Qazaqstan • 24 Shilde, 2020

Aqmola óńirlik garnızonynyń jaýyngerlik daıyndyǵy tekserildi

15 ret kórsetildi

Qazaqstan qorǵanys mınıstri Aqmola óńirlik garnızony Desanttyq-shabýyldaý men Áýe shabýylyna qarsy qorǵanys áskerleriniń áskerı bólimderine jumys saparymen boldy, dep habarlady QM baspasóz qyzmeti.

Karantın kezinde bólimderdiń jaýyngerlik daıarlyq jaǵdaıyn tekserýden basqa, áskerı nysandardyń ınfraqurylymy, kúrdeli jóndeý  men basqa da qurylys jumystaryna qatysty máselelerge basa nazar aýdaryldy.

Áskerı bólimderde jaýyngerlik mashınalar parkteri, tehnıkalyq qyzmet kórsetý jáne tehnıkany jóndeý pýnkteri tekserilip, qalashyqtar men modýldi jataqhanalar ornalasqan aýmaqtar qaraldy.

Mınıstr ınfraqurylymnyń jas sarbazdardy qabyldaýǵa  daıyndyǵyn, ashanalardyń jaı-kúıin tekserip, jeke quramnyń tamaqtanýy, áskerı qyzmetshilerdiń kazarmalary men turmys jaǵdaıymen tanysty.

Qorǵanys vedomstvosynyń basshysy basqa da garnızon nysandaryn, onyń ishinde QR QK Bas shtabynyń dalalyq baılanys torabynyń shtabyn tekserdi.

Jaýapty laýazymdy tulǵalar aımaqtaǵy jaǵdaı, atqarylǵan jumys, jeke nysandarǵa jóndeý jumystary men jabdyqtalýyna qatysty máseleler týraly baıandady.

Garnızonnyń keıbir ınfraqurylymdary eskirgen. Keńes Odaǵy kezinen qalǵan ǵımarattar endi talapqa saı kelmeıdi jáne jóndeýdi qajet etedi. Keńes kezinde qajettilikter úshin salynǵan qurylys nysandary eskirgen, sý tasqynynan saqtamaıdy.

Atap aıtqanda, áskerı tehnıkany saqtaý oryndarynyń jumsaq jappasy, tehnıkalyq qyzmet kórsetý jáne jóndeý pýnkti, park aýmaǵynyń perımetri boıynsha qorshaý jáne modýldi jataqhananyń jylý júıesiniń qasbeti kúrdeli jóndeýdi qajet etedi. Sonymen qatar, jumys istemeıtin qazandyqty buzý qajet.

Qorǵanys vedomstvosynyń basshysy pandemııa kezinde tıisti deńgeıde áskerı bólimderde qatań sanıtarlyq talaptardy saqtaýdy, sonymen qatar birqatar áskerı nysandardyń ınfraqurylymyn tıisti qalpyna keltirý úshin uıymdastyrý máselelerin sheshý úshin tıisti sharalardy qabyldaýdy tapsyrdy. Birinshi kezekte ol áskerı múlikti saqtaý, nysandardyń dıversııaǵa qarsy qaýipsizdik máselesi bolyp tabylady.

Aqmola óńirlik garnızonynda ornalasqan Qarýly Kúshterdiń áskerı bólimderi Elordanyń áýe keńistiginiń qaýipsizdigin qamtamasyz etý boıynsha turaqty jaýyngerlik ázirlikte jaýyngerlik kezekshilikte turady. Elimizdiń basty qalasyna jaqyn ornalasqan desanttyq-shabýyldaý bólimshelerine de erekshe strategııalyq máseleler júktelgen. Desantshylar kez-kelgen ýaqytta qaýyrt tapsyrmalardy maqsatty túrde oryndaýǵa árdaıym daıyn.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar