Aımaqtar • 17 Shilde, 2020

Túrkistanda “О́mir” jáne “Shıpa” jobalary júzege asyryla bastaldy

29 ret kórsetildi

Pandemııa kezinde elge kómektesý maqsatynda  Nur Otan partııasy Túrkistan oblystyq fılıalynyń uıymdastyrýymen  "О́MIR" jáne "ShIPA" atty 2 joba bastaldy. Jańa jobany partııanyń "Jas Otan" jastar qanaty jáne oblystyq "Jastar resýrstyq ortalyǵy" janynan qurylǵan "Jas Turkistan" eriktiler qozǵalysy úılestirip júrgizedi.

Qazir elimizde tapshy bolyp otyrǵan ottegi apparattaryn shet memleketterden óńirimizdegi emhanalarǵa jetkizýdi maqsat etken «О́mir» jáne orta deńgeıdegi dári-dármekter qorapshasyn daıyndap, ony aýyl-aýdandardaǵy áleýmettik jaǵdaıy tómen, az qamtylǵan kópbalaly otbasylarǵa taratý kózdelgen «Shıpa» jobalary resmı túrde júzege asyryla bastady. Jobalar aıasynda Qoǵamdyq densaýlyq basqarmasyna Túrkııadan ákelingen eki jasandy tynys alý apparaty usynylsa,  20-dan astam naýqasqa shaldyqqan muqtaj otbasylarǵa dári-dármek tapsyryldy. El janashyrlary, oblystyq máslıhattaǵy Nur Otan partııasynyń fraksııa ókilderi men ózge de azamattar qoldaý kórsetip, jobalardy júzege asyrý maqsatyndaǵy qorǵa 10 mıllıon teńgeden astam qarjy aýdarǵan. Bul qarjynyń bir bóligine  Túrkııa jáne Qytaı elderine 50 jasandy tynys alý apparatyna tapsyrys berilip, olar aldaǵy aptada óńirge jetkiziledi. Sonymen birge ázirge 300 dári-dármek qorapshasyn elge taratý kózdelgen. Qorapsha ishinde Qoǵamdyq densaýlyq basqarmasy tarapynan usynylǵan, qazir beleń alyp otyrǵan koronavırýs pen pnevmonııa syrqattarynyń aldyn alýǵa, emdeýge arnalǵan dáriler men quraldar bar.

1
Alǵashqy eki jasandy tynys alý appara
tyn alýǵa demeýshilik kórsetken Nur Otan partııasy oblystyq fılıaly tóraǵasynyń birinshi orynbasary Beısenbaı Tájibaev bul jobalar óńirdegi jas eriktilerdi ıgi iske jumyldyryp otyrǵanyn jetkizdi. «Qazir Túrkistan oblysynda COVID-19 rastalǵan naýqastar sany  2370-ten asty. О́kinishke qaraı, jasandy tynys alý apparattary men dári-dármek jetispeýshiligi de baıqalyp otyr. Sondyqtan da partııa bastamasymen óńirdiń belsendi jastarynan «Jas Turkistan» eriktiler qozǵalysy qurylyp, osy jobalardy iske asyrýdy bastap ketti. Joba aıasyndaǵy jumystar Qoǵamdyq densaýlyq basqarmasymen de birlesip atqarylady. Bul ıgi bastamaǵa partııa ókilderi, máslıhat depýtattary qoldaý kórsetýde. Pandemııamen kúreste, muqtaj otbasylarǵa kómektesýde atalǵan jobalar tıimdiligin kórsetedi dep senemin. Osy qıyn kezeńde elge kómektesýge barsha azamattardy atsalysýǵa shaqyramyz», deıdi B.Tájibaev.

Sondaı-aq óńirde eriktiler aýrýhanalardaǵy naýqastarǵa saýmal men qymyz jáne azyq-túlik jetkizýde. Oblystyq «Jastar resýrstyq ortalyǵynyń» dırektory Amalbek О́mirtaı men «Jas Otan» jastar qanaty oblystyq fılıalynyń tóraǵasy Janserik Juman jobalardy júzege asyrýǵa aýyl-aımaqtardaǵy jastar da úles qosatynyn, saýapty is tutas oblysty qamtıtynyn jetkizdi.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar