Aımaqtar • 03 Tamyz, 2020

Atyraýda polıseıler 1 tonnaǵa jýyq bekire tárkiledi

562 ret kórsetildi

Balyqty aýlaýdyń da zańmen bekitilgen qaǵıdasy bar. Alaıda, bekire tuqymdas baǵaly balyqtar qoryna sýyq qolyn suǵatyndar  muny eleı bermeıdi.

Degenmen, oblystyq polısııa departamentiniń bastyǵy Qamza Úmbetqalıevtyń aıtýyna qaraǵanda, bıylǵy altyaıda balyq qoryn qorǵaýǵa qatysty quqyqbuzýshylyqtardy tómendetýdiń múmkindigi artty. Buǵan ásirese, brakonerlik úshin beriletin jazanyń qatańdatylýy oń yqpalyn tıgizip otyr. Sondaı-aq, karantın rejıminiń saqtalýyn qamtamasyz etý maqsatynda júrgizilgen is-sharalardyń áseri tıipti.

"Jyl basynan beri júrgizilgen profılaktıkalyq  is-sharalar kezinde tabıǵat qorǵaý zańdylyǵy 337 ret buzylǵany anyqtaldy. Onyń 305-i balyq qoryna qol suǵýshylyqqa qatysty boldy.  Osyǵan baılanysty polısııa qyzmetkerleri 57 qylmystyq is qozǵady. QR Ákimshilik quqyqbuzýshylyq týraly Kodeksiniń 383-babymen (Balyq aýlaý jáne balyq resýrstary men basqa da sý janýarlaryn qorǵaý qaǵıdalaryn buzý) 276 hattama toltyryldy" deıdi departament bastyǵy Qamza Úmbetqalıev.

Polısııa qyzmetkerleri alty aıda quqyq buzýshylarǵa 3 mln teńgeden astam aıyppul saldy. Aıyppuldyń 1,5 mln teńgeden astamy óndirildi. Zańsyz saýda aınalymynan 9 tonnadan astam balyq tárkilendi. Onyń ishinde 999 kılo bekire tuqymdas baǵaly balyq túrleri bar. Sondaı-aq, zańsyz balyq aýlaýshylardan 284 aý men 2 sýda júzý quraly alyndy.  

 

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar