Tehnologııa • 09 Maýsym, 2020

Invest Day: Startaptar úshin tyń múmkindik

27 ret kórsetildi

Qazaqstanda kezekti Invest Day sharasy ótedi. Bul joly dástúrli jıyn onlaın rejimde uıymdastyrylady. Basty maqsat – ınvestorlar men daryndy jas ónertapqyshtardy toǵystyrý. Olar erekshe jobalardy júzege asyrý múmkindigine ıe bolady.

Astana Hub bas dırektory Djo­zef Sıglerdiń aıtýynsha, bola­shaǵynan zor úmit kúttiretin jobalardy izdegen ınvestorlar utymdy bastamalardy júzege asyrýǵa qy­rýar qarajat bólýge daıyn. Osyn­daı Invest Day sharasynan soń talaı otandyq tyrnaqaldy bastama naryqqa shyǵa bastady.

«Biz jobalardy birneshe baǵyt boıynsha baǵalaımyz. О́nimniń ózi, onyń tıimdiligi, qoǵamǵa paıdasy, qandaı máselelerdi sheshe alatyny, naryqtaǵy suranysy, jetildirýge qatysty kórset­kishteri synalady. Keıin komanda tekse­riledi. Jobany qurastyrýshylardyń kásibı deńge­ıine mán beriledi. Sondaı-aq bú­ginge deıin saýdaǵa shyǵarylsa, satylý kórsetkishi, tutynýshy sany, ónim ótkiziletin naryǵynyń geografııasy, shet elder aýmaǵynda taratý áleýeti tolyqtaı saralanady», deıdi ol.

О́tinimder úsh apta boıy qabyl­danady. Basty talap – IT salasy baǵytyndaǵy tehnologııalyq startap bolýy kerek. Olardyń arasynan 10 úzdigi irikteledi. Jobany qorǵaýǵa 5 mınýt jáne taǵy sonsha ýaqyt qoıylǵan saýaldarǵa jaýap berýge beriledi.

«Qandaı jobalar tabysqa ıe bo­lady? Árıne eń aldymen onlaın oqý, jalpy bilim jáne densaýlyq syndy qoǵamdyq salalarǵa qatysty bastamalar qyzyqty. Sondaı-aq elektrondy saýda, vırtýaldy shy­naıylyq baǵytyndaǵy startaptar kóbine qarjylaı qoldaýǵa ıe bolyp jatady. Byltyrǵy Invest Day sharasynda birqatar jobalarǵa 200 myń dollar shamasynda ınvestısııa tartyldy. Bıyl da bul mejeden kem bolmaıdy dep oılaımyz», deıdi Djozef Sıgler.

Astana Hub baspasóz qyzmetiniń habarlaýynsha aldaǵy maýsym aıy­nyń 30 kúni úzdik joba avtorlary qa­zaqstandyq bıznes-perishteler, ın­ves­torlar jáne túrli qor ókil­­de­rimen júzdesetin bolady.

«Biz Qazaqstannyń ınnova­sııa­lyq ekojúıesiniń basty qatysý­shy­symyz. О́ıtkeni ár baǵyttaǵy qaty­sýshylarmen tikeleı tyǵyz qarym-qatynas jasaımyz. Startap úshin ınvestısııanyń mańyzy aı­ryqsha. Jaqsy bir bastamalarǵa qar­jy quıýǵa nıetti ınvestorlarǵa startap taýyp beremiz. Joba ıele­rine óner tabysyn júzege asyrý úshin qarjy tar­týǵa kómektesemiz. Bul barlyǵy úshin tıimd­i shara», deıdi Astana Hub-tyń bas dırektory.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar