Aımaqtar • 29 Shilde, 2020

Atyraýda Shymkentke baǵyt alǵan avtobýstar toqtatyldy

454 ret kórsetildi

Oblystyq polısııa departamenti men  Kólikti baqylaý ınspeksııasy qyzmetkerleriniń birlesken reıdi kezinde eki avtobýstyń júrgizýshileri ustaldy. Olar Shykentke jolaýshylardy jetkizýge ýáde bergen, - dep habarlaıdy Egemen.kz.

"27 shildede Atyraý qalasyndaǵy Bereke yqshamaýdanynda «Atyraý-Shymkent» baǵytyna jolaýshylar  tasymaldaıtyn avtobýs toqtatyldy. Tekserý kezinde  36 jolaýshysy bar avtobýs júrgizýshisi karantındik shekteýlerge qaramastan, jolaýshylar tasymalymen aınalysqan. Sol kúni keshki saǵat 20:15 shamasynda «Atyraý-Oral» tas joly boıynda taǵy bir avtobýs toqtatyldy. Avtobýs salonyndaǵy 30 jolaýshy  Shymkent qalasyna baǵyt alǵany anyqtaldy", - dep habarlady oblystyq polısııa departamentiniń baspasóz qyzmeti.

Karantındik shekteýlerdi  buzǵan avtobýs júrgizýshilerine qatysty QR Ákimshilik quqyq buzýshylyq týraly Kodeksiniń 590-baby  (Kólik quraldaryn paıdalaný qaǵıdalaryn buzý), 571-baby (Jolaýshylardy, bagajdy jáne júkterdi tasymaldaý qaǵıdalaryn buzý), 572-babymen (Jolaýshylardy, bagajdy nemese júkterdi avtomobılmen tasymaldaýdy júzege asyrý kezinde júrgizýshilerdiń eńbek jáne demalys rejıminiń buzylýy) ákimshilik hattamalar toltyryldy. Sondaı-aq, avtobýs júrgizýshileriniń birine QR Ákimshilik quqyq buzýshylyq týraly Kodeksiniń 230-babymen (Qazaqstan Respýblıkasynyń mindetti saqtandyrý týraly zańnamasyn buzý) hattama rásimdelip, kólik aıyppul turaǵyna qoıyldy.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar