Ekologııa • 05 Maýsym, 2020

Ár adam – jerdiń tutynýshysy

22 ret kórsetildi

«Jerge baq syıla» qoǵam­dyq tálimbaq jobasy jumysyn bastaǵaly 15 jyl boldy. Eko-qonysymyz oblys ortalyǵynan 40 shaqyrym jerde ornalasqan. 2004 jyldan beri Pavlodar aýdany aýmaǵyndaǵy jerlerdi ıgerdik. Iаǵnı «Týǵan jer» ekolo­gııalyq aýylynyń turǵy­ny­myn. Qazir bizdiń saıaly baqta 2,7 myńǵa jýyq aǵash ósip keledi. Byltyr 150-ge jýyq aǵash kóshetin otyrǵyzdyq. Bul – bolashaqtyń jasyl ormany men taza aýasy. Keıingi urpaq bul jobamyzdy jalǵastyrady dep oılaımyn.

Aǵash egý, ósirý, sýarý kóp qara­jatty qajet etpeıdi, tek nıet, eńbek, tabıǵatqa degen ja­nashyrlyq qajet. Ormanda biz sekildi ómir súrgińiz kelse, bul sizdiń de qolyńyzdan keledi. Joba aıa­synda óz qolymyzben ósirgen jas taldardy ekologııalyq baǵyt­taǵy túrli jobalarǵa tegin úlestiremiz. О́ıt­keni kommer­sııalyq tabys tabý­dy oılamaımyz. Tek qor­sha­ǵan orta tazaryp, jasyl jelekke janashyrlyq jasaıtyn adamdar qatary kóbeıse deımiz. Kóshetterdi de tegin berýge daıynbyz, biraq bir shartymyz bar – aǵashtardyń sýarylýy qamtamasyz etilýi tıis. Baq ósirýdegi maqsat – qorshaǵan ortany qorǵaý, ekologııalyq má­denıetti qalyptastyrý. Ja­syl­­dandyrýmen aınaly­syp júr­gende adamdardyń ekologııa­lyq­ mádenıeti jetkiliksiz ekenin kór­dik. Adam qorshaǵan ortaǵa qamqorlyqpen qaraý kerek. Eko­lo­gııalyq mádenıetsiz jalań ádisterdi qol­daný tıimsiz. Biz aǵash otyrǵyzý bary­synda mektepterde «Jerdiń bola­­shaǵy seniń qolyńda» ataýymen eko-sabaqtar ótkizemiz. Osy arqyly bala­­lar bolashaq úshin alańdap, jer­di qas­terleýdi, kógaldandyrýdy úı­re­nedi.

Volonterlerge jumys jetki­likti. Men jerge baq syılaý ju­my­syn óz erkimmen basta­dym. Osy jumysqa tabıǵat jana­shy­­ry, kóshbasshy eko-ambassador re­tin­­de óńirden arnaıy taǵaıyn­dal­ǵandyqtan, ekologııa depar­ta­men­tiniń barlyq is-sharalaryna qatysyp júrmin. Karantın kezinde de qashyqtan oqytý jobasy arqyly eko-sabaqtardy ınternetpen jiberdik. Jeńis merekesinde  «Týǵan Jer – Rodnaıa Zemlıa» jobasy aıasynda oblys ortalyǵyndaǵy Jeńis saıabaǵyna aǵash otyrǵyzyldy.

Qazir adamdar óziniń qandaı aýyr ekologııalyq ortada turyp jatqanyn túsine bermeıdi. Ár adam – jerdiń tutynýshysy. Tutynshýy retinde óz úlesin qosyp, jerdiń, aýanyń tazarýyna paıdasyn tıgi­zý qajet. Bizdiń basty problema – eko­logııalyq mádenıettiń tómen­diginde. Jasyl­danǵan aımaq­tar az. Onyń qataryn kóbeı­tip, Jer-Ana­ǵa jaqsy­lyǵyn qaıtarýymyz kerek. In­fraqurylym men ındýstrııa­nyń áseri, jol salý úshin onyń aına­lasyn­daǵy kóshetterdi kessek, jaýap retinde basqa jerden aǵash egýimiz qajet.

Kim tabıǵatty súıedi, kelińiz­der, jumys qoly bizge qajet. Bárimiz  qor­sha­ǵan ortany qorǵaýǵa úles qosaıyq!

 

Iýrıı GAShEK,

«Jerge baq syıla» qoǵamdyq qorynyń tóraǵasy

 

Pavlodar oblysy

 

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Eki kılogramm esirtki tárkilendi

Oqıǵa • 16 Sáýir, 2021

Uqsas jańalyqtar