Rýhanııat • 30 Shilde, 2020

Oshaqta janǵan ot

60 ret kórsetildi

Jaz. Aýyl keshi. Ymyrt úıirilip ke­ledi. Saman kirpishten turǵyzylǵan toqal úı­diń aldyndaǵy oshaqqa qı salynyp, ot tutatyldy. Kóp keshikpeı onyń murjasynan tútin kóterilip, qara qazan shymyrlap qaınaı bastaıdy. Usaq maldyń tuıaǵy taptaǵan qıdyń ja­lyny kómirden kem bolmaǵanyn aǵa býyn ur­paq ókilderi óte jaqsy biledi. Osy ta­bıǵı otyn ǵasyrlar boıy qazaqy pesh­tiń qyzýyn báseńdetpeı keldi emes pe? Al úıdiń ishi men syrtyndaǵy oshaq­ta qa­ra qazanǵa pisirilgen taǵamnyń dámi til úıi­­rilip turatyny umytyla qoıar ma eken.

Mundaı kórinis el ishinde sekseninshi jyldarǵa deıin saqtalyp keldi. Keıinnen qıdyń ornyn kómir, sodan soń kógildir otyn almastyrdy. Oshaqtar joıylyp, ár úıge gaz qubyrlary tartyldy. Sirińkeni bir tartyp qalsań bol­dy, kógildir ot lap ete túsedi. Endigi jerde tamaq qara qazanda emes, qalaıy kos­trıýlderde pisirile bastady. Báribir oshaqta janǵan ot pen kókke boı soza kóterilgen onyń tútini sol jyldardaǵy aýyl balalarynyń kókeıinde jattalyp kaldy.

Oshaqta janǵan ottyń janynda, arbanyń ústinde jatyp bala-qııal jer-kókti sharlap kete barýshy edi. Oshaq oty júzdegen, myńdaǵan aýyl balalarynyń armanyn ushtap, túpsiz tereń álemge jetektep kete baratyn. Aýyldyń ul-qyzynyń armanshyl, maqsatker bolyp ósýiniń bir syry oshaqta janǵan ottan aýysqan sheksiz qýat pa dep qalasyń. Al kerisinshe bir kún oshaqta ot janbaı qalsa, aýyl balasynyń kóńili pás, jabyrqaý bola qalatyny da bar. Kórshiles qonystanǵan qos úıdiń syrtqy oshaqtary da qatar ornalasqan edi. Kórshiniń oshaǵynda satyr-kútir laýlap ot janyp, bizdiń úıdiń oshaǵy qaraıyp, úńireıip tursa, atam men ájeme: oshaqta nege ot janbaı jatyr, dep yǵyrdy shyǵarýshy edim.

Mundaı oshaqtar aýyldyq jerde áli de kezdesedi. Kózińe shoqtaı basylatyn sol turmystyq zat-múlikti kórgende úı ıelerine muny paıdalanyp turasyńdar ma degen saýal qoıasyń eriksiz. Árıne. Ásirese jaz kezinde oǵan et asyp jegendi jaqsy kóremiz. Onyń dámi múldem bólek bolady deıdi jergilikti turǵyndar.

Oshaq degen sózdi jalań qarastyrmaı, oǵan tereńirek mán bersek, uıa, otbasy degen maǵynaly uǵym shyǵady. Mysaly, qazirgideı kúrdeli kezeńde indet qos ókpeden qysqan kezde oshaǵymyzdyń oty sónbesin, aǵaıyn! «Ash qaryn jubana ma, maıly as jemeı» dep dana Abaı aıtqandaı, qazanymyzda búlkildep, bylqyldap pisken maıly et sizge shıpa bolyp daryǵaı!

 

AQTО́BE

 

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Uqsas jańalyqtar