Oqıǵa • 17 Maýsym, 2020

Ánshi-kompozıtordyń portretin saldy

50 ret kórsetildi

Qaraǵandylyq qylqalam sheberi, shyǵarma­shylyq ortada tanymal tulǵa Qaırat KEI-KEI Kojýhov bıyl seksenniń seńgirine shyqqan ánshi-kompozıtor Eskendir Hasanǵalıevtiń por­tretin saldy. Kenepke maıly boıaýmen kes­kin­delgen kartınanyń eni 50 sm, al bıiktigi 70 sm bolady.

Qalada ósip, jastyq shaǵynyń kóbisin shetelderde ótkizgen sýretshi qazaqy ortadan qashyqtaý óskenin jasyrmaıdy. «Mektepte oqyp júr­­genimde, stýdenttik kezimde, tipti odan keıin de Vladımır Vy­sos­kııdiń tabynýshysy bolmadym. Biraq birde ánshiniń portretin salýǵa tapsyrys aldym da, onyń ánderin tyńdaı otyryp, ózim úshin Vysoskııdiń tańǵajaıyp álemin ashtym», deıdi ol.

Keıin keńes zamanyndaǵy aty ańyzǵa aınalǵan estrada ánshisi Múslim Magomaevtyń sýretin salǵan­da da, dál osyndaı kúıge túsipti.

Osy jyldyń basynda qylqalam sheberi Eskendir Hasanǵalıevtiń portretin salýǵa tapsyrys alypty. «Syılyqqa arnalǵan kartınamen jumys isteý barysynda men metrdiń ánderin tyńdaı otyryp, bul me­lodııanyń ár kez meniń janymda bolǵanyn sezindim. Men balalyq shaǵyma qaıtyp oralǵandaı kúı keshtim. Árbir án bala kezimdegi oqıǵalardyń úzindilerin kóz aldyma alyp keldi: mine, ákem inim ekeýmizge dombyra tartýdy úıretip jatyr... Kelesi bir kórinis: merekelik dastarqan basynda bas qosqan ákemniń dostary án salyp otyr, al anam bolsa as úıde qonaqtarǵa shaı demdeýde... Biz bolsaq, úıdi basymyzǵa kóterip tyǵylyspaq oınap júrmiz», dep oı tolǵaıdy sýretshi Qaırat KEI-KEI.

Al áıgili «Atameken» ánin jazǵan avtordyń portretine onyń kenshiler astanasynda turatyn baldyzdarynyń biri tapsyrys bergen eken. Eske salsaq, ánshi-kompozıtor, mýzykant, Memlekettik syılyqtyń laýreaty Eskendir Hasanǵalıevtiń ómirlik qosaǵy Darıko Sopyjanqyzy – Qaraǵandynyń týmasy.

 

QARAǴANDY

 

Sońǵy jańalyqtar

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar