Qoǵam • 11 Maýsym, 2020

Kásipkerlik negizderin ıgerýde

12 ret kórsetildi

Áıelder kásipkerligin damytý – memlekettik saıasattyń basym baǵyttarynyń biri ekeni anyq. Osy baǵytta oryndalyp jatqan ońtaı­ly jumystar da jeterlik. So­nyń biri – «Kásipker ana» jobasy desek qate­lespespiz.

Nur-Sultan qalalyq ákimdiginiń málimetinshe, búginde jobada onlaın rejimde oqýǵa 1200-den astam ótinim kelip túsken. Irikteý nátıjesinde, 500-ge jýyq áıel barlyq talaptarǵa saı kelip, qazir 200-ge jýyq adam bilimderin jetildirýde. Úsh balanyń anasy Aınur Jazyqbaeva alty aı buryn tapsyryspen torttar men bálishter pisire bastaǵan. Kásippen aınalysqysy keletin áıelderge arnalǵan tegin kýrstar týraly bilgen ol, múmkindikti jiberip almaýdy jón kórgen.

 «Meniń oıymsha, osyndaı múmkindik berilse, ony paıdalaný kerek. «Kásipker ana» jobasy ártúrli baǵyttar boıynsha trenıngterden turady. Men óz ónimderimdi áleýmettik jelilerde tanytý úshin SMM-di tańdadym. Buryn-sońdy eshqashan bilmeıtin kóptegen tásildi úırendim. Mysaly, óz ónimimdi durys jarnamalaýdy, ony qalaı júzege asyrýdy meńgerdim», deıdi Aınur Jazyqbaeva. Endi ol kýrstarda fotograf mamandyǵyn meńgerip, ádemi sýretter usynýdy úırenýdi josparlap otyr. Oǵan qosa trenıng onlaın rejiminde ótkendikten, úıden shyqpaı jáne balalardy qaraýsyz qaldyrmaı barlyq qajetti daǵdylardy alýǵa múmkindik bar.

Eske salaıyq, «Kásipker ana» áleýmettik jobasynyń tusaýkeseri ótken jyldyń qyrkúıe­ginde ótti. Onyń mindeti kópbalaly áıelderge, jal­ǵyzbasty analarǵa, tabysy az áıelderge, son­daı-aq múgedek balalardy tárbıelep otyrǵan ana­larǵa jeke isin bastaýǵa kómektesý.

Aıta ketetin taǵy bir jaıt, oqytý 11 negizgi ba­ǵyt­­ta ótedi. Olar massaj, SMM, kopıraıtıng, gra­fı­­ka­lyq dızaın, sýretke túsirý, manıkıýr, aspaz, kondıter aspaz, esepshi, koých/psıholog, tiginshi. Áıelder baǵyttardyń bireýin tańdap, oqı alady jáne kýrsty aıaqtaǵany týraly sertıfıkat alady.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar