Qazaqstan • 10 Maýsym, 2020

Elimizde aýasy eń kóp lastanǵan qalalar belgili boldy

58 ret kórsetildi

Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev halyq aldynda esep berý kezdesýinde aıtty, - dep habarlaıdy Egemen.kz.

"Bul meniń halyq aldyndaǵy alǵashqy esebim. Osydan bir jyl buryn el Prezıdentiniń jarlyǵymen Ekologııa, geologııa jáne tabıǵı resýrstar mınıstrligi quryldy. Osy ýaqyt aralyǵynda biz jemisti ári berekeli jumystardy atqardyq dep aıtýǵa tolyq negiz bar. Sondyqtan bizdiń mınıstrlik endi qurylsa da birqatar baǵyt boıynsha jumystardy atqardy", - dedi ol.

Sondaı-aq mınıstr 2019 jyly ekologııalyq monıtorıngtiń nátıjesinde Aqtóbe, Atyraý, Nur-Sultan, Almaty, Shymkent, О́skemen qalalary atmosferalyq aýanyń lastanýynyń joǵary deńgeıimen sıpattalǵanyn aıtty.

"Zııandy zattar shyǵaryndylarynyń jalpy deńgeıi 2018 jyldyń deńgeıinde turaqtandy, bul shamamen 2,5 mln tonna. Tógindiler kólemi 2018 jyly 1,1 mln tonnadan 2019 jyly 0,98 mln tonnaǵa deıin nemese 10 paıyzǵa tómendedi. Osy kórsetkishkerge tabıǵat qorǵaý sharalaryn iske asyrý jáne kásiporyndardyń ekologııalyq taza tehnologııalardy engizý arqyly qol jetkizdik. 2019 jyly ekologııalyq jaǵdaıdy jaqsartýǵa tabıǵat paıdalanýshylarmen 172 mlrd teńge ınvestısııalandy, bul 2018 jylǵy deńgeıden 7 paıyzǵa artyq. Mysaly, Pavlodar oblysynyń "Qazaqstan alıýmınııi" kásipornynda nemis tehnologııasynyń elektrofıltri iske qosylyp, bir metrge 50 mıllıgrammǵa deıin qaldyq shańdy tazartýdyń joǵary deńgeıin kórsetip, jaqsy nátıjeler berýde. Sondaı-aq, osy aıdyń sońynda ekinshi fıltrdi ornatý josparlanýda. Jentekteý sehynda shyǵaryndylardy jalpy qysqartý jylyna 2,4 myń tonnany quraıdy", - dedi mınıstr.

Mınıstr Qaraǵandy oblysynda kúkirt qyshqyly sehy salynatynyn aıtty. 

"Qaraǵandy oblysynda "Qazaqmys Smeltıng" kásipornyna qaraıtyn Jezqazǵan mys balqytý zaýyty ozyq tehnologııany qoldana otyryp, jańa kúkirt qyshqyly sehyn salýdy jáne paıdalanýǵa berýdi josparlaýda. Bul kúkirt dıoksıdiniń shyǵaryndylaryn 3 ese, ıaǵnı 60 myńnan 20 myń tonnaǵa deıin tómendetýge múmkindik beredi", - dedi Maǵzum Myrzaǵalıev.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar