Qoǵam • 25 Maýsym, 2020

Taraptar tatýlassa dep...

759 ret kórsetildi

Atyraýda tatýlasý ortaly­ǵynyń qanatqaqty jobasy byltyr Qazaqstan Respýblıkasy Joǵarǵy sotynyń «Tatýlasý: sotqa deıin, sotta» baǵdarlamasy aıasynda bastalǵan edi. Sodan beri 2 257 is qaralyp, onyń ishinde 840 is sotqa deıin sheshimin taýypty. Al Bıler keńesi ajyrasýǵa qatysty 200-den astam materıaldy qarap, onyń 200-ge jýyǵy tatýlasty. Qazir atalǵan ortalyq usynatyn qyzmetterge suranys artyp otyr.

Endi ótken aptada Tatýlasý orta­lyǵynyń arnaıy ǵımaraty ashyldy. Oǵan qatysqan oblys ákimi Mahambet Dosmuhambetov elimizde daý-damaılardyń she­shi­min tabýǵa erekshe kóńil bóli­netinine toqtaldy. Búginde túrli janjaldardy sotqa jetkiz­beı sheshýdiń balama joldary qol­danylýda. Bul mindetter Elbasynyń Joldaýlarynda, Prezı­denttiń tapsyrmalarynda aı­tyl­ǵan.

– Bitimgerlik pen araǵaıyn­dyq halqymyzdyń qanynda bar. Ata-babalarymyz bitispes daýdy bir-aq aýyz sózben sheshken. Kelisim men tatýlyqty asyl muraǵa aınaldyrǵan elimiz úshin babalar qundylyǵyn jandandyrýdyń mańyzy zor. Sońǵy jyldary el ishindegi daýlardy azaı­tý maq­satynda sot júıesinde aýqym­dy jumys­tar jasalýda. Sala­daǵy refor­­malardyń arqasynda daýlardy sotqa jetkizbeýdiń jańa tetik­teri iske qosyldy, – dedi oblys ákimi Mahambet Dosmuhambetov.

Al Atyraý oblystyq sotynyń tóraǵasy Baýyrjan Jumaǵulovtyń aıtýynsha, ja­qynda Memleket basshysy qol qoıǵan «Azamattyq is júrgizý» kodeksine ózgerister men tolyq­tyrýlar engizý týraly zań kúshine endi.

– Sot reformasyn júrgizý­diń jalǵasy ári bizdiń bas­ty mindetimiz – tatýlastyrý rásim­derin qoldaný. Endi sottar aryzdardy qabyldap, tatýlastyrý sýdıasyna jiberedi. Taraptar tatýlasý arqyly negizgi sot prosesine kelmeı-aq máselesin sheshý úshin 14 kún ýaqyt beriledi, – deıdi B.Jumaǵulov.

Onyń aıtýynsha, bul joba ha­lyq­tyń áleýmettik osal toptaryna, sondaı-aq jeke jáne zańdy tulǵalarǵa quqyqtyq, deldaldyq jáne zańgerlik kómek kórsetýge baǵyttalyp otyr. Or­talyqta aza­mattarǵa medıatorlar, bıler, advokattar, prokýrorlar, psı­hologter, notarıýstar jáne bıznes-ombýdsmen quqyqtyq kómek kórsetedi. Turǵyndarǵa qolaıly jaǵdaı týdyrý úshin ortalyq qajetti tehnıkalyq qural­dar­men jabdyqtalǵan. Munda kelý­shilerge medıasııanyń erek­sheligi men artyqshylyǵy týraly aqparat beriledi.

 

ATYRAÝ

 

Sońǵy jańalyqtar

Semeı qalasynyń gerbi bekitildi

Aımaqtar • Búgin, 07:47

«Qaıyrymdylyq» taqyrybyndaǵy marka

Qazaqstan • Búgin, 07:45

Bas júlde buıyrmady

Sport • Búgin, 07:42

Josparyn jarııa etti

Sport • Búgin, 07:40

Sıfrlandyrý – ózekti másele

Úkimet • Búgin, 00:49

BUU-nyń Jahandyq shartyna qosyldy

Ekonomıka • Búgin, 00:34

Jeti túrli sóz

Ádebıet • Keshe

Antyna adal azamat

Qazaqstan • Keshe

Júrektiń jumsaq kúlkisi

Ádebıet • Keshe

О́ńirlerde aýa sapasy nashar

Ekologııa • Keshe

Elorda kúnine tartý

Teatr • Keshe

Jalǵyz qoldy sheber

О́ner • Keshe

Ereımen jerindegi ejelgi nysandar

Rýhanııat • Keshe

Uqsas jańalyqtar