Qoǵam • 07 Tamyz, 2020

Jastarǵa jan-jaqty kómek bar

23 ret kórsetildi

«Jastar» ǵylymı-zertteý ortalyǵy men BUU Balalar qory (IýNISEF) jastarǵa psıhologııalyq kómek kórsetý jóninde vebınar ótkizdi.

Jastar resýrstyq orta­lyq­tarynyń qyzmetkerleri men psıhologtary vebınar barysynda uıym­ǵa habarlasqan turǵyndarǵa qol­daý bildirýdi durys jolǵa qoıý­dy úırendi. IýNISEF jastar re­sýrstyq ortalyqtarynyń psıhologtaryna COVID-19-dyń taralýy kezinde psıhologııalyq kómek kórsetýdi uıymdastyrýdyń joldary jóninde tájirıbelik usynystaryn tanystyrady. Bul psıhologııalyq ádistemelikter barlyq jastar re­sýrstyq ortalyqtaryna beriledi.

Joba avtorlary bul usynystar Jastar resýrstyq ortalyqtarynyń psıhologtaryna júktelgen negizgi fýnk­sııalardyń ornyn baspaıtynyn aıtady. Qaıta olardy tolyqtyra oty­ryp, qashyqtan jumys isteý tár­tibine kóshýge baılanysty qyzmetti uıymdastyrýdyń keıbir erek­shelik­terin túsindiredi. Kóp jastar or­talyqta psıholog kómegine júginýge bolatynyn bilmeı jatady. Sol sebepti sarapshylar, eń aldymen, aq­pa­rat­tandyrý máselesine asa mán berý kerek dep esepteıdi. «Aqparat jastar­dyń psıhologqa óz betinshe júgi­nýge yntalandyratyndaı jáne osy­laısha qoldaýǵa muqtaj tulǵa­lardy anyqtaýǵa qolǵabys etetin­deı jolmen berilýi tıis» delin­gen BUU usynǵan qujatta. Qazaq­stan halqyna indet kezinde psıho­lo­gııalyq kómek kórsetý úshin ashylǵan arnaıy covid-19.mentalcenter.kz ınternet resýrsy da bar eken. Saıtta stresti, úreıdi qalaı jeńýge bolaty­nyna qatysty suraqtarǵa jaýap tabýǵa bolady. Jastar resýrs­tyq ortalyqtarynyń psıhologyna jú­gingen adammen áńgimelesý alǵashqy psı­ho­logııalyq kómek retinde baǵala­nady, sondyqtan vebınarda maman­darǵa jastarmen qalaı jumys isteý kerek ekeni egjeı-tegjeıli túsin­dirildi. Mundaı kómekke muq­taj janmen áńgime kezinde ony muqııat tyńdap, áńgimesin aıaqtaýǵa múm­kindik berý kerek ekeni aıtyldy. Uıym­das­ty­rýshylar vebınar nátı­jesinde eli­mizdegi jastarǵa arnalǵan uıym qyz­metiniń, jastarǵa kórsetiletin kómek sapasynyń artatynyna senimdi.

 

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar