Qoǵam • 01 Qyrkúıek, 2020

Áleýmettik páter kiltteri tapsyryldy

8 ret kórsetildi

Nur-Sultanda «Nurly jer» memlekettik baǵdarlamasy aıasynda salynǵan áleýmettik páterler kilti tapsyryldy. Jańa turǵyn úı kesheninde 250 páter bar. Olar Turǵynúıqurylysjınaqbanki salymshylary men kezekte turǵandar (halyqtyń áleýmettik osal toptary) arasynda bólinedi.

«Qurylys salasynda qoljetimdi turǵyn úı salý óte mańyzdy. Elbasy qa­byldaǵan «Nurly jer» memlekettik baǵ­darlamasyna sáıkes jyl saıyn myń­daǵan otbasy kópten kútken baspanalaryn alady. Memleket basshysynyń tap­syrmasy boıynsha bıyl qoljetimdi turǵyn úı qurylysynyń kólemi úsh ese ósti, bul 8 myńnan astam páter: satyp alý quqyǵynsyz jalǵa beriletin turǵyn úı jáne turǵyn úı kezeginde turǵan Tur­ǵyn­úıqurylysjınaqbankiniń salym­shylary. Páterlerdi kezekke sáıkes úlestiremiz. Áleýmettik turǵyn úı áleý­mettik osal sanatqa arnalǵan, bul erek­she qajettilikteri bar balalardy tárbıelep otyrǵan analar, jetim balalar, tolyq emes otbasylar, zeınetker­ler, UOS ardagerleri, kópbalaly otba­sylar jáne t.b. Kelesi aptanyń sońyn­da taǵy myń áleýmettik páterdi tap­syramyz», dedi qala ákimi Altaı Kól­ginov.

Sonymen qatar ol «Qazaqstandyq ıpotekalyq kompanııasymen» birge qoljetimdi baspana alýshylar sanaty keńeıtilgenin atap ótti.

«Osy baǵdarlama boıynsha áleý­mettik qyzmetkerler, medısına qyz­met­­ker­leri, muǵalimder, polıseıler, máde­nıet jáne sport qyzmetkerleri páter alýǵa ótinish bere alady. Aptap ystyqqa, jańbyr men aıazǵa qaramaı jumys isteıtin qurylysshylarymyzǵa erekshe alǵys aıtamyz. Árqaısyńyzǵa amandyq, densaýlyq jáne tabys tileı­min. Qonys toılaryńyz qutty bolsyn!» dedi elorda ákimi.

«Turǵynúıqurylysjınaqbanki» AQ basqarma tóraǵasy Lázzat Ibra­gı­mova bıyl sońǵy 8 aıda 5 myń bank salymshysy óz úılerin alǵanyn jetkizdi.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar