Aımaqtar • 12 Tamyz, 2020

Atyraýda aýrýhanalar ottegi sehymen qamtylady

147 ret kórsetildi

Qazir oblystyq aýrýhanada ottegi sehy salynyp jatyr. Ony  qyrkúıektiń sońynda paıdalanýǵa berý kózdelip otyr, - dep habarlaıdy Egemen.kz.

"Buǵan deıin  aýrýhanada derbes ottegi tasymalyn júzege asyratyn 60 núkte bolǵan edi. Biraq, epıdemıologııalyq ahýal ýshyqqan kezde  bul azdyq etti. Al, salynyp jatqan  seh ottegi jelisin 300 núktege deıin kóbeıtedi. Onyń 260 núktesi aýrýhananyń jańa ǵımaratyna tartyldy. Derbes seh ózdiginen ottegi óndiredi. Qazir  aýrýhananyń provızorlyq stasıonarynda ottegi ballondary tasymaldanyp jatqan joq. О́ıtkeni, koronavırýs ınfeksııasymen emdelip jatqan naýqastar sany azaıdy", - deıdi oblystyq aýrýhananyń bas  dárigeri Erbol Imanǵalıev.

Oblystyq densaýlyq saqtaý basqarmasynyń basshysy Nurlybek Qabdyqaparovtyń aıtýyna qaraǵanda, oblystyq kardıologııalyq ortalyǵy men  №2 oblystyq aýrýhanada da ottegi sehyn jasaqtaý josparlanypty.   ​

"​Budan buryn Mahambet aýdanyndaǵy 100 kerýettik ınfeksııalyq stasıonarda 12 ottegi núktesi tartylǵan bolatyn. Aldaǵy ýaqytta onyń sanyn kóbeıtýdi josparlap otyrmyz. Sonymen qatar, Qurmanǵazy aýdanynda jańadan salynyp jatqan aýrýhanaǵa da ottegi jelisiniń núktesi tolyqtaı tartylady. Odan keıin Qyzylqoǵa, Maqat, basqa da aýdandarǵa ottegi jelilerin tartýdy josparlaýdamyz", - deıdi Nurlybek Qabdyqaparov. ​

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar