Aımaqtar • 10 Maýsym, 2020

Biregeı basseın (Taldyqorǵan otandyq sý sportynyń ortalyǵyna aınaldy)

20 ret kórsetildi

Jetisý ataýy aıtylǵan jerde nýly tabıǵattyń kórkem beınesi oıǵa aldymen oralatyny anyq. Shyn mánisinde tabıǵat ananyń meıiri túsken óńirdi 7 ózen órnektep aǵyp jatyr. Sol sebepti de aımaqty jer jánnatyna, jeruıyqqa teńeýdiń astarynda aqıqat bar.

Al taıaý bolashaqta bul ólke álem deńgeıindegi sport jarystaryn ótkizetin orta­lyqqa aınalýy múmkin. Onyń ishinde sýdaǵy dodanyń Ortalyq Azııa boıynsha diń­ge­gi bolýyna tolyq negiz bar eken. Iаǵnı osy jerden Je­tisý ataýy men Olımpıa oıyn­dary tizimine enetin sý spor­ty túrleri arasynan baıla­nys izdep kórsek. Mysaly, endi sanaýly kúnder­den keıin Taldyqorǵan qala­synda bi­regeı basseın paı­dalanýǵa beriledi. Keıingi eki jyl kó­leminde qurylys qar­qyny báseńdemegen nysan­nyń ashylýy Almaty oblysy­ úshin ǵana emes, tutas Qazaq­stan­ǵa kózqýanysh syılaıtyny anyq. Álemdik talapqa to­lyqtaı saı keletin júzý kesheni keleshekte sý sporty túrlerinen Olımpıa oıyn­darynyń jarystaryn qabyl­daýǵa múmkindik beredi eken.

Eki qabattan turatyn ári úlken jertólesi bar ámbebap nysanda 4 negizgi basseın bar. Onyń ekeýi dúnıejúzi boıynsha jarys ótkizýge laıyqtalǵan. Olımpıa oıyndaryna qatysatyn sport­shy­lar­dyń da osy keshende tolyq daıyndyqtan ótýine jaǵdaı jasalypty. Al uzyndyǵy 50 metr, eni 25 metr bolatyn eki basseın buqaralyq sportty da­mytýǵa naqty qadam bolmaq. Ásirese basseın qurylysy barysynda balalardyń sýda júzip úırenýine yńǵaı­ly­ etip jasalǵan haýyz­dar­ men balǵyndardy jeńil at­le­tıkaǵa baýlýǵa laıyq­talǵan oryndarǵa basa mán berilipti. Jalpy, jabyq júzý basseıni kún saıyn 750 adamǵa deıin qyzmet kórsetýge qaýqarly.

– Oblys ortalyǵynan ja­byq úlgidegi júzý basseınin sa­lýǵa Elbasy Nursultan Nazarbaevtyń buqaralyq sportty damytýǵa qatysty ber­gen tapsyrmasy túrtki boldy. Biz jobany tańdaý bary­synda barlyq nusqalardy saraptap, nysannyń qalanyń da­mýyna qosatyn úlesine mán berdik. Ǵımarat za­man­ǵa saı, bolashaq urpaq súısine qaraıtyndaı úzdik sáýlet týyndysy bolýy kerek degen sheshimge keldik. Ma­man­darmen aqyldasa otyryp, bul basseın Qazaqstandaǵy sý sportynyń ortalyǵyna aınalýy tıis jáne álemdik standartqa tolyqtaı saı keshen retinde de erekshelenýi qajet ekenin eskerdik. Sonyń nátıjesinde Taldyqorǵanda jańa jabyq basseın salyndy. Qurylysty elimizdegi sáý­let óneriniń maqtanyshyna aınalǵan ǵımarattardy salýda tájirıbe jınaǵan «Bazis Construction» kompanııa­sy qolǵa aldy. Bul kompanııanyń qoltańbasyn «Almaty-Arena» kesheninen anyq baı­qaısyz. Osylaısha biz oblys­ta ǵana emes, elimizde teńdesi joq ámbebap keshendi iske qos­paqpyz, – deıdi Almaty oblysynyń ákimi Amandyq Batalov.

Qazir biregeı basseındegi qurylystyń sońǵy núktesi qoıylý ústinde. Aýmaǵy 27 000 sharshy metrge jetetin sport keshenindegi jumys karantın kezinde de tolastaǵan joq. Endigi arnaıy ınventarlar qoıylyp, led-ekran, sý asty kameralary sııaqty qural-jabdyqtarmen qamtý júrgizilip jatyr. Sondaı-aq ǵımarattyń syrtqy kelbetin árleý, keshen mańaıyn abattandyrý jumystary da aıaq­talyp qaldy. Aıtpaqshy, jabyq keshenniń syrtqy pi­shini aıdynda júzgen ba­lyqty kózge elestedi eken.

 

Sońǵy jańalyqtar

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar