Aımaqtar • 11 Tamyz, 2020

Semeıge kómektesýden bas tartpaǵan jalǵyz oblys - Almaty

1416 ret kórsetildi

Nur-Sultan qalasy ákimdigi jalpy sommasy 400 mıllıon teńgeden astam qarajatqa Ertis jaǵalaýyn jóndeýdi moınyna alǵan eken.

Jyl basynda Abaı Qunanbaıulynyń 175 jyldyǵyna oraı elimizdiń qalalary men oblystary Semeı qalasyna tartý jasap, shahardy abattandyrýǵa úles qosatyny jaıly jar sala aıtylǵan-dy. Buǵan semeılikter erekshe qýanǵan. Alaıda eldegi karantın bul iske qolbaılaý bolǵan sekildi. Osydan eki-úsh kún buryn áleýmettik jelilerde Nur-Sultan qalasy, Qaraǵandy, Aqmola, Qyzylorda oblystary Semeıge kómek kórsetýden bas tartqany týraly aqparat tarady. Máselen, Nur-Sultan qalasy ákimdigi jalpy sommasy 400 mıllıon teńgeden astam qarajatqa Ertis jaǵalaýyn jóndeýdi moınyna alǵan eken.

Ázirge ýádesinen taımaǵan jalǵyz óńir – Almaty oblysy. Almaty oblysy Semeıdegi Áýezov pen Selevın kósheleriniń qıylysynan et kombınatyna deıingi aýmaqta «Abaı joly» jaıaý júrginshiler aımaǵyn salýdy óz moıyndaryna alǵan eken. Semeı aqparattyq ortalyǵy taratqan málimetterge súıensek, Almaty oblysy qazirgi tańda jumystyń 80 paıyzyn aıaqtaǵan. Josparǵa sáıkes nysandy tapsyrý qyrkúıek aıyna josparlanǵan. «Almaty oblysy jumystardan bas tartqan joq jáne barlyǵyn merziminde oryndaıdy. Biz «Abaı Joly» nysanyn salyp jatyrmyz. Qujat boıynsha jumystar 18 qyrkúıekte aıaqtalýy tıis. Osy ýaqytqa deıin bári daıyn bolady, úlgeremiz» deıdi jumys óndirisiniń jetekshisi Rafaıl Hazıpov.

Aıta keteıik, jalpy quny 600 mıllıon teńgeden asatyn «Abaı joly» jobasy uzyndyǵy 2100 metrdi quraıtyn jaıaý júrginshiler kóshesi men uzyndyǵy 1600 metrlik velojoldan turady. Munda kúzde myńǵa jýyq aǵash otyrǵyzý josparlanǵan. Sonymen qatar kóshe boıyna Abaıdyń sózderi jazylǵan jeti stela ornatylmaq.

SEMEI

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar