Tanym • 15 Shilde, 2020

Júrektiń batyrlyǵy

24 ret kórsetildi

Erteńgi kúnniń búgingiden jarqyn bolýyna yqpal etip, adamzat qoǵamyn alǵa aparatyn qudiretti kúsh – bilimge ǵana tán. Demek, qaı eldiń de órken­de­ýi, órkenıetti dúnıede ózindik oryn alýy – bilim sa­la­synyń damý baǵytyna tikeleı baılanysty.

Elbasymyz Nursultan Ábishuly Nazarbaev «Elimizdiń erteńi búgingi jas urpaqtyń qolynda», degen bolatyn. Elimiz órkenıetti elderdiń qatarynan oryn alyp, urpaǵymyz qoǵam qajettiligine saı bolyp jatsa, bul – ustaz eńbeginiń jemisi. Sebebi aqyndy da, batyrdy da, alypty da, danany da ustaz tárbıeleıdi.

«Muǵalimi qandaı bolsa, qoǵamy da sondaı bolmaq» dep keletin buljymas zańdylyq bar. Adamzat órkenıetiniń damý tarıhynda jaqsy mektebi men muǵalimderi bar memleket qana ozyp shyqqan. Osy oraıda bilim berý salasynda kóp jyldan eńbek etip kelgen áriptesim jaıly oı qozǵaǵym keledi. Hadısha Mantaıqyzy Shaımerden – 1965 jyly Qazaq memlekettik pedogogıkalyq qyzdar ınstıtýtyn támamdap, Aqmola oblysy, Astrahan aýdany, Qyzyljar orta mektebine hımııa jáne bıologııa páni muǵalimi bolyp eńbek jolyn bastaǵan. Ol tabandy eńbektiń arqasynda mektep dırektory dárejesine deıin kóterildi. 1991 jyly memlekettik tilde oqytylatyn mektepterdi ashý suranysy týyndaǵan kezde Hadısha Mantaıqyzy osy qyzmetke belsendi aralasyp, Jitiqara qalasynda jáne basqa aýdandardan mektep janyndaǵy ınternatqa qazaq ultynyń balalaryn jınady. Jetiqara, Qamysty jáne basqa da birneshe aýdandaryndaǵy qazaq mektepteriniń muǵalimderine semınar ótkizip, orys tilinen qazaq tiline ádistemelik nusqaýlyqtardy aýdaryp, dıdaktıkalyq materıaldar jınaǵyn qurastyrdy, jas muǵalimderge kómek kórsetti. 2000 jyly Astrahan aýdanyna aýdandyq bilim bólimine bas maman bop oraldy.

 2001-2005 jyldary Jaltyr №4 orta mektebinde mektep dırektorynyń oqý isi jónindegi orynbasary bolsa, sońǵy jyldary hımııa jáne bıologııa pániniń muǵalimi retinde jumys istep keldi. Muǵalim eńbeginiń nátıjesin oblystyq bilim basqarmasy, Bilim jáne ǵylym mınıstrligi tarapynan alǵan marapattaýlarynan baıqaýǵa bolady.1998 jyly «QR Bilim berý isiniń úzdigi» ataǵyn ıelendi. Astrahan aýdanynyń 80 jyldyǵyna oraı basylyp shyqqan « Esildiń jaǵasynda» atty kitapqa «Qazaqstan aǵartý isiniń úzdigi» retinde endi.

Boıynda ulylyqtyń jatqan izi,

Keleshek ǵasyrǵa da úlgi isi.

Shýaqty, shejireli tarıhy bar,

Hadısha apaı – mektebimniń maqtanyshy.

Qasıetti qara shańyraqtan bilim nárimen sýsyndap, muǵalim degen ataqty alyp shyǵý, oqýshylarǵa jaqsy tárbıe men bilim berý – úlken erlik. Sebebi biz tárbıelegen urpaq erteńgi kúni elimizdiń tiregi bolmaq. Táýelsizdiktiń tuǵyryn, elimizdiń tynyshtyǵyn saqtap qalatyn da solar. Sondyqtan ustaz bolý – júrektiń batyrlyǵy.

 

Gúldana ISKAKOVA,

Jaltyr №4 orta mektebiniń tarıh pániniń muǵalimi

 

Aqmola oblysy

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar