Pikir • 07 Qyrkúıek, 2020

О́ndirissiz órleý joq

8 ret kórsetildi

Búkil álem elderin tyǵyryqqa tirep otyrǵan daǵdarys jaǵdaıynda halyqtyń áleýmettik-ekonomıkalyq ómirin turaqty saqtaý úshin naqty qadamdar qajet.

Prezıdent Qasym-Jomart Toqaev óziniń Joldaýynda otandyq óndi­ris pen ónerkásip salasyn damy­týǵa tyń serpin kerektigin basa aıt­ty. Rasynda da, memleket óndiris­siz órge basa almaıdy. Osyny jaı ǵana túsinip qoımaı, naqty qadamǵa baratyn kez keldi. Áldeqashan damý jolyna túsken alpaýyt elder bul tetikti negizgi nysan retinde alǵa ustaıdy. Memleket tek qana ımportqa táýeldi bolǵan saıyn soǵurlym quldyraı beredi. Bul ekonomıkanyń buljymaıtyn zańy.

Importtyń ekonomıkaǵa yqpal etýi­niń oń jáne teris áseri bar. Im­port­­­­tyń ósýi eldiń tólem balansy­nyń aǵym­daǵy shotynyń tapshyly­ǵyn týyn­datady, bul óz kezegin­de ult­tyq valıýt­anyń baǵamyna qy­sym jasaıdy.

Aýyl sharýa­shylyǵy sektory jú­ıeli jolǵa qoıylsa, azamattary­myz­dy taza ári qaýipsiz taǵammen qamtı alamyz. Bul bir jaǵy ekonomıka­nyń ilgerileýine jol ashatyn negizgi baǵdar. Osy rette ǵylym men ekonomıka bir-birimen tikeleı baılanys­ta bolsa ǵana damıtyn egiz uǵym ekenin esten shyǵarmaýǵa tıispiz. Ǵylymǵa kóńil bólmeı – ekonomıka joq. Prezıdent Joldaýynda bul másele de tıisti dárejede aıtyldy. Endigi kezekte sony durys iske asyrý máselesi tur. Naryqta básekesiz ómir súrý múmkin emes. Árbir otandyq ónim óndirýshi básekelester arasyn­da úzdik bolýǵa talpynýy kerek. О́ndiristiń qazirgi qalyptasyp otyr­ǵan qurylymyna baılanysty Qazaq­stan eksportynyń edáýir úlesi shıki­zatqa, tústi metaldarǵa, otynǵa, astyq­qa jáne jartylaı fabrıkattarǵa tıip otyr. Tek bularǵa súıenýge bolmaıdy. О́zin azyq-túlik ónimderimen, basqa da eń qajetti taýarlarmen tolyq qamtı alǵan memleket alǵa ozady. Biz osyǵan jetýimiz kerek

 

Oraz BAIMURAT,

UǴA akademıgi

 

Sońǵy jańalyqtar

Uqsas jańalyqtar