23 Qazan, 2013

Yqpaldastyq – elderdi erkin damytý kilti

129 ret kórsetildi

Keshe Astanada Qazaqstan Parlamentiniń Májilisi men EýrAzEQ Parlamentaralyq Assambleıasynyń uıymdastyrýymen «Aımaqtyq ıntegrasııanyń EýrAzEQ elderiniń básekelestikke qabilettiligin arttyrýdaǵy róli jáne ony quqyqtyq qamtamasyz etý» atty taqyrypta dóńgelek ústel bolyp ótti.

 

Keshe Astanada Qazaqstan Parlamentiniń Májilisi men EýrAzEQ Parlamentaralyq Assambleıasynyń uıymdastyrýymen «Aımaqtyq ıntegrasııanyń EýrAzEQ elderiniń básekelestikke qabilettiligin arttyrýdaǵy róli jáne ony quqyqtyq qamtamasyz etý» atty taqyrypta dóńgelek ústel bolyp ótti.

EýrAzEQ-tyń Parlament­ara­lyq Assambleıasy ulttyq zań­­namalardy ıntegrasııalyq qu­­rylymdaǵy ekonomıkalyq yn­­tymaqtastyqty damytý úshin sáı­kes­tendirýdi kózdep qurylǵan organ ekeni belgili. Qazir ol bul iste birshama tabystarǵa jetip otyr.

Dóńgelek ústel jumysyn Má­jilistiń Halyqaralyq ister, qorǵanys jáne qaýipsizdik komı­tetiniń tóraǵasy Máýlen Áshim­baev ashyp, júrgizip otyr­dy. Ol bul sharanyń EýrAzEQ Parlamentaralyq Assam­bleıa­sy­nyń sońǵy eki jyldaǵy tóraǵasy bolyp Parlament Májilisiniń Tóraǵasy Nurlan Nyǵmatýlın saılanǵannan beri ótkizilip otyrǵan úlken shara ekenin atap kórsetti. Búgingi kezdesýdiń maqsaty – Eýrazııa ıntegrasııasynyń damýy men ıntegrasııalyq qurylymdardyń álemdik mańyzy týraly sarapshylyq deńgeıde pikir almasý. Sharanyń Astanada jáne tap qazan aıynda ótkizilip otyrǵanynyń da bir eleýli sıpaty bar. О́ıtkeni, osydan dál 13 jyl buryn Astanada Eýrazııalyq ekonomıkalyq qoǵamdastyq qurý týraly Belarýs, Qazaqstan, Qyrǵyzstan, Reseı jáne Tájikstan Prezıdentteri kelisimge qol qoıǵan edi, deı kelip, odan ári komıtet tóraǵasy EýrAzEQ-tyń ıntegrasııalyq sharalardy júrgizýdegi mańyzy men ekonomıkalyq damý úderisterine tıgizgen oń yqpaly týraly áńgimeledi. Onyń aıasynda Keden odaǵy, odan Eýrazııalyq ekonomıkalyq keńistik sııaqty qurylymdardyń paıda bolyp, damyp otyrǵany, al 2015 jyldan onyń Ekonomıkalyq odaqqa aınalatyny atap kórsetildi.

Olardyń is-áreketteri bizdiń halyqtarymyzdyń múddelerine saı bolyp, ulttyq ekonomıkanyń, halyqtyń ál-qýatynyń damýyna oń yqpalyn tıgizip otyr, dedi sheshen.

Osydan keıin Parlament Májilisiniń Tóraǵasy, EýrAzEQ Parlamentaralyq Assambleıasynyń qazirgi tóraǵasy Nurlan Nyǵmatýlınniń dóńgelek ústelge qatysýshylarǵa arnaǵan quttyqtaý sózin Májilis Tóraǵasynyń orynbasary Sergeı Dıachenko oqyp berdi. Al EýrAzEQ atynan quttyqtaý sózdi Parlamentaralyq Assambleıanyń jaýapty hatshysy Petr Zverev aıtty. Osydan keıin dóńgelek ústelge qatysýshylar aıtylǵan taqyrypqa baılanysty ózderiniń pikirlerin ortaǵa saldy.

Alǵashqy sózdi Reseı Federasııasy Federaldy Jınalysy Memlekettik Dýmasynyń TMD isteri, eýrazııalyq ıntegrasııa jáne otandastarmen baılanys komıteti tóraǵasynyń orynbasary Tatıana Moskalkova aldy. Ol óziniń sózin Memlekettik Dýmanyń tóraǵasy Sergeı Naryshkınniń dóńgelek ústelge qatysýshylarǵa joldaǵan sálemin aıtýdan bastady. Odan ári sheshen EýrAzEQ-tyń 2015 jyly qurylatyn Eýrazııalyq ekonomıkalyq odaqqa bastaý jolyndaǵy róliniń zor ekenin, atqarǵan isteriniń mol ekendigin atap ótti. Keıin jýrnalısterge bergen shaǵyn suhbatynda da ol osy pikirdi qýattap, atalǵan ıntegrasııalyq qurylymnyń Qazaqstannyń basym maqsaty bolǵanyn aıtty. Endi Eýrazııalyq odaq qurý Reseı men Belarýs elderiniń de basym mindetterine aınalyp otyr. Sonymen birge, ol Qyrǵyzstannyń da osy ıntegrasııalyq qurylymǵa ený týraly ótinish bildirgenin aıta kelip, ıntegrasııalyq qurylymnyń ómirsheńdigin ómirdiń ózi kórsetip bergenine nazar aýdardy. Menińshe, Tájikstannyń da bul qurylymǵa túsetin kúni alys emes. Sóıtip, biz taýar, qyzmet kórsetý, jumys kúshi jáne kapıtal sııaqty adamǵa asa qajetti dúnıelerdiń erkin aınalýyna jol ashtyq, dedi ol. Al búgingi jıynda bizder istelgen jumystarǵa monıtorıng jasaýmen qatar, aldaǵy ýaqytta isteletin áreketter jáne olarǵa kedergi týdyrýy múmkin jaıttardy talqyladyq. Sondaı-aq, jıynda Tájikstan Parlamentiniń depýtaty S.Amırshoeva, Májilis depýtaty M.Tinikeev jáne t.b. sóıledi.

Jaqsybaı SAMRAT,

«Egemen Qazaqstan».

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar