Pikir • 02 Qyrkúıek, 2020

Pedagog mártebesi ósip keledi

51 ret kórsetildi

El Prezıdentiniń jyl saıynǵy Qazaqstan halqyna Joldaýy – elimizdiń azamattary úshin tarıhı oqıǵa. Úndeý barlyq qazaqstandyqtardy, birinshi kezekte joǵary oqý oryndarynyń ǵalymdary men professor-oqytýshylar quramyn beıjaı qaldyrmaıdy. О́ıtkeni, bul álemdegi ózgeristerdiń kóbi bilim qyzmetkerlerine baılanysty. Qasym-Jomart Toqaevtyń bul Joldaýy óziniń naqtylyǵymen jáne maqsattylyǵymen eldiń aldaǵy jyldarǵa arnalǵan damý baǵytynyń negizgi vektorlaryn aıqyndaıdy.

Qazaqstan Prezıdenti Q.Toqaevtyń 2020 jyl­ǵy 1 qyr­kúıektegi halyq­qa Jol­daýynda el men qoǵam­nyń odan ári damýy­nyń paıymy baıandalyp, qazaq­stan­dyqtardyń ómir súrý sapasyn arttyrýǵa baǵyttalǵan mańyzdy strategııalyq min­detter belgilengen. Bul naq­ty praktıkalyq ister baǵ­darlamasy, sózsiz barlyq qa­zaqstandyqtarǵa, eń aldymen zııaly qaýymnyń al­dyńǵy qatarly bóligi – ǵalymdar men pedagogterge qatysty.

Q.Toqaev Joldaýynyń bir baǵyty memleket da­mýynyń negizi bolyp sanalatyn bilim men ǵylym máselelerine arnalǵany qýan­tady. Osylaısha, Pre­zıdent jyl saıyn Qazaq­stan ǵalymdaryna álem­niń jetekshi ǵylymı orta­lyqtarynda ǵylymı taǵy­lymdamadan ótýdi, sondaı-aq «Jas ǵalym» baǵdarlamasy aıasynda jas ǵalymdarǵa 1 myń grant bólýdi usyndy.

Memleket basshysy peda­gogterdi áleýmettik qol­daý máselesine erekshe nazar aýdardy. Búginde bul kóterilgen máseleniń jaı ǵana sóz emes, is júzinde jú­zege asyp jatqandyǵynyń kýágerimiz. Máselen, ót­ken jyly Memleket bas­shysy Úkimetke pedagog már­tebesin jáne muǵa­lim­derdiń jala­qy­syn art­tyrýdy, otan­dyq ǵalym­dar­ǵa erekshe nazar aýdarýdy, bilim berý sa­lasyn jan-jaqty qol­daý­dy tapsyrǵan bolatyn. «Pe­dagog mártebesi tý­ra­ly» zań qa­byldandy, bilim be­rý grant­tarynyń sany edáýir ósti, demek, pe­dagog­ter­diń qoǵam aldyn­daǵy jaýap­kershiligi artty. Bilim berýdiń áleýetin arttyrý, onyń ishinde aldaǵy ýa­qytta oqytýshylardyń jala­qysyn ósirý máselesi de josparlanýda. Peda­gog qyzmetkerlerdiń jala­qysyn kóterý jáne olarǵa degen memlekettiń erekshe nazary bilim sapasyna oń áser eteri sózsiz.

Joǵary bilim berý sala­synyń aldynda kásibı kadr­lardy daıarlaý turǵysynan memlekettiń úmitin aqtaý min­deti tur. Iаǵnı, jasampaz shyǵarmashylyq kásibı ma­mandardy daıyndap, el ıgiligine qyzmet isteýge ju­­myl­dyrý. Akademııalyq qa­ýymdastyqtyń endigi isi – qa­zaqstandyq bilimdi bilim berýdegi álemdik kóshbas­shy­lardyń deńgeıine shy­ǵarý.

Akademık E.A.Bóketov atyndaǵy Qaraǵandy ýnı­ver­sıtetiniń ujymy Prezı­denttiń bastamalaryn toly­ǵymen qoldaıdy jáne bizdiń ortaq bolashaǵymyz ben ortaq taǵdyrymyz úshin osy bastamalardy jan-jaqty nasıhattaýǵa, olardy júzege asyrýǵa belsendi qatysýǵa yqpal etetin bolady.

 

Nurlan DÝLATBEKOV,

«Akademık E.A.Bóketov atyndaǵy Qaraǵandy ýnıversıteti» KeAQ basqarma tóraǵasy-rektory,

UǴA korrespondent-múshesi, professor

 

QARAǴANDY

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar