Qoǵam • 06 Tamyz, 2020

«Jaz áýenderi» – jańa joba

83 ret kórsetildi

Bıylǵy jaz maýsymynyń bir ereksheligi jurt sarsha tamyzdy jyldaǵydaı jaǵajaılarda emes, kóbisi úı jaǵdaıynda únsiz ótkizip jatyr. Árıne tabıǵatpen etene birge adam janynyń bulaı shektelýi óte qıyn jaǵdaı. Bul rette rýhanııat aıdyny osy olqylyqtyń ornyn toltyryp otyrýy zańdylyq.

Jýyrda Mádenıet jáne sport mınıstrliginiń bastamasymen «Jaz áýenderi» jobasy júzege asyryldy degen jyly habardy kózimiz sha­lyp qal­dy. Qazaqstandyqtarǵa oblys­tyq konserttik uıymdardyń úz­dik kon­sertteri jınaǵyn usynýǵa baǵyt­talǵan atalmysh joba aǵymdaǵy jyl­dyń 24 shildesi kúni Aqtóbe oblysy ónerpaz­darynyń  konsertimen bastaý alyp­ty.

Jalpy, álemdik koronavırýs pan­demııasy kezinde YouTube arna­sy­nyń aldyna jınalǵan jurttyń kóbeı­genin baıqaý qıyn emes. Arna óz kórermenderine rýhanı dem berý­de birshama jumys atqaryp otyr. Karan­tın kezinde qazaqstandyq úzdik shyǵarmashylyq ujymdardyń ónerin qoldaý, ulttyq qundylyqtardy nasıhattaý, ónerdiń túrli janrlaryn keńi­nen dáripteýde Qaznet qadam­darynyń bul baǵytta jemisti ekenin aıta ketýimiz kerek.

Joǵarydaǵy joba da osy alań arqyly «Qazaqkonsert» memlekettik konserttik uıymy» janyndaǵy Kon­serttik-gastroldik qyzmet ortaly­ǵynyń jumysyn jandandyryp otyr.

Búginge deıin 15 óńirdiń fılarmonııalary janyndaǵy shyǵarmashylyq ujymdardyń onlaın-konsertteri Mınıstrliktiń osy YouTube arnasy arqyly kórsetilip, kórermenderge usynylǵan. Joba tamyz aıynyń sońyna deıin jalǵasyp, oǵan 30-dan astam konserttik uıymdar tartylady dep kútilýde eken.

Eń qyzyǵy, jobanyń júzege asyrylýy barysynda qaralym jóninen óńirlerdiń ózara básekelesýi de baı­qalady. Máselen, Qyzylorda, Al­maty, Shyǵys Qazaqstan oblys­tarynyń fılarmonııalary usynǵan onlaın-konsert kórermenderiniń belsendiligi osy ýaqyt aralyǵynda aıtar­lyqtaı artqan.

Konserttik-gastroldik qyzmet ortalyǵy jańa jobany áleýmettik jeli tetikteri arqyly aldyn ala jar­­­na­malap jolǵa qoıǵany da óner­paz­dardyń shabytyn arttyrǵan sy­ńaıly.

Esepti merzimge qarasańyz kon­sertterdiń onlaın-kórsetilim­derin 4 000-nan astam adam tamashalap, oń pikirlerin qaldyrǵan.

Bul degenińiz, bir mezette tórt myń adamdyq záýlim zaldy toltyryp anshlagpen konsert bergendeı úlken jetistik.

Shapalaǵyn shyny ekrannyń ar jaǵynan soǵyp otyrǵany bolmasa tyńdarmandardyń kóńiline bul da bolsa jaz shýaǵyn syılap otyr.

 

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar