Medısına • 07 Qyrkúıek, 2020

Densaýlyq saqtaý salasyna jiti kóńil bólinedi

12 ret kórsetildi

Densaýlyq saqtaý mınıstri Alekseı Soı Úkimet otyrysynda Memleket basshysy Qasym-Jomart Toqaevtyń Joldaýyndaǵy tapsyrmalar boıynsha baıandama jasap, Premer-Mınıstr Asqar Mamınge bıyl jáne aldaǵy ýaqytta atqarylatyn jos­parlaryn jetkizdi.

Vedomstvo basshysy koro­na­­vırýstyq ınfeksııaǵa qar­sy kúresip jatqan medısına qyz­met­kerlerine ústemeaqy osy jyldyń sońyna deıin jal­ǵasatynyn aıtty. Naýryz ben shilde aıy aralyǵynda jalpy somasy 59,6 mlrd teńgege ústeme­aqy tólengen bolatyn. Endi taǵy da qosymsha 150 mlrd teńge bó­linedi. Tıisti esepteýler Qarjy mınıstrligine engizildi.

Sonymen qatar Memleket bas­shysy bıyldan bastap 2023 jylǵa deıin dárigerler men sanı­tarlyq-epıdemııalyq qyzmet mamandarynyń jalaqysyn eko­nomıkadaǵy ortasha eńbek­aqydan eki esege arttyrýdy tapsyrǵany málim. 2021-2023 jyldarǵa ar­nalǵan respýblıkalyq bıýdjet týraly zańda atalǵan shyǵyndar qarastyrylǵan. 247 myń medısına qyzmetkeriniń jalaqysyn kezeń-kezeńmen arttyrý shyǵyndary: 2021 jyly – 222,3 mlrd teńge, 2022 jyly – 361,7 mlrd teńge, 2023 jyly – 557,5 mlrd teńge.

Densaýlyq saqtaý mınıstrligi Indýstrııa jáne ınnovasııalyq damý mınıstrligine otandyq farmasevtıka jáne medısınalyq ónerkásipti damytý boıynsha halyqaralyq standarttarǵa sáıkes negizdelgen keshendi usynys engizedi. Halyqtyń suranysyna sáıkes óziniń tıimdiligin kórsetken dári-dármekterge basymdyq be­riledi.

Sondaı-aq 13 juqpaly aýrýlar aýrýhanasy salynady. Qazirgi ýaqytta oblys ákimdikteri 12 mo­dýldi ınfeksııalyq aýrýha­na­nyń qurylys jumystaryn qar­qyndy júrgizip jatyr. Taǵy bir aýrýhanaǵa keshendi jańǵyrtý jasalýda jáne aldaǵy qazan aıynda qoldanysqa beriledi. Vırýstyń ekinshi tolqynyna daıyndyq jan-jaqty júrgizilýde. Qosymsha 2700 ınfeksııalyq tósek-oryn daıyndalýda.

2025 jylǵa qaraı memleket-jekemenshik áriptestigi esebinen sý jańa 20 medısınalyq ortalyq qurylady. Iаǵnı joǵary tehnologııamen jabdyqtalǵan kópbeıindi medısınalyq mekemeler paıda bolady. Oǵan shamamen 1,5 trln teńge ınvestısııa tartylady dep josparlanǵan.

2021 jyldyń sońyna qaraı Almaty men Nur-Sultan qala­larynda árqaısysynda 500 tósek-oryn bar kópbeıindi ǵylymı-zertteý ortalyqtary salynady. Bul epıdemııalyq qaýip-qater­lerdiń aldyn alýǵa mol múmkindik beredi. 

Memleket basshysynyń tapsyrmasyna sáıkes alǵashqy medı­sınalyq kómektiń qyzmeti qaıta qaralady. Densaýlyq saqtaý mı­nıstrligi osy baǵytta halyqqa kórsetiletin qyzmettiń sapasyn jáne qoljetimdiligin arttyrý bo­ıynsha 2021-2023 jyldarǵa deıingi keshendi jospar ázirleıdi. Atap aıtqanda, eldi mekenderdegi feldsherlik-akýsherlik, dári­gerlik ambýlatorııalyq pýnkt­terdiń materıaldyq-tehnıkalyq jaǵ­daıyna aıryqsha mán beriledi.

Shalǵaıdaǵy eldi mekender úshin kóliktik medısına mehanızmi damıdy. Osy maqsatta jyljymaly turǵyda jumys isteıtin 100 medısınalyq keshen satyp aly­nady. Osylaısha, aýdandyq aýrýhanalardyń qajettiligi 100 paıyzǵa qamtylady.

2020 jyly «BRK-Lızıng» AQ arqyly jedel járdem qyz­metterin 1167 birlik otandyq sa­nıtarlyq avtokóliktermen qam­tý josparlanǵan. Bul rette aýyldyq jerdegi medısınaǵa aıryq­sha nazar aýdarylady.

Densaýlyq saqtaý salasyndaǵy mamandar tapshylyǵyn retteýdiń 10 jylǵa arnalǵan jospary ázir­lenedi. Epıdemıolog, ın­fek­sıo­nıst, reanımatolog, pýl­mo­nolog, kardıolog syndy maman­dyqtarǵa basymdyq beriledi.

Vedomstvo basshysy «Ańsaǵan sábı» baǵdarlamasy aıasynda 2021 jyly EKO-ǵa bólinetin kvota kólemi 7 esege deıin kóbeıetinin jáne atalǵan baǵyttaǵy jumys­tardyń sapaly oryndalý barysy qadaǵalanatynyn atap ótti.

 

 

 

Uqsas jańalyqtar