Saıasat • 07 Tamyz, 2020

Senator Parlamenttegi qyzmetin qorytyndylaýda

18 ret kórsetildi

Bıyl Senat depýtaty retinde qyzmetin aıaqtaıtyn Sársenbaı Eńsegenov Atyraý oblysynyń turǵyndarymen kezdesip, munaıly ólkeniń Joǵary palatadaǵy ókili retinde atqarǵan jumysyn qorytyndylaýda.

Kezdesý barysynda senator elimizdiń áleýmettik-ekonomıkalyq damýyna jáne halyqtyń ál-aýqatyn arttyrýǵa aıtarlyqtaı yqpal etken zańdarǵa toqtalyp ótti.

Naqty aıtqanda, Sársenbaı Eńsegenov Reseı jalǵa alǵan Taısoıǵan polıgonynyń aýmaǵynan Qyzylqoǵa aýdanynyń 750 gektar jeri qaıtarylǵanyn tilge tıek etti. Kóp jyldar boıy Reseı tarapymen júrgizilgen kelissózderden keıin jalǵa berý jónindegi kelisimshartqa ózgerister engizilip, úlken aýmaqty alyp jatqan jaıylym jeri zańdy túrde óńir turǵyndarynyń ıgiligine qaıtarylǵan edi. Sonyń arqasynda jergilikti sharýalar mal ósirýdi qolǵa alsa, munaı-gaz kompanııalary eki birdeı jańa ken ornyn ıgere bastady.

Sonymen qatar senator Taısoıǵandaǵy sharýashylyq qojalyqtaryna arnaıy baryp, sharýalarmen kezdesti. Turǵyndar polıgondy Reseıge jalǵa berýge qatysty keıbir máselelerdiń oń sheshilýine baılanysty jer alyp, óz kásibin bastaýǵa múmkindik týǵanyn aıtty. Búginde jergilikti sharýalar asyl tuqymdy jylqy men iri qara malyn ósirgeni úshin memleket tarapynan kórsetiletin qoldaýlardyń ıgiligin kórip otyr. Qazirgi tańda burynǵy polıgon aýmaǵynda 33 sharýa qojalyǵy jumys istep jatyr.

Jumys sapary kezinde Sársenbaı Eńsegenov aımaqtaǵy barlyq aýdannyń jáne oblys ortalyǵynyń turǵyndarymen kezdesýler ótkizedi. Osyǵan deıingi kezdesýlerde senator máslıhat depýtattaryna, kásipkerlerge, úkimettik emes uıymdar men ákimdikterge «Saılaý týraly», «Saıası partııalar týraly», «Ardagerler týraly» zańdarǵa jáne basqa da mańyzdy zańnamalyq aktilerge engizilgen túzetýlerdiń qalaı talqylanyp, qabyldanǵanyn aıtyp berdi.

Sonymen qatar ol óńir halqyna ózine senim bildirip, qoldaý kórsetkeni úshin alǵysyn jetkizip, qazirgideı kúrdeli kezeńde azamattardy judyryqtaı jumylyp áreket etýge shaqyrdy.

Jumys kestesine sáıkes senator endi Atyraý oblysynyń Mahambet, Inder, Isataı jáne Qurmanǵazy aýdandarynyń saılaýshylarymen kezdesedi.

Sońǵy jańalyqtar

Turǵyn úı baǵasy qashan turaqtaıdy

Qazaqstan • Búgin, 15:55

Bas basylymnyń PDF nusqasy aqyly negizge aýysty

Egemen Qazaqstan • Búgin, 15:30

Búgin bir óńir «jasyl» aımaqqa ótti

Aımaqtar • Búgin, 11:55

Qazaqstanǵa AstraZeneca vaksınasy jetkizile me

Koronavırýs • Búgin, 11:04

Qazaqstanda kún qaıta sýytady

Aýa raıy • Búgin, 10:43

Elimizde taǵy 2229 adam koronavırýs juqtyrdy

Koronavırýs • Búgin, 09:11

Nur-Sultanda aýa sapasy nasharlaıdy

Aýa raıy • Búgin, 09:05

Qazaqstan Madrıdte oınaıdy

Tennıs • Búgin, 08:30

Bızıbordtar balany damytady

Rýhanııat • Búgin, 08:28

Jamanqulov mansabyn aıaqtady

Sport • Búgin, 08:26

Pandemııadaǵy paıym

Koronavırýs • Búgin, 08:21

Saýda ortalyqtarynda vaksına salady

Qoǵam • Búgin, 08:17

Indetten saqtyq qana qutqarady

Aımaqtar • Búgin, 08:15

Qaı eldiń teleserıalyn kóresiz?

Qoǵam • Búgin, 08:12

Uqsas jańalyqtar