Alash úni – Argentına tórinde

Tek Dımashtyń ánderi qo­sy­latyn radıostansııa ashý týraly oı jerlesimizdiń Ar­gen­tınadaǵy tyńdarmany Paola Romınaǵa 2019 jyldyń ta­myzynda kelgen eken. Boı­jet­kenniń bastamasyn tek La­tyn Amerıkasyndaǵy emes, jer jú­zindegi fanattar da qol­daǵan.

Atalǵan saıt jazǵandaı, «Dimash´s Dears Argentina» fan-klýby ákimshileriniń biri Flavııa Altamırano Paolamen argentınalyq fanattardyń Rosarıodaǵy kezdesýinde ta­nys­qan eken. Qyzdar tez til tabysyp, az ýaqyttan keıin Paola «The Dimash Era» degen atpen mádenı almasýǵa arnalǵan pa­raqsha ashqan. Bul paraqshada Paola Qazaqstan mádenıetin ózge elderdiń mádenıetimen salys­tyra otyryp, uqsastyǵy já­ne aıyrmashylyǵy týraly jarııalaıdy eken.

Fanattar tarapynan oń baǵa alǵan Paola dúnıe júzindegi fanattarǵa tartý jasaǵysy kel­gen. Oılana júrip sońynda jeke radıo stansııa ashýǵa bel býypty. Jańa ıdeıasy týraly Paola argentınalyq Dears-qa ha­barlaıdy, al olar óz keze­ginde qýana-qýana qoldaý ta­nytqan.

Aıta ketýimiz kerek, radıo­stansııanyń negizgi maqsaty – álem­de bolyp jatqan jaǵdaıǵa baı­lanysty qınalǵan, muqtaj jandarǵa, fanattarǵa baqyt syılaý. Radıony WiFi jelisi joq oryndarda da mobıldi traffık jumsamaı-aq tyń­daı berýge bolady. Ol úshin «ZenoRadio» mo­bıldi qosym­sha­syn «App Store» jáne «Google Play-den» júktep alýǵa bolady.

Dımash búginde álemge tanymal tulǵa. Qarshadaı uldyń qa­zaq saharasynda týyp, az ǵana jyldyń ishinde aty álem­ge máshhúr bolýy, Atlant muhı­tyn asyp Argentına tórinde táý­likter boıy áni shyrqalyp jatýy – ultymyzǵa teńdessiz mereı.

Qazaqtyń áni men sánin, óne­ri men tilin nasıhattap júr­gen qubylysty el ishinde budan da úlken qurmetpen nasıhattaýymyz kerek qoı.