Aımaqtar • 10 Maýsym, 2020

M.Áıtenovtyń pikirin baspasóz hatshysy "tápsirlep" berdi

158 ret kórsetildi

Jaqynda shahardaǵy kásipkerlermen, toıhana ıelerimen kezdesken qala ákimi Murat Áıtenov: "Toıhanalardy restoran sekildi ashyp jumys isteńizder. Biz túsinemiz. Toıhanalardyń jumysynyń toqtap turýy birtalaı shyǵyn. Biraq eń bastysy - adam densaýlyǵy", - degen edi. Úshinshi qala ákiminiń bul sózi qaznette, áleýmettik jelilerde keńinen taralyp, qyzý pikir-talas týdyrdy. Bireý quptasa, ekinshisi qarsy dálel aıtyp álek, - dep habarlaıdy Egemen.kz 

Osy talqyǵa túsken pikir týraly Shymkent qalasy ákiminiń baspasóz hatshysy Araı Esenbek óziniń feısbýk paraqshasynda qysqasha túsindirip ótti.

"Shymkent qalasynyń ákimi Murat Áıtenovtyń karantın jaǵdaıynda jumysyn toqtatqan toıhanalar jaıly oıy áleýmettik jelide keńinen taralyp jatyr eken. Osy tusta kishkene túsindirip ótsem. О́ıtkeni, jeli qoldanýshylar tarapynan «bazarlar ashylǵanda, nege toıhanalarda toı jasaýǵa bolmaıdy",- degen saýaldar da qoıylyp jatqan kórinedi.

Pandemııadan qaýip zoraıǵanyn búkil aqparattan oqyp, bilip otyrsyzdar.

Az ǵana kidiris jasap, zeıin aýdaryńyzshy…

Bazarǵa ár turǵyn muqtajdyqtan barady. Azyq-túlik sııaqty basqa da tutyný taýarlary kimge de bolsyn kerek. Buǵan qosa nápaqasyn osy jerden taýyp júrgen qarapaıym otbasylar óte kóp. Arasynda tipti bir oryndy jalǵa alyp nemese tek satýshy bop kúneltkender bar. Toıhanalarda da dál solaı súrligip jumys istep júrgenderdi de bilemiz. Alaıda halyqtyń densaýlyǵy, qaýipsizdigi mańyzdy. Toı múldem ótkizilmesin dep otqanymyz joq. Jasańyzdar, biraq az ǵana adamǵa. Meıramhana qyzmetin usynyńyzdar. Mysaly, toıda 300 adam bas qosty delik. Arasynda bireýi indetke shaldyqqan bolsa (ony bilmeımiz de ǵoı), sol jerge jınalǵan barlyq týma-týys, dos-jaran da tekseriledi, oqshaýlanady. О́ıtkeni dert sanaýly saǵatta-aq kontaktke túsken 300 adamdy shyrmap alýy múmkin.
Muny birinshi sebep dep túsinińiz.

Ekinshiden, bazarǵa kirgen satýshy da, satyp alýshy da tórt qabyrǵaǵa qamalmaıdy. Jan-jaǵynan tabıǵı jeldetkish jumys istep turady, tipti tóbesi de ashyq. Al toıhana — ǵımarattyń ishi, jeldetkish istep turǵannyń ózinde terlep-tepship ketetinińiz ras.

Ary qaraı basqa da aıyrmashylyǵyn ózińiz oılap kórińizshi.

300-400 adamdy bir-aq sátte aýyrtyp alsaq ne bolady? Sonda ne ister edińiz? Mundaı ortada eresekterden bólek, kishkentaı balalar da júretinin umytpańyz. Qaýipten ózińiz saqtanbasańyz, perzentińizdi qalaı qorǵamaqsyz?», deıdi ákimdiktiń resmı ókili.

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar