Aımaqtar • 15 Shilde, 2020

Sý basqan eldi mekenderdegi ınfraqurylym júıeleri qalpyna keltirilýde

37 ret kórsetildi

Qazirgi tańda Maqtaaral aýdanyndaǵy sý basqan eldi mekenderdiń ınjenerlik ınfraqurylymyn qalpyna keltirý jumystary 2 baǵytta júrgizilýde, dep habarlaıdy Egemen.kz Maqtaaral aýdany ákiminiń baspasóz qyzmetine silteme jasap.

Atap aıtqanda, aýdan ortalyǵy Myrzakent kentindegi jańadan boı kóterip jatqan móltek aýdan tolyqtaı ınfraqurylymmen qamtylyp jatsa, Fırdaýsı, О́rgebas, Jańaturmys jáne Jeńis aýyldarynda aýyz sý júıeleri qaıta qalpyna keltirilýde.

Búgin Maqtaaral aýdanynyń ákimi Baqyt Asanov pen oblys ákiminiń orynbasary Meıirjan Myrzalıev aýdan ortalyǵyndaǵy jańa móltek aýdanda ınfraqurylym júıeleriniń qurylys jumystaryn baqylap, oryn alǵan keıbirkemshilikter boıynsha merdiger mekemelerge eskertýler jasady.

Jalpy jańa móltek aýdanda aýyz sý, káriz, elektr, gaz, baılanys, aǵyn sý jelilerin qurý jáne abattandyrý jumystary bir ýaqytta júrgizilip jatyr. 70 gektar aýmaqty alyp jatqan aımaqta 8 merdiger mekeme ınjenerlik ınfraqurylym jumystaryn júrgizýde.

Munan soń basshylar Fırdaýsı jáne О́rgebas aýyldarynda boldy Fırdaýsıde aýyz sý júıesitolyǵymen qaıta qurylý ústinde eken. Munda aýyzjelileri jańartylyp, uńǵyma qazylyp, sý munarasy turǵyzylýda. Al, Jeńis, Jańa-turmys jáne О́rgebas aýyldaryndaǵy aýyz sý júıelerine aǵymdaǵy jóndeý jumystary jasaldy. Atap aıtqanda, sý eseptegish quraldary tolyǵymen aýystyrylyp, sanıtarlyq qorǵaý aımaqtary jáne sý eseptegishke arnalǵan qorǵanys jáshikteri qaıta qalpyna keltirilgen. Sondaı-aq,qubyrlaryna dezınfeksııalaý  jumystary da júrgizilipti.

Aıta keteıik, Maqtaaral aýdanyndaǵy sý basqan aýyldarda 40,1 shaqyrymdy quraıtyn 27 ishki kóshege asfalt tóseý jumystary da josparlanyp otyr.

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar