B. Saǵyntaev jańa jaǵdaıda ekonomıkalyq damý máselesinde qalaǵa qarapaıym «saýda» ekonomıkasynan zııatkerlikke kóshý qajet ekenin atap ótti. Buryndary, «Almaty-2050» Strategııasynda «qurylymdyq manevr» usynylǵan bolatyn, onyń maqsaty ekonomıkanyń joǵary qosymsha quny bar sektorlaryn damytý bolatyn. Olar – qarjy, AKT, kreatıvti ındýstrııa, týrızm, logıstıka jáne dıstrıbýsııa.
Pandemııa bastalǵaly beri kásipkerlerdi qoldaý kúsheıtildi. Prezıdenttiń tapsyrmasyna sáıkes qoldaý sharalarynyń tetikteri keńeıtiledi.
Qala turǵyndarynyń áleýmettik máselelerin sheshýge erekshe nazar aýdarylady. Turǵyn úı qurylysy salasynda taıaýdaǵy 5 jyl ishinde (2021-2025) 16,5 myń muqtaj otbasylardy pátermen qamtamasyz etý josparlanǵan. Mysaly, osy kezeń aralyǵynda 363,2 myń sharshy metr jaldamaly turǵyn úı nemese ınjenerlik-kommýnıkasııalyq ınfraqurylymy bar 6487 páter salý josparlanǵan. «Baqytty otbasy» baǵdarlamasy aıasynda 5 myńǵa jýyq páter paıdalanýǵa beriledi.
Prezıdent jarııalaǵan «Ańsaǵan sábı» baǵdarlamasy aıasynda Qoǵamdyq densaýlyq saqtaý departamenti EKU-ǵa kvotalar kezegine aýdıt júrgizedi. Qajet bolǵan jaǵdaıda bul tizim qaıta jasalyp, sábıli bolýǵa zárý otbasylarǵa naqtyly kómek kórsetiledi.
Qalada 5 jyl ishinde balalardy mektepke deıingi tárbıemen tolyq qamtý úshin 19 980 oryndy 419 mektepke deıingi balalar mekemelerin salý josparlanǵan, onyń 413-i memlekettik, 400-i jeke menshik. Sondaı-aq, 6 balabaqsha seısmıkalyq jaǵynan kúsheıtilip, kúrdeli jóndeýden ótetin bolady.
Taıaýdaǵy 5 jyl ishinde buqaralyq sportty damytý úshin almatylyqtardy sporttyq ınfraqurylymmen qamtamasyz etýdi 75,4 paıyzǵa deıin jetkizý josparlanǵan, bul shara 600 myńnan astam qala turǵynyn qamtıtyn bolady, al sportpen júıeli túrde aınalysatyn turǵyndar sanyn 33 paıyzǵa deıin jetkizý qarastyrylǵan.
Qorshaǵan ortany qorǵaý jáne ekologııalyq damý maqsatynda Jasyl Almaty aıasynda jasyldandyrý jumystary kúsheıtiledi. Sonymen qatar, jeke sektordy tabıǵı gazǵa, qala qazandyqtaryn shaǵyn jáne orta qýattylyqqa kóshirý jumystary jalǵasady. О́skeleń urpaqqa ekologııalyq tárbıe berýge aıryqsha nazar aýdarylady.
