Saıasat • 07 Qyrkúıek, 2020

Kún tártibinde – ekonomıkalyq ıntegrasııa

6 ret kórsetildi

Qazaqstan Premer-Mınıstriniń birinshi orynbasary Álıhan Smaıylov aǵymdaǵy jyldyń 4 qyrkúıeginde telekópir rejiminde ótken Eýrazııalyq ekonomıkalyq komıssııa keńesiniń kezekti otyrysyna qatysty, dep habarlady Úkimettiń baspasóz qyzmeti.

Keńes músheleri Eýrazııalyq ekono­mı­ka­lyq ıntegrasııany odan ári damytýǵa qa­tys­ty, onyń ishinde tehnıkalyq retteý, dári-dármekter naryǵy, sanıtarlyq shara­lar, halyqaralyq yntymaqtastyq salal­a­ryn­daǵy birqatar máselelerdi talqylady.

Otyrys barysynda О́zbekstan Respýb­lı­kasyna EAEO janyndaǵy baqylaýshy memleket mártebesin berý týraly másele qaraldy. Sońǵy sheshim osy jyldyń sońynda memleket basshylarynyń kezekti kezdesýi barysynda qabyldanady. Keńestiń ót­ken otyrysynyń kún tártibindegi mańyz­dy másele Eýrazııalyq ekonomıkalyq ıntegra­sııany damytýdyń 2025 jylǵa deıingi strategııalyq baǵyttarynyń jobasyn tal­qy­laý boldy. Aǵymdaǵy jyldyń mamyr aıynda Prezıdent Q.Toqaev aqylǵa qo­nym­dy jetkiliktilik jáne qajettilik qaǵı­datyn eskere otyryp, qujatty qosym­sha py­syq­taý qajettigi týraly ustanymyn bil­dir­gen edi.

Osyǵan baılanysty Qazaqstannyń bas­tamasy boıynsha strategııa jobasynyń jekelegen is-sharalary qaıta qaralyp, ke­lisildi. Mysaly, elder qazaqstandyq taraptyń Eýrazııalyq ekonomıkalyq komıs­sııanyń buryn usynylǵandaı mindetti túrde emes, múshe memleketterdiń óz bas­ta­­ma­sy boıynsha ǵana qyzmetter saý­da­sy jáne ınvestısııalar máseleleri boıyn­sha múshe memleketterdiń úshinshi el­dermen ekijaqty kelissózderine tartý múm­kindigi týraly dálelderimen kelisti. Son­daı-aq, dárilik preparattar óndirisiniń halyq­aralyq standarttarǵa sáıkestigin rastaıtyn GMP ulttyq sertıfıkattaryn ózara taný 2025 jylǵa deıin uzartyldy. Budan basqa, «Oıynshyqtardyń qaýipsizdigi týra­ly» tehnıkalyq reglamenttiń jekelegen ere­jelerin naqtylaý bóliginde EAEO tehnı­kalyq reglamentterin ázirleý jospa­ryna túzetýler maquldandy. Uǵymdyq appa­rat, jańa oıynshyqtarǵa qoıylatyn talap­tar, magnıt aǵynynyń kórsetkishteri, baǵyt­talǵan elektromagnıttik óris deń­geıi, ýyt­tylyq bóliginde tehnıkalyq reg­la­menttiń je­kelegen erejeleri naqtylanatyn bolady.

Dárilik preparattardyń bıoekvı­va­lenttiligine zertteýler júrgizý ere­je­sine ózgerister bekitildi. Jekelegen dári­lik preparattardyń, atap aıtqanda jaqpa­maılar, gelder, kremder, sondaı-aq uzar­tylǵan jáne keıinge qaldyrylǵan dáriler men kapsýlalardyń ózara almastyrylýyn rastaý úshin jalpy tásilder maquldandy.

Sondaı-aq, múshe memleketterdiń ulttyq bankterine EAEO elderiniń memlekettik satyp alýlaryna qatysý úshin berilgen banktik kepildikterdi ózara taný boıynsha qanatqaqty jobany iske qosý múmkindigin qarastyrý usynyldy.

Keńestiń kezekti otyrysy aldaǵy 11 qyrkúıekte ótedi.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar