Aımaqtar • 03 Tamyz, 2020

Shymkenttegi dıagnostıkalyq ortalyq zerthanasy 9 myńnan astam azamattan COVID-19-ǵa synama alǵan

13 ret kórsetildi

Shymkent qalasynyń ákimi Murat Áıtenov qalalyq dıagnostıkalyq ortalyqtyń jumysymen arnaıy baryp tanysyp, medısına qyzmetkerlerine pandemııa kezinde atqarǵan eren ebekteri men erligi úshin alǵysyn bildirdi. Sonymen qatar ortalyqtandyrylǵan medısınalyq zerthananyń jumysyn joǵary baǵalady.

Atalǵan ortalyq Covid-19 epıdemııasyna qarsy is-sharalarynyń ishinde basym baǵytta medısınalyq qyzmet kórsetken. Mamandar naýqastardyń ókpe qýysynyń rentgen jáne kompıýterlik tomografııa zertteýlerin júrgizgen. Al, PTR zerthanasy joǵary sapaly zertteý nátıjelerin qamtamasyz etedi. Munda Sovid-19 vırýsyn anyqtaý úshin 9350 azamattan synama alynǵan.

Sonymen qatar, Murat Áıtenov ortalyqtyń elektrondy qyzmetterimen tanysyp, mindetti áleýmettik medısınalyq saqtandyrý júıesi sheńberinde atqarylyp jatqan jumystardy kórdi. 

Aıta keteıik, zamanaýı tehnologııalarmen jabdyqtalǵan dıagnostıka mekemesi 1990 jyly ashylǵan. Bul ortalyq dıagnostıka jáne emdeýdiń óte jańa, tıimdi, ınnovasııalyq ádisterin qoldana otyryp, konsýltasııalyq-dıagnostıkalyq kómek kórsetedi. 2019 jyly medısınalyq mekeme QR densaýlyq saqtaýdaǵy ulttyq sapa standarttaryna medısınalyq qyzmetterdiń sáıkestigine óńirdegi medısınalyq uıymdardyń ishinde birinshi bolyp joǵarǵy sanatpen akkredıttelgen. Ortalyqta 38 medısınalyq mamandyq boıynsha, joǵary bilikti dárigerler keńes berip, 800-ge jýyq dıagnostıkalyq, 6000-ǵa jýyq zerthanalyq qyzmetter kórsetip keledi.
Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar