23 Qazan, 2013

«Nur Otan» – naqty isterdiń partııasy

232 ret kórsetildi

AAM 8637-1Keshe ǵana ótken, ystyq-sýyǵy áli basyla qoımaǵan «Nur Otan» partııasynyń XV sezin úlken kitap desek, sol maǵynaly da mazmundy jınaqty paraqtap, ony qarapaıym halyqqa jetkizý, túsindirý, tek paraqtap qana qoımaı, ondaǵy aýqymdy mindetterdi júzege asyrý syndy asta-tók sharýalardy Shyǵys Qazaqstan oblystyq fılıaly bastap ta jiberdi. Elordadaǵy partııa jıynynan oralǵan fılıal tóraǵasy, oblys ákimi Berdibek Saparbaev Saıası keńestiń keńeıtilgen májilisin ótkizdi.

 JAÝAPKERShILIK JÚGI AÝYR

Keshe ǵana ótken, ystyq-sýyǵy áli basyla qoımaǵan «Nur Otan» partııasynyń XV sezin úlken kitap desek, sol maǵynaly da mazmundy jınaqty paraqtap, ony qarapaıym halyqqa jetkizý, túsindirý, tek paraqtap qana qoımaı, ondaǵy aýqymdy mindetterdi júzege asyrý syndy asta-tók sharýalardy Shyǵys Qazaqstan oblystyq fılıaly bastap ta jiberdi. Elordadaǵy partııa jıynynan oralǵan fılıal tóraǵasy, oblys ákimi Berdibek Saparbaev Saıası keńestiń keńeıtilgen májilisin ótkizdi.

AAM 8637-1

Májiliske Saıası keńestiń 45 múshesi­nen basqa oblystyq basqarmalar men departamentterdiń basshylary, «Nur Otan­nyń» fraksııasy depýtattary, basqa da saıası partııalardyń, qoǵamdyq birlestikterdiń ókilderi qatysty. Sonymen birge, onlaın kestesindegi bul jıynǵa óńirdegi aýdan, qala jurty da qatysý múmkindigin aldy.

– Partııanyń kezekten tys sezi, ondaǵy partııa Tóraǵasy Nursultan Nazarbaevtyń maǵynaly baıandamasy arqamyzdy keńge salýǵa bolmaıtynyn, aıtylǵan, qabyldanǵan sheshimderdi júzege asyrýdy búginnen bastap qolǵa alýymyz kerektigin mindettep otyr. Sezd qabyldaǵan saıası Doktrına bizdiń búgingi tańda ekonomıkasy myqty, ádiletti áleýmettik saıasat júrgizip otyrǵan, barlyq salalarda birdeı jetistikterimen maqtana alatyn memleket ekendigimizdiń dáleli. Alaıda, Elbasymyz aıtpaqshy, búgingi tabystarymyzǵa masattanyp qana otyrý erteńgi kúni toqyraýǵa aparady, sondyqtan bir sát te tizgindi bosatpaýymyz kerek. Ekonomıkamyzdyń qarqyndy damýy eń aldymen halqymyzdyń turmysyn jaqsartýǵa baǵyttalǵanyn umytýǵa bolmaıdy, ári sony qalyń jurtshylyqqa jetkizý shart. Áleýmettik baǵdarlamalardy der kezinde júzege asyrý nátıjesinde biz búgingi tańda Eýrazııa keńistigindegi irgeli memleket bolyp otyrmyz. Al, partııa sezi qoıyp otyrǵan mindetter tym aýqymdy. Jaýapkershilik júgi aýyr, – dedi óziniń kirispe sózinde Berdibek Máshbekuly.

Kún tártibindegi «Nur Otan» partııasynyń XV sezinde qabyldanǵan partııa Doktrınasy aıasynda júzege asyrylýǵa tıis Shyǵys Qazaqstan oblystyq fılıalynyń mindetteri» degen taqyryptaǵy baıandamany oblystyq fılıal tóraǵasynyń birinshi orynbasary Túsiphan Túsipbekov jasady.

– Partııa tóraǵasy – Elbasynyń syndarly saıasatyn Shyǵys jurty ámanda úlken jaýapkershilikpen júzege asyratyny aıan. Aldymyzda partııa aıqyndap bergen, Elbasy kóshbasshy bolatyn, muqym jurt bolyp atqaratyn aýqymdy maqsattar men mindetter tur. Partııa Tóraǵasy aıtpaqshy, «Nur Otan» – azamattyq qoǵamnyń kóshbasshysy bolýǵa tıis. Olaı bolsa, elimizdiń kemel keleshegin jasaý úshin aıanbaı eńbek etýimiz qajet. Bul sharada óńirdegi partııa fılıaly árqashan aldyńǵy qatarda bolatynyna seneıik, – dedi ol qorytyndy sózinde.

Josparlar men mindetter talqyǵa tústi. Sezd delegattary E. Nurbaev, O.Chernyshov, B.Marjan jıynnan alǵan áserlerimen, túıgenderimen bólisti. Fılıaldyń keńeıtilgen májilisi óz múmkindikterin saralaı kele, qaýly qabyldady.

Álibek QAŃTARBAI.

О́SKEMEN.

 

DSC 9204 - kopııaErbolat ISANOV,

«Nur Otan» partııasy Syrym aýdandyq

fılıaly tóraǵasynyń birinshi orynbasary:

TALAP BIIK, MINDET ZOR

Tilshi túsiniktemesi: Sezd ótken kúnderi shyǵarmashylyq saparmen Astana qalasynda bolǵanmyn. Elge qaıtar saparda «Nur Otannyń» basty quryltaıyna Batys Qazaqstan oblysynan saılanǵan delegattar tobymen Astana áýejaıynda kezdesip, Oral qalasyna birge ushtyq. Olardyń sezden alǵan áserleri mol bolǵany, jigerge jiger, qýatqa qýat, qaıratqa qaırat qosyp kele jatqandary aıqyn ańǵarylyp turdy.

Solardyń biri sezd delegaty, «Nur Otan» partııasy Syrym aýdandyq fılıaly tóraǵasynyń birinshi orynbasary Erbolat ISANOVPEN ushaq salonynda qatar otyryp qalyppyz. Osy sátti paıdalanyp, odan sezden alǵan áseri men kóńilge túıgen oı-pikirin aıtyp berýin ótingen edim.

– Sezde Elbasy – partııa tóraǵa­sy Nursultan Nazarbaev barlyq nurotan­dyqtardyń aldyna jaýapty mindetter qoıdy. Endigi jerde árbir áriptesimiz is pen sózdiń birligine burynǵydan da tereńirek mán berýi qajettigin uǵynyp qaıtqandaı boldyq. Al ýáde berdiń be – orynda. Oryndalmaǵan qur­ǵaq sóz ben ýáde «Nur Otan» partııasynyń ár múshesine kóleńke túsiredi dep sanaımyn. Selqostyq pen enjarlyq bizben kórshiles, enshiles tura almaıdy. Kórmes túıeni de kórmes degen qaǵıdamen nurotandyqtar esh ymyralasa almaǵan jaǵdaıda ǵana olardyń el, turǵyndar aldyndaǵy bedeli men mártebesi odan ári bıikteı túsedi.

Adamdar jergilikti jerde jemqorlardy tústep tanıdy, al bul olardy qatardaǵy nurotandyqtardy biledi degen sóz. Olar birinshi bolyp dabyl qaǵyp jemqorlardy áshkereleýi kerek dep atap kórsetti Elbasy – «Nur Otan» partııasynyń Tóraǵasy N.Á.Nazarbaev. Sonymen birge, Nursultan Ábishuly memlekettik qazynanyń birde bir teńgesi qaraýsyz qalmaýǵa tıis ekeni jóninde naqty mindetter qoıdy. Osynaý eki tapsyrmanyń ózi partııamyzdyń árbir múshesine úlken jaýapkershilik pen senim artady. Bul arada jaı ǵana jaýapkershilik emes, joǵary partııalyq jaýapkershilik qajet ekeni anyq.

Biz osy eki aýyz sózden turatyn bıik uǵym múddesinen shyǵa alyp júrmiz be? Partııalyq jaýapkershilik týraly azamattyq ar-ojdanymyzdyń aldynda oılanyp kórdik pe? Qalaı degende de ony aıaqqa baspaýǵa umtylǵanymyz, oǵan kir keltirmeýge tyrysqanymyz anyq. Alaıda, dál búgingi kúni, sonyń ishinde partııanyń HV sezinen keıingi aralyqta mundaı partııalyq jaýapkershilik sezimin odan ári tereńdetý men kúsheıtý qajettigi talas týǵyzbaıdy.

Tek sonda ǵana partııalyq qyzmettik pármendiligi men nátıjesi odan ári arta alady. Boldyq, toldyq deý eshkimge de abyroı ápermeıdi, Sonyń ishinde mundaı syńarjaq kózqaras «Nur Otan» sekildi kóshbasshy partııaǵa múldem jat. Partııamyz úzdiksiz alǵa damý, ósý ústinde. Onyń qyzmetiniń ádisteri men tásilderi de odan ári jetildirilýde. Osyndaı jaǵdaı árbir nurotandyq partııa jumysynyń qýatyn kem degende úsh qaıtara eselendirýge óz úlesin qosýǵa tıis. Ári munyń ózi partııalyq jumys áleýetiniń shegi bolyp tabylmaıdy.

Biz birinshi kezekte elimizdiń basty saıa­sı partııasynyń sapalyq quramyna bas­ty kóńil bólýge tıispiz. Bizdiń aramyzda qur uranshyldar men «Nur Otannyń» atyna kir keltiretin dıletanttarǵa oryn joq dep sanaımyn. Túıip aıtqanda, partııalyq jaýapkershilik odan ári kúsheıip, árbir nurotandyq óziniń kúsh-jigeri men múmkindigin ortaq tabystar molaıýyna jumsaı bilse, alynbaıtyn asýlar bolmaıdy dep bilemin.

Jazyp alǵan

Temir QUSAIYN,

«Egemen Qazaqstan».

Batys Qazaqstan oblysy.

 

01-Alııa R-2Álııa RAQYShEVA,

«Nazarbaev Ýnıversıtetiniń» «Nur Otan»

partııasy «Qolǵanat» bastaýysh partııa

uıymynyń tóraıymy:

NURLY BOLAShAQTYŃ IRGESIN ELBASYMEN BIRGE QALAIYQ!

Jahanda bolyp jatqan ekonomıkalyq, saıa­sı, áleýmettik dúrbeleńder dúnıe dıdarynda kúmán men qorqynysh týǵyzady. Sonyń saldarynan oryn alyp otyrǵan soǵystar men daǵdarystar janyńdy kúızeltip, erteńgi kúnge degen senimsizdikke alyp keledi. Osyǵan halyqtyń tótep berýin qamtamasyz etip, qýattandyratyn bıik rýh pen memlekettiń naqty alǵa qoıar jospary bolsa kerek. «Meniń ishki túısigim men tájirıbem álemniń taıaý bolashaqtaǵy damý kezeńi asa kúrdeli bolatynyn ańdatady, – dep atap ótti Elbasy Nursultan Nazarbaev «Nur Otan» partııasynyń HV sezinde sóılegen sózinde. – Osyndaı qıyndyqtar men daǵdarystar oryn alyp turǵanda bizdiń elimiz bıyl turaqty damyp keledi». Sońynan ergenderdi rýhtandyryp, nurly bolashaqtyń irgesin bekemdeıtin úlken maqsattardy júzege asyrýǵa jumyldyratyn «Nur Otan» partııasynyń jańa Doktrınasy jurtshylyq tarapynan jan-jaqty qoldaýǵa ıe bolyp, partııa quryltaıynda bekitildi.

Japon halqynyń maqalyna súıensek: «Áreket­siz kórinis – bul arman. Kórinissiz áreket – bul sha­tasý». Demek, árbir árekettiń mánisi ári nátıjesi bolýy kerek. 2050 jylǵa baǵyttalǵan Damý strategııasy naqty jospardy qajet etti, ári nátıjeniń naqty mólsherlemesin belgileý kerek boldy. Soǵan saı sosıal-demokratııalyq aǵymnyń qaǵıdalaryna súıenip, jańa baǵdarlama qalandy. Endi zaman da ózgerdi, adam da jańardy. Osy jańarýǵa sáıkes halyqty zııatkerlik ult retinde qalyptastyrýdyń jańa strategııasynyń, jańa Doktrınanyń kezegi kelip tur. Jańa Doktrınada naqty qadamdar, kaǵıdalar belgilenip otyr. Sez­degi sózinde Nursultan Ábishuly «Nur Otan­nyń» baǵdarlamalyq qujattary árkezde de naq­tyly bolǵanyn, sondyqtan olar nátıjeli bo­­lyp kele jatqanyn atap aıtty. «Biz árbir sóz­i­miz­di árkezde de shynaıy eńbekpen jáne naqty istermen aıǵaqtap otyramyz», dedi Elbasy. Ár azamat úshin tartymdy, kúndelikti oıy men qam-qa­­re­ketiniń negizin quraıtyn máseleler osy qu­jat­q­a ózek bolyp tartylǵan. Tıimdi memlekettik bas­qarý, birlik pen kelisim, áleýmettik jańǵyrtý Dok­trınanyń ár jolynan kórinis berse, biz úshin «Qazaqstan-2050» Strategııasyndaǵy bıik maq­sattarǵa qol jetkizetindigimiz senimdi bola túsedi.

Basqa memleketterdiń saıası qurylymyna kóz salsaq, basshy organdary músheleriniń basym bóligin ne kóne dástúrge súıenetin, ne múldem bul dástúrge sáıkespeıtin, sóıtip, qoǵamdy basqa baǵytqa jeteleıtin saıasatkerler quraıdy. Sonda sol memleketterdiń turǵyndary osy eki nusqadan ózderiniń dúnıetanymdaryna jaqyn bireýin tańdaıdy. Al «Nur Otan» partııasynyń basty ereksheligi – bul sheber basshylyqtyń lıberaldy ekonomıka men áleýmettik konservatızmniń arasyndaǵy tizgindi teń ustaýy. Mundaı saıası sentrıstik ıdeologııa óziniń ádilettiligimen ári alýan túrliligimen ár azamattyń kóńilinen shyǵady. Osylaısha, qoǵamnyń árbir múshesiniń kemel azamattyq memleket qurýǵa qatynasýyna múmkinshiligi arta beredi. Ol óz otbasynyń muńyn muńdap, bala-shaǵasyna úlgi bolsa, osylaısha ata-anasynyń aq sútin aqtasa, qoǵamda bul azamat adal eńbegi men bilimdiligine qaraı syı-qurmetke bólenedi. Mundaı qoǵamnyń irgetasy berik bolady.

Partııa men azamattyń osylaı ózara tıimdi árekettesýi jaýapty azamattyq qoǵamdy qurýǵa yqpalyn tıgizedi. Memleket ózi tarapynan qaýipsizdikti, tártipti, ekonomıkalyq turaqtylyqty qamtamasyz etse, ár azamat osy faktorlardyń júzege asýyna qatysýy qajet. Memlekettiń demeýi bolmasa, azamat ta paıdasyn asyra almaıdy, azamattyń qoǵamdyq belsendiligi bolmasa, memlekettiń de damýy tejeledi. Sondyqtan partııanyń alǵa qoıyp otyrǵan baǵyty – partııa músheleriniń sapalylyǵy, halyqtyń synaǵynan ótken sańlaqtar tobyn qalyptastyrý. Sezde aıtylǵandaı, partııanyń joǵary ókildik organynyń quramy 49 paıyzǵa jańartylyp, basym bóligin mádenıet, sport, bilim berý jáne densaýlyq saqtaý salalarynyń ókilderi qurady.

2013 jyldyń 18 qazanynan bastap Otanymyz úshin eleýli kezeń bastaldy. «Nur Otan» partııasy belgilegen jol – qýatty ekonomıka men álemdegi qatań suryptaýdan ótken tájirıbeni úılestire alatyn qaınar bulaq. Keleshekte jahandyq tarıhtyń jarqyn betterinen óz ornymyzdy tapqymyz kelse, bir jaǵadan bas, bir jeńnen qol shyǵaryp, bir baǵytty ustanyp, alǵa umtylýymyz qajet. «Nur Otan» partııasynyń múshesi bolý – bul joǵary jaýapkershiliktiń kórsetkishi, bul halyqtyń múddesin mindet etip qoıa bilýdiń belgisi.

Jazyp alǵan

Anar TО́LEÝHANQYZY,

«Egemen Qazaqstan».

ASTANA.

Sońǵy jańalyqtar

Altaı úzdikteri anyqtaldy

Aımaqtar • Búgin, 21:08

Almatyda qalalyq Dostyq úıi ashyldy

Aımaqtar • Búgin, 14:14

Bir oblys «qyzyl» aımaqta tur

Koronavırýs • Búgin, 09:32

Jeltoqsan aıynda aýa raıy qandaı bolady?

Aýa raıy • Búgin, 09:18

Qazaqstanda qansha adam vaksına aldy

Koronavırýs • Búgin, 09:10

Búgin – Tuńǵysh Prezıdent kúni

Qazaqstan • Búgin, 09:04

Táýelsizdik kezeńindegi týyndylar

О́ner • Búgin, 08:57

Uly dala muralary

Elorda • Búgin, 08:55

Úzdikter qatarynan kórindi

Sport • Búgin, 08:52

Eki júlde – «egemendikterde»

Egemen Qazaqstan • Búgin, 08:50

Tbılısıde top jardy

Sport • Búgin, 08:48

Kardıng shabýyly

Qoǵam • Búgin, 08:45

«Eldiktiń jeti tuǵyry» qoldaý tapty

Qazaqstan • Búgin, 08:36

Qalamgerge arnalǵan konferensııa

Qazaqstan • Búgin, 08:34

Uqsas jańalyqtar