Qoǵam • 14 Tamyz, 2020

Elimizdiń jas ǵalymdary ZOOM – konferensııa ótkizdi

30 ret kórsetildi

13 tamyzda elimizdiń jas ǵalymdary ZOOM – konferensııa ótkizdi. Konferensııa barysynda túrli salanyń jas ǵalymdary «Nur Otan» partııasynyń praımerızin ótkizý bastamasyn qoldaıtynyn jáne praımerız týraly ǵylymı jumystar jasaýǵa daıynekenin málimdedi.

ZOOM-konferensııaǵa L.N.Gýmılev atyndaǵy Eýrazııa ulttyq ýnıversıteti Saıasattaný kafedrasynyń dosenti Indıra Rystına, «Bolashaq» qaýymdastyǵynyń atqarýshy dırektory Laýra Demesınova, A.N. Syzǵanov atyndaǵy ulttyq ǵylymı hırýrgııa ortalyǵynyń kardıoharýrgııa bóliminiń meńgerýshisi Baýyrjan Rakıshev, Memlekettik saıasat joǵary mektebi túlekteri qaýymdastyǵynyń prezıdenti Manasov Jangeldi, Ulttyq bıotehnologııa ortalyǵynyń bólim meńgerýshisi  Maqsat Jabaǵın, Jas ǵalymdar alıansynyń tóraǵasy Ásııa Ermuhambetova jáne músheleri, «Nur Otan» partııasy ortalyq apparaty saıası jumystar departamentiniń dırektory Erlan Qarabalaev qatysty.

Atalǵan jıyndy STEM akademııasynyń negizin qalaýshy Ábýtálip Mútáli júrgizdi. Ábýtálip Mútálibúginde jas ǵalymdardy qyzyqtyratyn jáne praımerızge qatysý boıynsha birqatar jıi qoıylatyn suraqtardy atap ótti.

Konferensııa barysynda, L.Gýmılev atyndaǵy Eýrazııa ulttyq ýnıversıteti saıasattaný kafedrasynyń dosenti, PhD doktor Indıra Rystına saıasattaný mamandyǵyndaǵy bilim alýshylar Qazaqstanda alǵash ret ótkiziletin praımerız týraly ǵylymı jumystar ázirleýge qyzyǵýshylyq tanytyp otyrǵanyn aıtty. «Praımerız – Qazaqstanda tuńǵysh ret uıymdastyrylyp jatqan shara bolǵandyqtan bizge, bul úrdis qyzyqty. Jańa oqý jylynda oqýǵa túsken magıstranttar, dıplom jazatyn bakalavr stýdentteri praımerızdi keıs retinde qarastyryp, ǵylymı zertteý jumystaryn júrgizedi. Sol kezde bizge partııanyń qoldaýy kerek bolady. Sondyqtan osy naýqannyń materıaldarymen bólisip otyrsańyzdar degen ótinishimiz bar», –dedi Indıra Rystına. Ol sonymen qatar partııamen birigip, «saıası tehnolog» atty magıstratýra deńgeıindegi bilim berý baǵdarlamasyn qurýdy usyndy.

«Nur Otan» partııasynyń ortalyq apparaty saıası jumystar departamentiniń dırektory Erlan Qarabalaev «Nur Otan» partııasynyń ortalyq apparatynda qyzmet etetin saıasattanýshy, áleýmettanýshy ǵalymdar jańa bilim berý baǵdarlamasyna aralasyp, birlese jumys isteýge jáne magıstranttar men stýdetterdiń ǵylyı jumystary úshin materıaldar usynýǵa daıyn ekenin jetkizdi.

Sonymen qatar, ol qatysýshylarǵa praımerızdiń erejelerin, erekshelikterin túsindirip berdi.«Praımerız maqsaty jergilikti jerdegi, aýyldaǵy, qaladaǵy problemalardy naqty biletin jáne qoǵam biletin, tanıtyn lıderlerdi anyqtaý. Bir erekshelik – máslıhat saılaýlary keler jyly birinshi ret proporsıonaldyq júıe boıynsha ótedi. Saılaýshylar partııalyq tizimge daýys beredi», - dedi E.Qarabalaev.

Konferensııada «Bolashaq» qaýymdastyǵynyń atqarýshy dırektory Laýra Demesinova Bolashaq túlekteri, Qazaqstannyń túkpir-túkpirinen praımerızge belsendi qatysýǵa nıet tanytyp otyrǵanyn habarlady.

Esterińizge sala keteıik, jalpyrespýblıkalyq «Nur Otan» partııasynyń praımerızi 2020 jyldyń 17 tamyzy men 3 qazany aralyǵynda ótedi. Praımerızdiń negizgi maqsaty partııalyq tizimderdi básekelestik jáne ashyq negizde qalyptastyrý.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar