Bilim • 17 Shilde, 2020

Qazaqstanda aýyl mektepterin qoldaý boıynsha jańa joba iske qosyldy

78 ret kórsetildi

"Aitas KZ" AQ "Nazarbaev Zııatkerlik mektepteri" DBBU-men birge "Aýyl mektebi" jobasyn iske qosty. Bul týraly Egemen.kz Nazarbaev Zııatkerlik mektebiniń baspasóz qyzmetine silteme jasap habarlaıdy.

7 shildede "Aitas KZ" pen "Nazarbaev Zııatkerlik mektepteri" DBBU (NZM) "Aýyl mektebi" jobasyn uıymdastyrý boıynsha yntymaqtastyq týraly memorandýmǵa qol qoıdy. Joba Turaqty damý strategııasy aıasynda Aqmola oblysynyń Bulandy aýdany men Shyǵys Qazaqstan oblysynyń Ulan, Katonqaraǵaı aýdandaryndaǵy 4 mektepte júzege asyrylady.

Aýyldy eldimekendegi bilim

Qazaqstandyq mektepterdiń 72,2%-y aýyldy eldimekenderde (stat.gov.kz) ornalasqan. Sonymen birge aýyldy eldimekenderde oqýshylardyń 46%-y bilim alady. Sebebi eldegi mektepterdiń 49,4%-y shaǵyn jınaqty mektepter bolyp sanalady. Odan bólek aýyldaǵy mektepterdiń ásirese oqý quraldarymen jetkilikti deńgeıde jasaqtalmaýy men bilim alý múmkindikteriniń tómen deńgeıi erekshe baıqalady.

Sondaı-aq qazaqstandyq oqýshylar sońǵy 10 jylda halyqaralyq PISA-2018 15 jasqa deıingi oqýshylardyń fýnksıonaldyq saýattylyǵyn zertteý nátıjeleri boıynsha alǵash ret saýattylyq deńgeıiniń tómendegenin kórsetip otyr. Qala men aýyl arasyndaǵy bilim sapasynyń alshaqtyǵy 37 baldy quraǵan.

"Aitas KZ" AQ pen "NZM" DBBU joba bastamashylarynyń oıynsha, qoǵamnyń, bılik pen bıznestiń ózara tıimdi yntymaqtastyǵy aýyldy aımaqtarda turaqty damý strategııasyn júzege asyrýǵa jáne NZM tájirıbesin eldegi jalpy bilim beretin mektepterge transfer júrgizýge múmkindik beredi.

2011 jyldan bastap "Nazarbaev Zııatkerlik mektepteri" Derbes bilim berý uıymdary óz tájirıbesin eldegi orta bilim berý júıesine translıasııalaý boıynsha júıeli jumys júrgizip keledi. Bul – uıym jumysynyń basymdyqqa ıe ári strategııalyq baǵyttarynyń biri bolyp sanalady.

"Qazaqstan Respýblıkasynyń Prezıdenti Toqaevtyń 2019 jyldyń 2 qyrkúıegindegi joldaýyna sáıkes áleýmettik jańǵyrtýdyń jańa kezeńinde jáne qala men aýyl mektepteriniń arasyndaǵy orta bilim berý sapasy alshaqtap jatqan ýaqytta, oqýshylardyń bilim sapasyn arttyrý maqsatynda alty aımaqtyń ákimdigi "Aýyl mektebi" jobasyn pılotty rejımde bastaý úshin 14 bilim berý uıymyn iriktep aldy. Atalmysh joba aıasynda DBBU oqý jáne tárbıe berý prosesine, onyń ishinde sabaqtardy baqylap, oqý jetistikterine monıtorıng jasaı otyryp zertteý júrgizdik. Monıtorıng nátıjeleri negizinde oqýshylarǵa ádistemelik qoldaý kórsetildi. Muǵalimderdi kásibı turǵyda shyńdaý jáne materıaldyq-tehnıkalyq bazany jaqsartý boıynsha usynystar ázirlendi, mektepterdi damytýdyń jospary jasaldy", - dedi joba jaıly "Nazarbaev Zııatkerlik mektepteri" DBBU Basqarma Tóraǵasy Kúlásh Shámshıdınova.

NZM iske asyratyn jobanyń negizgi mindetteri – mektep ınfraqurylymyn túgendeý jáne aýyldaǵy bilim berý qyzmetiniń sapasyn arttyrý. О́z kezeginde "Aitas KZ" AQ mektepterdiń jabdyqtalýyn qamtamasyz etip, jobany qarjylandyrady. Jergilikti atqarýshy organdar mektepterde jóndeý jumystary men jańa oqý jylyna daıyndyqty júrgizedi.

"Yntymaqtastyqtyń osyndaı formaty aımaqtardaǵy qazirgi bilim berý máselelerin sheshýge múmkindik beredi. Bul tájirıbe eldiń basqa aımaqtarynda da osyǵan uqsas jobalardy damytýǵa jol ashady. NZM-nyń jalpy bilim berý salasyndaǵy múmkindikteri aýyldyq mektepter deńgeıinde de, eldiń basqa qalalarynyń deńgeıinde de qyzyqty. Jobanyń júzege asyrylýy óz nátıjesin sózsiz kórsetedi. Alaıda qazirdiń ózinde qol jetkizgen jetistigimizdi oń nátıje dep baǵalaýǵa bolady", - dep atap ótti "Aitas KZ" AQ Bas dırektory Serik Tolyqpaev.

 "Aýyl mektebi" jobasy kelesi jumys baǵyttaryn kózdeıdi:

  1. Aýyl mektepteriniń kúshti jáne álsiz jaqtaryn, sonymen birge orta bilim berý uıymdarynyń qajettiligin zertteý.
  2. Bilim berý qyzmetin usynýdyń sharttary men sapasyn jaqsartý boıynsha usynystardy ázirleý.
  3. DBBU tájirıbesin esepke ala otyryp, oqytýdy uıymdastyrýdyń, oqytýdyń, baǵalaýdyń, tárbıe berý jumystarynyń ınnovasııalyq tájirıbeleri men tehnologııalaryn engizý.

Materıaldyq-tehnıkalyq bazany jaqsartý jumysy jyldar boıynsha júrgiziledi:

  • 2020 jyl: mektepterdiń dıagnostıkasy; kabınetterdi jabdyqtaý (ınformatıka, robototehnıka, uldar úshin ınjenerııa men qyzdar úshin eńbek kabıneti); qurylymdalǵan kabeldi jeli men BJ (baǵdarlamalyq jasaqtama); muǵalimderdiń biliktiligin arttyrý, mektep keńistigin uıymdastyrý;
  • 2021 jyl: kabınetterdi jabdyqtaý (hımııa, fızıka, bıologııa, mýzyka, jaratylystaný, sport jáne akt zaly); oqýshylardyń biliktiligin arttyrý;
  • 2022 jyl: bastaýysh, negizgi jáne joǵarǵy mektepterdiń kabınetterin jabdyqtaý.

Muǵalimderdiń biliktiligin arttyrý jumysy 2020 jyly búkil josparly jumystarmen qatar júrgiziledi.

Qazirgi ýaqytta birinshi kezeńniń bóligi júzege asyrylǵan. Iаǵnı jobaǵa engizilgen mektepterge dıagnostıka júrgizildi (Katonqaraı men Úlken Naryn aýyly, Qasym Qaısenov kenti, Makınsk qalasy). Sonymen birge osy jyldyń sáýir aıynan bastap NZM Pedagogıkalyq sheberlik ortalyǵynyń mamandarynyń qatysýymen "Kognıtıvti (tanymdyq) prosesterdi damytý: nazar, este saqtaý, sóıleý, oılaý", "Sabaqtaǵy keri baılanys: túrler, usynys nusqalary", "Daryndy balalardy oqytýdyń amal-ádisteri" jáne taǵy basqa taqyrypta mektep muǵalimderine arnalǵan 20 vebınar ótkizildi.

Kózdelgen mindetterdi júzege asyrýdyń mańyzdy aspektteri – oqýshylar úshin de, muǵalimder úshin de oqý prosesi bolyp esepteledi. Muǵalimderdi oqytý úshin de birqatar keshendi shara júzege asyrylady. Olar: pedagogtar úshin biliktilikti arttyrý kýrsy, sabaq berý men oqytý ádistemesi boıynsha semınarlar; NZM men basqa da bazadaǵy taǵylymdamalar men oqytýlar.

Júrgizilgen jumystardyń qorytyndysy boıynsha mekteptegi bilim berýdiń jańa deńgeıin aýyldy eldimekenderdegi 3000 oqýshy alady. Jobanyń jalpy bıýdjeti 800 mıllıon teńgeni quraıdy. Sonymen birge jergilikti atqarýshy organdarmen kelisim boıynsha jobaǵa qatysatyn mektepterde 2021 jyldyń sońyna deıin memlekettik qarajat esebinen jóndeý jumystary júrgiziledi.

 

Sońǵy jańalyqtar

Dollar baǵamy arzandady

Ekonomıka • Búgin, 12:30

Petropavlda esirtki zerthanasy anyqtaldy

Aımaqtar • Búgin, 09:20

Qyran qanatynda qalyqtaǵan jyr

Rýhanııat • Búgin, 08:43

Sóz soıyl №105

Rýhanııat • Búgin, 08:39

Qaıyrymdy ister marafony jalǵasýda

Rýhanııat • Búgin, 08:33

Qundy qazyna ortalyǵy

Rýhanııat • Búgin, 08:15

Investısııa tartýǵa kúsh salýda

Aımaqtar • Búgin, 08:12

Talapty qyz Tálipova

Sport • Búgin, 08:10

Tarıhta turlaý bolǵan ba?

Tarıh • Búgin, 08:08

Serbııada saıysqa túsedi

Boks • Búgin, 08:06

Shúkirshilik

Rýhanııat • Búgin, 08:02

Bastamalardy qoldaý alańy

Saıasat • Búgin, 08:00

Alash topyraǵyndaǵy altyn tarıh

Eń qysqa áńgime • Búgin, 08:00

Ahýal alańdatyp tur

Aımaqtar • Búgin, 07:52

Sábı saýdasy qashan toqtaıdy?

Qoǵam • Búgin, 07:51

Aqtóbede «jol jyry» qaıta bastaldy

Qoǵam • Búgin, 07:48

Aq jeleńdi abzal jandar

Qoǵam • Búgin, 07:47

Jarqaıyńnyń jomart jandary

Aımaqtar • Búgin, 07:40

Jappaı vaksınalaý algorıtmi jasaldy

Medısına • Búgin, 07:35

Úndistandaǵy ahýal nashar

Álem • Búgin, 07:32

Jol – memlekettiń kúretamyry

Aımaqtar • Búgin, 07:24

Til men tarıh – halyqtyń qos qanaty

Oqıǵa • Búgin, 07:17

Uqsas jańalyqtar