Aımaqtar • 10 Tamyz, 2020

Beınekameralardyń kómegimen 100-ge jýyq qylmys ashyldy

13 ret kórsetildi

Atyraýda beınekameralardyń kómegimen 96 qylmys ashyldy, – dep habarlaıdy Polisia.kz.

Qoǵamdyq qaýipsizdikti qamtamasyz etýde, quqyq buzýshylyq pen qylmystyń aldyn alýda qalalyq Polısııa basqarmasy Jedel basqarý ortalyǵy beınekameralarynyń róli aıtarlyqtaı. Tártip saqshylarynyń mundaı senimdi “kómekshileri” beıne kameralar oblys ortalyǵyndaǵy kósheler men adamdar jınalyp, demalatyn alańdarda, kóshe qıylystarynda jáne kóp qabatty úılerdiń aýlalarynda ornalastyrylǵan.

"Búginde qaladaǵy 700-den astam beınekameralardy Polısııa basqarmasy Jedel basqarý ortalyǵynyń qyzmetkerleri táýlik boıy qadaǵalap otyrady. Atyraýda bıylǵy jyl basynan beınekameranyń kómegimen 7998 ákimshilik quqyqbuzýshylyq anyqtaldy. Olardyń arasynda kóshede, qoǵamdyq oryndarda alkogoldik ishimdikterdi ishý nemese masań kúıde júrý, shylym qaldyǵyn, qoqystardy qaldyrý, jasyl jelekterdi búldirý, sonymen qatar, karantın rejımine qatysty shekteýlerdi oryndamaý, t.b. buzýshylyqtar jıi oryn alady", – dedi Atyraý oblysy Polısııa departamentiniń bastyǵy Qamza Úmbetqalıev.

2019 jyldyń jeti aıynda Jedel basqarý ortalyǵynyń beınebaqylaý kezekshi-ınspektorlarymen 47-i qylmys áshkerelengen, al bıyl 96 qylmys beınekameralardyń kómekterimen “izi sýymaı” ashylǵan. Qalalyq polısııaǵa  12 maýsym kúni aryzdanǵan 1946 jyly týǵan áıel, saǵat 15.05 shamasynda belgisiz adam Áýezov kóshesindegi úılerdiń biriniń aldynda moınyndaǵy alqasyn tartyp alyp ketkeni týraly habarlaǵan.

Jedel izdestirý sharalary barysynda, sol mańaıda ornalasqan beınekameralardyń kómegimen, kúdikti azamat aryzdanýshynyń aıtqan belgileri boıynsha anyqtalyp, ustalyp, odan aıǵaq zat tárkilendi.QR Qylmystyq Kodeksiniń “Tonaý” babymen sotqa deıingi tergep-tekserý júrgizilýde.

Sonymen qatar, beınekameralardyń “kózinen” jol qozǵalysy erejelerin buzǵandar da tys qalmaıdy. Jyl basynan beri osyndaı 6415 fakti anyqtalyp, quqyq buzýshylar ákimshilik jaýapkershilikke tartyldy. Jalpy, taldaý kórsetkendeı, qaladaǵy beınekameralar ornalasqan aýmaqtarda quqyq buzýshylyqtar az tirkelýde.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar