Aımaqtar • 10 Shilde, 2020

Mobıldi top baqylaıdy

586 ret kórsetildi

Atyraýda qaýipti indet órship, juqtyrýshylar qatary kún saıyn ósýde. Oblys ákimi Mahambet Dosmuhambetovtiń málimetinshe, 27 naý­ryz-7 shilde aralyǵynda sımptomsyz naýqastardy qosa eseptegende koronavırýsqa shaldyqqandar sany 6 156 adamǵa jetti. Al sońǵy jeti kúnde indetti juqtyrýshylar 6 paıyzǵa ósken. Bul – 8 shildedegi málimet.

Naýqastardyń kóbi Jylyoı aýdanynda tirkelip otyr. Bul aýdannan 2822 adam indetke shaldyǵypty. Onyń ishinde 2 063 jaǵdaı Teńiz kenishindegi kásiporyndardyń jumysshylarynan rastaldy.

Munaıly óńirde koronavı­rýs ınfeksııasynyń órshýimen bir­ne­she másele týyndaǵany belgili. Birin­shi­den, medısına salasyndaǵy kadr­dyń jetispeýshiligi jergilikti bı­likti kópten beri tolǵandyrǵan eń ózekti problemanyń birine aınal­dy. Muny oblys ákimi de rastap otyr. Endi bul másele qalaı sheshi­le­­di? Qazir Atyraý oblysyna jalpy tájirıbelik dárigerler, anestezıolog-reanımotolog, akýsher-gınekolog, ınfeksıonıst jáne epıdemıolog syndy 278 maman aýadaı qajet. Osyǵan baı­lanysty oblystyq ákimdik medı­sına salasyn bilikti mamandarmen qamtamasyz etý úshin birneshe nusqany qarastyrypty. Onyń ishinde Reseıden bilikti dárigerlerdi shaqyrý máselesi de bar. Sonymen birge elimiz­de­gi medısınalyq joǵary oqý ornyn bitirgen jas mamandardy tartý kózdelip otyr.

Ekinshiden, osy apta bastalǵanǵa deıin dári-dármektiń tapshylyǵy sezil­di. Syrqatyna shıpa bolar dári-dármek izdegen jurt aptap ystyqta dárihananyń aldynda sa­ǵat­tap kezekte turdy. Birinen tap­­­pa­ǵanyn izdeý úshin qalanyń ár bu­ry­shyndaǵy dárihanalardy tań ala­­keýimnen kúzetetin boldy. Bul árıne óńir basshylyǵyn shu­ǵyl sheshim qabyldaýǵa májbúr etti. M.Dosmuhambetovtiń málim etýinshe, ja­qynda Atyraýǵa 220 mln teńgeni qu­raıtyn dári-dármekterdiń 430 túri shuǵyl jetkizildi. Onyń 50-ge jýyǵy – antı­­bıotıkter, azıtromısın, sefazo­lın, seftrıakson jáne ıneksııaǵa ar­nal­­ǵan lıdokaın eritindisi syndy prepa­rattar, ystyqty túsiretin dáriler men dárýmender. Dárilik preparattar partııasy oblys halqynyń suranysyn qam­tamasyz etedi. Dári-dármekter qala­daǵy jáne aýdandardaǵy 314 dá­ri­­hanaǵa taratyldy.

– Oblys ákimdigi «Farmqaýym­das­tyq» qoǵamdyq birlestigimen jáne taýarlar men kórsetiletin qyzmetterdiń sapasy men qaýipsizdigin baqylaý departamentimen memorandýmǵa qol qoıdy. Maqsat – dárilerdiń baǵasyn baqylaýda ustap, ár adamǵa tıesili kólemin ǵana satý. Qazir oblysta birneshe baqylaýshy organnan quralǵan mobıldik toptar reıd júrgizedi. Olar dári-dármek baǵasynyń shekti mólsherden aspaýyn qadaǵalaıdy. Dári-dármek baǵasyn shekti mólsherden asyrǵandar zań sheberinde jaýapqa tartylady. Baǵany zańsyz kótergenderdi anyqtaý jumysy jalǵasady, – deıdi oblys ákimi.

Úshinshiden, eki aptalyq qatań karantındik shekteý talabyna moıyn­su­nbaıtyndar áli kezdesip otyr. Oblystyq polısııa departamenti baspasóz qyzmetiniń málimetinshe, 5-6 shildede qatań karantındik shek­teý­ler­diń saqtalýyna reıd júrgizildi. Reıdtik is-shara kezinde Atyraý qala­sy­nyń «Nursaıa» shaǵyn aýdanynda or­nalasqan jemis-jıdek satatyn dúń­girshek, eki sýpermarket, azyq-túlik dúkeni, samsa satý orny, meıramhana ıeleriniń karantın talabyn buzǵany anyqtaldy. Sonymen qatar senbi, jeksenbi jáne mereke kúnderi avtokólik qozǵalysyna tyıym salý týraly shekteýdi elemegen 127 júrgizýshi ustaldy.

Degenmen, indetpen kúreste medı­sı­­nanyń 1429 mamany óz kási­bi­ne adal­dyǵyn tanytyp otyr. Medı­sı­na­lyq mekemelerdegi 41 jedel járdem avtokóligi qyrkúıek-qazan aılarynda respýblıkalyq bıýdjetten bólingen qarajatqa lızıngpen 40 sanıtarlyq avtokólikpen tolyqpaq. Sondaı-aq ob­lys­­tyq ákimdik 15 kólikti satyp alý­dy josparlap otyr.

Al keshe taǵy da 658 naýqastan qa­ýip­­ti indet belgisi rastalyp, jalpy sany 6814-ke jetti.

 

Atyraý oblysy

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar