Abaı • 31 Tamyz, 2020

Memlekettik syılyq – hakim atynda

44 ret kórsetildi

Memlekettik hatshy Qazaqstan Res­­pýb­lıkasynyń Abaı atyndaǵy ádebıet pen óner salasyndaǵy memle­ket­tik syılyǵyn berý jónindegi komıs­sııanyń otyrysyn ótkizdi, dep habar­lady akorda.kz saıty.

Memlekettik hatshy Qyrymbek Kósher­baevtyń tóraǵalyǵymen onlaın formatta 2020 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy mem­lekettik syı­lyǵyn berý jónindegi komıssııanyń alǵashqy otyrysy ótti.

Memleket basshysynyń 2020 jyl­ǵy 24 naýryzdaǵy №292 Jarlyǵymen Qazaq­stan Res­pýb­lıkasynyń ádebıet pen óner sala­syndaǵy memle­kettik syılyǵynyń ataýy Qazaq­stan Res­pýb­lıkasynyń Abaı atyn­daǵy áde­bıet pen óner salasyn­daǵy memle­kettik syılyǵy dep ózgertilgenin atap ótýimiz kerek.

Eki jylda bir ret, sondaı-aq qazaq­tyń uly aqyny, oıshyly Abaı Qu­nan­baıuly­nyń mereıtoılary ótetin jyldary Qa­zaqstan Respýblıkasynyń Abaı atyndaǵy ádebıet pen óner salasyndaǵy eki memle­kettik syılyǵy beriledi.

Komıssııa otyrysynda ádebıet, kıno, teatr, mýzyka, sáýlet jáne beıneleý óneri salalary boıynsha atalǵan Memlekettik syılyqqa usynylǵan 39 jumys qaraldy.

Komıssııa otyrysy aıasyndaǵy jasyryn daýys berý qorytyndysy boıynsha konkýrstyq irikteýdiń sheshýshi kezeńine ótken úmitkerler anyqtaldy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar