2021 jyly TQJB ıpotekany onlaın-rejımde berýdi josparlap otyr

Qazaqstan • 03 Tamyz, 2020

2021 jyly TQJB ıpotekany onlaın-rejımde berýdi josparlap otyr

30 ret kórsetildi

2020 jylǵy qańtarda Turǵyn úı qurylys jınaq banki túbegeıli jańa servıs — vıdeobankıngti iske qosty. Klıent onyń kómegimen bank menedjerimen beıne baılanys arqyly baılanysyp, qashyqtan keńes ala alady. Bul týraly PrimeMinister.kz-ke bergen suhbatynda "Qazaqstannyń turǵyn úı qurylys jınaq banki" AQ basqarma tóraıymy Lázzat Ibragımova málimdedi.

Aqmaral AǴZAMQYZY

L. Ibragımovanyń aıtýynsha, tótenshe jaǵdaı rejımi bastalǵannan beri Qazaqstanda Turǵyn úı qurylys jınaq bankiniń aldynda onlaın-rejımde qyzmet kórsetýdi jalǵastyrý mindeti tur.

"Biz Qazaqstannyń barlyq iskerlik belsendiligi soqtyǵysqan problemalarǵa tap boldyq. Naýryz aıynyń sońynda, karantındik sharalar qabyldanady dep jarııalanǵan kezde jáne keıbir qalalardyń sanıtarlyq dárigerleri bizdiń fılıaldarymyzǵa jumys isteýge tyıym salǵan kezde biz keıbir fýnksııalardy onlaın rejımge kóshirdik, — dedi ol.

Osy qıyn-qystaý kezeńde suranysqa asa ıe qyzmetterdiń biri osy jyldyń qańtar aıynda iske qosylǵan vıdeobankıng boldy. Jańa servıstiń iske qosylýymen birge jańa mamandyq — vıdeobankır paıda boldy.

"Saıttan beıne qońyraý jasaǵanda, siz fılıalǵa kelgen kezde jasaıtyndaı operasııalardy oryndaısyz. Sizge qarama-qarsy vıdeobankır otyrady. Siz ózińizdi tanystyrǵan kezde birneshe mınýt ishinde júıe birneshe fotosýret pen bıometrııalyq sáıkestendirý jasaıdy", — dedi TQJB basqarma tóraıymy.

Bıometrııalyq sáıkestendirý — bul adam tulǵasyn bet beınesi, saýsaq izi nemese daýysy arqyly tanýǵa múmkindik beretin tehnologııa. Júıe shyǵyndardy azaıtady, klıentterge qyzmet kórsetý ýaqytyn qysqartady, alaıaqtardan qorǵaıdy, bıznes-prosesterdi ońtaılandyrady jáne kiristi arttyrady. Mundaı tehnologııalar birtindep búkil álem boıynsha — AQSh, Eýropa, Qytaı, Japonııa, Taıaý Shyǵys jáne Latyn Amerıkasy elderinde ártúrli salalardy qamtyp keledi. Búgingi tańda bıometrııalyq tehnologııalardy engizý endi startaptarǵa arnalǵan sándi trend pen «oıynshyqtar» emes, ekonomıkanyń ártúrli salalaryn damytýdyń mindetti sharty bolyp tabylady.

Adam tulǵasyn anyqtaǵannan keıin bank operatorlary operasııalardy oryndaýǵa kirisedi. Qazirgi ýaqytta vıdeobankıng arqyly ekinshi depozıtti ashý, sharttyq somany ózgertý, basqa bankterge basqa shottarǵa aqshany aýdarý, depozıtti onlaın shegerý jáne t. b. sekildi TQJB qyzmetteri qoljetimdi.

Bıyl tamyz aıynda taǵy da birqatar qyzmetter qoljetimdi bolady, atap aıtsaq: shartty tolyq buzý, depozıtterdi biriktirý, onlaın-saqtandyrý. Sonymen qatar L. Ibragımovanyń aıtýynsha, bolashaqta tipti alǵashqy depozıtti ashýdy onlaın formatqa aýystyrý josparlanyp otyr.

"Ol tutastaı jańa onlaın-qyzmet bolady. Siz atalǵan depozıtti banktiń fılıalyna kelmesten, onlaın rejıminde asha alasyz. Biz bul óte durys sheshim bolady dep oılaımyz. Bul pandemııamen kúresýdiń mańyzdy sharasy, munda adamdy tikeleı baılanysqa shaqyrmaımyz, fılıaldarymyzda adamdardyń kóptep jınalýyn shekteımiz", — dedi ol.

Sonymen qatar Banktiń fılıaldyq júıesi qaryz berý prosesine shoǵyrlandyrylatyn bolady. Bul qaryz berý kezinde týyndaıtyn kóptegen shekteýlerge baılanysty. Mysaly, baǵalaýshyny shaqyrý, mámileni notarıaldy rastaý jáne t. b. Alaıda, L. Ibragımovanyń aıtýynsha, bul máselede de bank onlaın-formatqa kóshý múmkindigin qarastyrýda jáne kelesi jyly Qazaqstanda onlaın-ıpoteka paıda bolýy múmkin.

"Búginde zańnamalyq bastamalardyń shaǵyn toptamasyn daıyndap, Indýstrııa jáne ınfraqurylymdyq damý mınıstrligimen, Ulttyq bankpen máseleni talqylap jatyrmyz. Úkimetke keıbir zańdarǵa ózgerister engizýdi usynǵymyz keledi, bul Qazaqstanda tolyqqandy onlaın-ıpoteka qurýǵa múmkindik beredi, onda siz úıden shyqpaı-aq, óz úıińizge nesıe resimdeı alasyz", — dep habarlady L. Ibragımova.

Onyń aıtýynsha, qazir bul ishinara júzege asyrylǵan. Bankte aldyn ala saralaý qarastyrylǵan. Munda klıent óziniń elektrondyq sıfrlyq qoltańbasynyń kómegimen ótinimge qol qoıady, al bank óz kezeginde onyń tólem qabilettiligin Birinshi kredıttik bıýronyń, zeınetaqy qorynyń derekteri boıynsha baǵalaıdy jáne sońynda berilýi múmkin eń joǵary somany kórsete otyryp, sertıfıkat beredi.

"Biz bul onlaın-servısti kepil shartyn resimdeýge, menshik quqyǵyn resimdeýge deıin engizgimiz keledi. Úıden shyqpaı-aq, ıpoteka alý múmkindigin qarastyramyz. Bul úlken mindet. Meniń oıymsha, jyl sońyna deıin zańnamalyq bastamalardy taǵy da talqylaımyz. Kelesi jyldyń basynda, Otbasy banki bolatyn ýaqytta, biz ony tolyǵymen engizemiz", — dep habarlady TQJB basqarma tóraıymy L. Ibragımova.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz