Saıasat • 10 Maýsym, 2020

Elektrondy qyzmet alýǵa kómektesedi

11 ret kórsetildi

Memlekettik qyzmet isteri agenttigi men «Azamattarǵa arnalǵan úkimet memlekettik kor­porasııasy» KEAQ birlese otyryp, elek­trondy úkimet múmkindikterin halyqqa da úıretetin volonterlerdi daıyndaýǵa kóshti.

Búgingi kúni 500-ge jýyq adam memlekettik qyzmetti onlaın rejiminde alý daǵdylary bo­ıynsha uıymdastyrǵan tıisti oqý kýrstarynan ótken. En­digi kezekte jas mamandar halyqqa mobıldi aza­mattar bazasynda óz betinshe tirkelýge, ESQ alýǵa, halyqqa qyzmet kórsetý ortalyǵyna kezekti brondaýǵa, sondaı-aq egov.kz portalynda elektrondy qyz­metterdi alýǵa kómektesedi dep josparlanyp otyr.

«Azamattarǵa arnalǵan úkimet memlekettik korporasııasy» KEAQ tóraıymy Ásemgúl Baltashevanyń aıtýynsha, memlekettik korporasııa tótenshe jaǵdaı men karantın engizilgenge deıin de volonterler uıymdarymen birlesken jumystar bastaǵan. «Karantın kezinde halyqqa elektrondy úkimet múmkindikterin túsindirip, úıde otyryp ta birqatar qyzmetti paıdalanýǵa bolatynyn kórsetetin kez kelgenin uqtyq. Qazir eriktilerdiń kómegi burynǵydan da qajet bola tústi», dedi qurylym basshysy.

«О́ńirlerdegi túsindirme jumystaryna eriktiler tartyldy, olar HQO-ǵa kelýshi aza­mattarǵa keńes bere otyryp, bizge úlken qoldaý kórsetip jatyr. HQO-lar 2 aıǵa jýyq ýaqyt jumys istemegendikten, qyzmet alýshylardyń sany kúrt kóbeıdi. Sondyqtan qazirgi ýaqytta bizdiń barlyq maman memlekettik qyzmetterdi kórsetýmen aınalysýda», dedi Á.Baltasheva.

Jaqynda belgili bolǵandaı, Halyqqa qyzmet kórsetý ortalyqtarynyń ǵımarattarynda budan bylaı elektrondy qyzmetter kórsetilmeıdi. Olardy ákimdikterde, saýda jáne oıyn-saýyq ortalyqtarynda, medısınalyq uıymdar men ýnıversıtetterde jáne basqa jerlerde ornalasqan arnaıy egov buryshtarynan alýǵa bolady.

Qazirgi ýaqytta Qazaqstanda 600-den astam elektrondy qyzmet kórsetetin burysh ashyldy. Erik­tiler azamattarǵa sol jerlerde de keńes beredi dep josparlanǵan. Sondaı-aq qyzmetterdi óz betinshe alý boıynsha keńester halyqqa qyzmet kór­setý ǵımaratynyń kireberisinde jáne sıfr­ly halyqqa qyzmet kórsetý ortalyqtarynda kór­setiledi.

Qyzylordalyq «Golden Qazaqstan» jas­tar qoǵamdyq birlestiginiń tóraǵasy Baqytbek Kenjebektiń aıtýynsha, olar eń aldymen HQO-nyń jumys barysymen, qyzmet kórsetýdiń jańa formatymen tanysyp, oqýdan ótken.

«Munda volonterler óz biliktilikterin arttyryp qana qoımaı, halyqtyń kóp suratatyn memlekettik qyzmetteri boıynsha keńes berip, ózine-ózi qyzmet kórsetý buryshtarynda tur­ǵyndarǵa onlaın qyzmetterdi alý joldaryn túsindirip, kómek kórsetip jatyr. Halyqtyń kádesine jarap, sıfrly daǵdylaryn joǵa­rylatýǵa kómektesip jatqa­nymyzǵa qýanysh­tymyz», dep tolyqtyrdy Baqytbek.

Qurylym aqparatyna súıensek, Halyqqa qyzmet kórsetý ortalyqtarynda jumys istegisi keletin jastardyń kópshiligi Qaraǵandy oblysy men Shymkent qalasynan.

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar