Saıasat • 14 Tamyz, 2020

Volonterler jumysy pysyqtaldy

28 ret kórsetildi

Nur Otan partııasynyń ortalyq apparatynda «Jastardy qoldaý» baǵyty bo­ıynsha otyrys ótti. Jıyn barysynda qatysýshylar pandemııa jaǵdaıyndaǵy volonterlik qyzmet jáne Jas Otan jastar qanatynyń 2025 jylǵa deıingi «Jastar – Otanǵa!» baǵdarlamasyn talqylady.

Partııalyq kýrator, Májilis depýtaty Gen­nadıı Shıpovskıh otyrysty adam ómiri men densaýlyǵy úshin kúreste aldyńǵy qatarda júrgen adamdarǵa alǵys aıtýdan bas­tady: «Biz kún saıyn búkil el boıyn­sha medısına, polısııa jáne qarýly kúsh­ter qyzmetkerleri, eriktiler, sondaı-aq qaıy­rymdy jandar jasaǵan erlikke kýá bolyp júrmiz. Búgin birinshi kezekte dári­gerlerge, medbıkelerge, sanıtarlarǵa, jedel medısınalyq járdem qyzmetkerlerine alǵysymdy bildirgim keledi», dedi depýtat.

Aqparat jáne qoǵamdyq damý mınıstr­ligi Jastar jáne otbasy isteri komıtetiniń tóraǵasy Shahmardan Baımanov «Volonter jyly» jáne koronavırýs pandemııasy kezindegi volonterlik jobalardy iske asyrý jáne qarajatty paıdalanýdyń tıimdiligi týraly baıandama jasady. Otyrys barysynda Jas Otan jastar qanaty jetekshisi Elnur Beısenbaev jasotandyq volonterlerdiń atqarǵan jumysy týraly aıtyp berdi.

«Pandemııa kezinde «Biz birgemiz!» aksııa­syna 5 myńnan astam volonter men meıi­rimdi qazaqstandyq qatysyp, 250 myń muq­taj janǵa azyq-túlik sebetin jáne gıgıe­nalyq quraldardy, sonymen qatar 5 mln medısınalyq mas­ka úlestirdi. Sony­men qatar tótenshe jaǵdaı kezinde 3 myń qart adam kúndelikti ystyq taǵammen qamtamasyz etildi», dedi volonterler jumysynan habar bergen E.Beısenbaev. Sondaı-aq jastardyń Túr­kistan oblysynyń Maqtaaral aýdan­ynda bolǵan oqıǵaǵa beıjaı qara­maı, «gýmanıtarlyq kómekti» taratý ju­my­syna belsendi atsalysqanyn atap ótti.

Osyndaı qıyn ýaqytta azamat­tary­­­myz­dyń ómiri úshin uzaq ýaqyt boıy kú­resip júrgen dárigerler de jas volon­ter­lerdiń nazarynan tys qalǵan joq. «Budan bas­qa dárigerlerdi qoldaý maqsatynda «Dári­ger­lerge myń alǵys» respýblıkalyq aksııa­sy uıymdastyrylǵan bolatyn. Is-shara bary­synda 6 900-den astam medısına qyzmet­kerine jáne 100-den astam aýrýhanada erik­tiler qolǵabys etti», dep atap ótti Jas Otan jetekshisi.

Jıynda belgili bolǵandaı, Jas Otan JQ koronavırýstyq ınfeksııa pandemııa­symen kúreste qoldaý kórsetý jumystaryn turaqty júrgizip keledi. Sond­aı-aq álemde bolyp jatqan oqıǵa­larǵa qaramastan, partııanyń jastar qanaty el jastarynyń ómirin jaq­sar­týǵa baǵyttalǵan qyzmetterin jalǵas­tyrýda. Osyǵan oraı 2025 jylǵa deıingi «Jastar – Otanǵa!» baǵdarla­ma­syn ázirledi.

Jas Otan baǵdarlama jobasyn kóp­shilik nazaryna talqylaýǵa usyndy. Baǵ­darlama jobasynda árbir jas qazaq­stan­dyqtyń ómirine qatysty jumyspen qamtý, qoljetimdi baspana, sapaly bilim, azamat­tyq belsendilik jáne tulǵalyq damý syndy negizgi máseleler kórinis tapty. «Baǵ­dar­lamany iske asyrý maqsatynda qoıyl­ǵan mindetterge qol jetkizý úshin shara­lar kesheni men naqty ındıkator­lary bar óńirlik jol kartalary qabyl­dana­tyn bolady. Baǵdarlamany iske asyrý maq­satynda partııanyń jas ókil­derin Parla­ment Májilisinde jáne bar­lyq deńgeı­degi máslıhattarda naqty tetiktermen qamta­masyz etý úshin jastarǵa bólingen 20% kvota negizinde partııaishilik praımerızde irikteý arqyly belsendi jáne talantty jas qazaqstandyqtardyń pýly qurylady», dedi E.Beısenbaev.

Baǵdarlama jobasyn ázirleý barysynda jas belsendiler damyǵan elderdiń tájirıbelerin zerdelep, áleýmettik zertteýler men saýaldamalardyń nátıjeleri eskerilgen.

 

Sońǵy jańalyqtar

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar