jáne qaıta óńdeýge, sondaı-aq munaıgaz hımııasy boıynsha júktelgen mindetterge nazar aýdarýǵa jaǵdaı jasaıdy», dedi A.Aıdarbaev.

Budan keıin A.Aıdarbaev OPEK elderi daǵdarysqa baılanysty munaı óndirisin azaıtqanyn, bul bastamany Qazaqstan da qoldaǵanyn aıta kele, «QazMunaıGaz» qarjylyq turǵyda turaqty. Jaqynda jumys tártibin qaıta qalyptastyryp, jańa ádis-tásilderdi qoldanýdy qolǵa aldyq. Daǵdarysty eńserý úshin bizdiń múmkindigimiz jetkilikti», dedi A.Aıdarbaev.

Baıandamashynyń sózin muqııat tyńdaǵan Elbasy astanany gazdandyrý máselesin surady. A.Aıdarbaevtyń aıtýynsha, magıstraldy gaz qubyrynyń qurylysy byltyrǵy jeltoqsanda aıaqtalǵan. Qazirgi tańda qubyr daıyn. Bıyl jylytý maýsymy bastalǵanǵa deıin gaz qalaǵa kirgizilmek.

Premer-Mınıstr A.Mamınniń sózine qaraǵanda, elordadaǵy JES-2-ni gazǵa kóshirý jumysy júrgizilip jatyr. «Gaz jetkizý jelisin salý bastalyp ketti. Elordadaǵy kóptegen nysandar gazǵa aýysady. Temirtaýdy, ishinara Qaraǵandy men Jezqazǵandy gazǵa kóshirý boıynsha da jumys jasalyp jatyr. Iаǵnı qubyr boıyndaǵy qalalar men iri eldi mekender gazǵa kóshiriledi», dedi A.Mamın.

Budan keıin sóz alǵan «Qazaqstan temir joly» ulttyq kompanııasy» AQ-nyń basqarma tóraǵasy Saýat Myńbaev bir jyldaǵy jumys qorytyndysyna toqtaldy.

«Byltyr júk tasymaly 2018 jylǵa qaraǵanda 1,8 paıyzǵa, tranzıttik tasymal 3,7 paıyzǵa, konteınerdegi tranzıt 23,7 paıyzǵa, operasııalyq kirisi 33 paıyzǵa artty. Bul naqty atqarylǵan jumystyń nátıjesi. Operasııalyq qyzmet boıynsha keri nátıje bar. Ol kýrstyq aıyrmashylyqqa baılanysty. Kredıttik qaryzdy 17 paıyzǵa azaıtýǵa múmkindik týdy. Osylaısha, qazirgi mindetteme boıynsha «Qazaqstan temir joly» ózine qoıylǵan mindetti 100 paıyz oryndap otyr», dedi S.Myńbaev.

Jıynda odan ári álemdegi qazirgi ahýalǵa baılanysty áýe tasymalynyń jumysy jóninde sóz qozǵaldy. Osy oraıda Air Astana kompanııasynyń basshysy Pıter Foster: «Kúrdeli daǵdarystyq kezeńge qaramastan, jańa baǵyttar ashylyp jatyr. Qazirgi jaǵdaıda áýe júk tasymaly suranysqa ıe jáne Air Astana osy baǵytqa bet burdy. Bastapqyda tek jolaýshylar tasymaldaıtyn kompanııa edik. Qazir júk tasymaldaý máseleleriniń egjeı-tegjeıin qarastyryp jatyrmyz», dedi.

Qor jumysyn joǵary baǵalady

Baıandamashylar sózin tyńdaǵannan keıin Elbasy N.Nazarbaev Qor kom­pa­nııalarynyń tıimdiligin ári qaraı arttyrý úshin naqty sharalar qabyldaýdyń mańyzyn atap ótti. Qazaqstannyń Tuńǵysh Prezıdenti Qor kompanııalaryn jekeshelendirý máselelerine, satyp alýlar jáne otandyq taýar ón­dirý­shilerdi qoldaýda jergilikti úlesti arttyrý boıynsha qabyldanyp jat­qan sharalarǵa toqtaldy. «Samuryq-Qazyna» qory dúnıedegi eń úzdik tájirıbege súıene otyryp jasaldy. Negizgi maqsat – ulttyq ekonomıkanyń básekege qabilettiligin arttyrý, ulttyq kompanııalar aktıvteriniń baǵasyn kóterý. Qor óziniń mıssııasyn oryndap keledi, ásirese keıingi jyldary. Qıyn kezeńderde ekonomıkamyzdyń naqty qoldaýshysy bolyp, zor úles qosty. Meniń tapsyrmam boıynsha «Samuryq-Qazyna» qory qurylǵanda oǵan elimizdegi eń iri aktıvter endi. Bul qadam olardyń qunyn qymbattatyp, kiristi arttyryp, osy kompanııalardaǵy ónim shyǵarý kólemin kóbeıtti. Byltyrǵy jyldyń qorytyndysy bo­ıynsha, Qor búkil ónerkásiptik jáne qarjylyq baǵyt boıynsha oń nátıjege qol jetkizdi. Byltyrǵy tabys kólemi 1,2 trıllıon teńgeni qurasa, bıýdjetke tólem 1,1 trıllıon teńge. Jalpy, 2018-2019 jyldary Qor memlekettik bıýdjettiń kirisin salyqtyq tólem retinde 2,2 trıllıon teńgege arttyrdy. Mindetterdi tóleý boıynsha ulttyq qorǵa 460 mıllıard teńge aýdaryldy. Bul – óte jaqsy kórsetkish. Munaı baǵasynyń arzandaýy, jolaýshylar jáne júk tasymalynyń azaıýy, elektr energııasyn jetkizýdiń tómendeýi qor kompanııalarynyń óndiristik jáne qarjylyq kórsetkishterine keri áser etti.

«Samuryq-Qazyna» basshylyǵy kótergen operasııalyq jáne ákimshilik shyǵyndardy jetildirý jónindegi bastamalardy qoldaımyn. Munyń qanshalyqty durys jáne tıimdi ekenin ózderińiz kórdińizder. Onyń ústine, bul elimizdegi IT ındýstrııasyn jetildirýge múmkindik beredi. Karantındik shekteý­ler alynǵannan keıin de qashyqtan jumys isteýdi jalǵastyrýǵa qatysty qanatqaqty jobany júzege asyrýǵa kirisip ketti. Bul ofıske, transporttyq, tehnıkalyq personalǵa tólenetin jáne basqa da shyǵyndy azaıtýǵa kómektesedi», dedi N.Nazarbaev.

Elbasy qabyldanǵan sharalarǵa baılanysty Qor óndiristik baǵyttaǵy qyzmetkerlerdi jappaı qysqartýǵa jol bermegenine toqtaldy. «Buǵan deıin 1998 jylǵy daǵdarysty da, 2008-2009 jyldardaǵy álemdik daǵdarysty da eńserdik. Men búkil kompanııalardan jumys ornyn saqtap qalýdy suradym. Tipti, olarǵa aqsha tólemesek te, jumys ornyń saqtalady dep aıtsań, bul oǵan senim uıalatady. Ol qaıta oralyp, kompanııada jumysyn jalǵastyratynyn biledi. Bul mysaldar basqalarǵa da úlgi bolýy tıis. Osy tásildi búkil jerde qoldaný kerek. Keıingi eki jyl kóleminde Qor 8 mıllıard teńgeniń syrtqy qaryzyn merziminen buryn tóledi. Bul qadam valıýta kýrsynyń ózgerýine baılanysty joǵalýy múmkin 1 trıllıon teńgeni únemdeýge kómektesti. Joǵaryda aıtylǵan sharalar Úkimetke 120 mıllıard teńge kóleminde dıvıdend tóleýge múmkindik berdi. Bul 2017 jylǵa qaraǵanda 10 esege kóp.

«QazMunaıGaz»-dy qaıta quryp, «QazTransGaz» ben «QazTransOıl»-dy «Samuryq-Qazynanyń» enshiles kom­panııalary retinde bólý jónin­degi usynysty qoldaımyn. Bul «Qaz­MunaıGaz»-dyń basty jumysy – mu­naı­dy barlaý, qazý jáne qaıta óńdeýge basymdyq qoıýǵa múmkindik beredi. Al jetkizýmen aınalysatyn kompanııa­lar transporttyq marshrýtty ártarap­tandyrýǵa jaǵdaı jasaıdy. Qordyń basshylyǵyna osy máseleni tez arada qarap, sheshim qabyldaýǵa tapsyrma beremin», dedi Elbasy.

Budan keıin N.Nazarbaev Qor kompanııalaryn jekeshelendirý boıynsha birqatar tapsyrma berdi. «Biz «QazAtomО́ndiris»-tiń aksııalaryn jekeshelendirý jumysyn 25 paıyzǵa oryndadyq. Sondyqtan ınvestorlardyń senimine ıe boldyq. «Qazposhta» qyzmet­i­niń ereksheligine baılanysty kompanııa strategııalyq ınvestorǵa tikeleı ataýdy satý arqyly bergen jón. Muny Úkimetpen birge anyqtap, bul máselege baıyppen qaraý kerek. «Samuryq-Energony» jekeshelendirý boıynsha aıtar bolsaq, muny memleketke tıimdi bolatyn jaǵdaıda qarastyryp, bul máseleni sheshý kerek. «Qazaqtelekom»-dy jekeshelendirý boıynsha onyń 10 paıyzyn «Biryńǵaı jınaqtaýshy zeınetaqy qoryna» satýdy qoldaımyn. Bul – azamattarymyzdyń kompanııa aksıo­neri bolýyna, al Qordyń bas­ty ak­sıoneri retinde qala berýine múmkin­dik beredi. Al qalǵan kompanııalar boıynsha álemdegi jaǵdaıdy eskerip, olar­dy qaıta qarap, jekeshelendirý boıyn­sha jospardy, strategııalyq aktıv­terdi Qorǵa qolaıly kezeńge deıin keıinge shegerý qajet. Osyǵan baıla­nysty Qorǵa Úkimetpen birge jekeshe­lendirýdiń keshendi josparyn, «Samuryq-Qazynany» ártaraptandyrý jónindegi baǵdarlamany qaıta qaraýdy tapsyramyn.

Men Qordyń satyp alýlardy jergilikti qamtamasyz etý men otandyq taýar óndirýshilerdi qoldaý jónindegi jumysyn qoldaımyn. Bul – óte tıimdi jumys. Kelisimsharttyń «off-teık» quraly otandyq óndirýshilerdiń kepildi tapsyrysy sekildi. Memlekettik qurylymdaǵy ózge de holdıngterde barynsha qoldanylýy tıis. Bul shaǵyn jáne orta kásipkerlikti qoldaýdaǵy tıimdi ádis. Qazirgi tańda jańa taýarlardy uıymdastyrý boıynsha birqatar osyndaı kelisimshart jasalǵan. Osynyń áserinen eki myńǵa jýyq jańa jumys orny ashylady. Bul qadam qazaqstandyq óndiristiń «qarapaıym zattar ekonomıkasy» boıynsha úlesin 2019 jyly
70 paıyzǵa, bıyl 94 paıyzǵa arttyrdy», dedi Tuńǵysh Prezıdent.

Elbasy óziniń bergen tapsyrmasyna sáıkes, keleshek býynǵa arnalǵan «Bolashaq» qory qurylǵanyna ekpin berdi. «Buǵan alǵashqy 100 mıllıon teńge salyndy. 2019 jyly qarjylyq portfel boıynsha kiris 11 paıyzdy qurasa, qazir aktıvter 180 mıllıon teńgeni qurady. Sondyqtan qorǵa eseptelgen baǵyt boıynsha jumysyn jalǵastyryp, qajet jaǵdaıda agressıvti ınvestısııalyq áreket qabyldap, paıda men táýekeldi eseptep áreket etý kerek. «Samuryq-Qazyna» qoryn qurýdaǵy maqsat – el baılyǵyn eselep, joǵary tehnologııa men tıimdi kompanııa qalyptastyrý edi. Men sizderdiń Úkimetpen birge qoıan-qoltyq jumys istep, qajetti sheshimder qabyldap jatqandaryńyzdy kórip otyrmyn. Bul jumysty ári qaraı jalǵastyrý kerek. Memlekettik qyzmet júıesi de osy tásilderdi qoldanýy kerek. Biz júıeli jumystyń jemisin kórip otyrmyz. Kásiporyndar kúrdeli ahýalǵa qaramastan, jumysyn jalǵastyryp jatyr. Qyzmetkerler qysqarǵan joq. Jalaqy ýaqytyly tólenýde. Qazirgi ýaqytta eń mańyzdy máseleler osy», dedi Elbasy.

Keńes qorytyndysy boıynsha Elbasy «Samuryq-Qazyna» basshylyǵynyń daǵdarysqa qarsy qabyldaǵan sharalarynyń nátıjesin atap ótip, bul tájirıbeni basqa da qurylymdarda qoldanýdyń mańyzdylyǵyna toqtaldy. «Qor basshylyǵy der kezinde qabyldaǵan sharalardy qoldaımyn jáne oń baǵalaımyn. Olar óz tıimdiligin kórsetti. Daǵdarys kezinde memleket ekonomıkany qoldaý úshin Ulttyq qordan qyrýar qarjy bóldi. Alaıda osy jaǵdaıda «Samuryq-Qazyna», kerisinshe, Ulttyq qorǵa 100 mlrd teńge baǵyttady», dedi Qazaqstannyń Tuńǵysh Prezıdenti.

 

Orynbek О́TEMURAT,

Abaı ASANKELDIULY,

«Egemen Qazaqstan»

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar