О́ner • 08 Qyrkúıek, 2020

«Astana Opera» teatrynyń segizinshi maýsymy

18 ret kórsetildi

Teatrdyń baspasóz qyzmeti jańa maýsym 18 qyrkúıekte belgili dırıjer Alan Bóribaevtyń jetekshiligimen «Operalyq klassıkaǵa saıahat» gala-operasymen ashylatynyn málimdedi. Baǵdarlama Tengri TV men «Astana Operanyń» YouTube arnasynan usynylmaq.

Qoıylym teatrdyń Úlken zaly sahnasynda onlaın rejiminde ótedi. Baǵdarlamaǵa ulttyq jáne álemdik muranyń injý-marjany sanalatyn A.Jubanov pen L.Hamıdıdiń «Abaı», Dj.Rossınıdiń «Se­vıl shashtarazy», P.Chaı­kov­skııdiń «Evgenıı Onegın» operalarynan kórinister engen. Gala-operada elordalyq trýppanyń tanymal solısteri óner kórsetpek.

Teatr basshylyǵy aldaǵy ýaqytta jurtshylyqqa aıtýly premeralar men kon­serttik baǵdarlamalar, atap aıtqanda, qazan aıynyń basynda G.Donısettıdiń «Don Paskýale» qoıylymynyń premeralyq onlaın-kór­setilimi usynylsa, ile-shala V.A.Mosarttyń mýzykasy negizinde kórnekti horeograf I.Kılıannyń qatysýymen qoıylǵan «Alty bı» eksklıý­zıvti baleti kórermenge jol tar­tatynyn aıtty. Odan keıin teatrsúıer qaýym naza­ryna kópten kútken premeralar: G.Donısettıdiń «Mahabbat sýsyny» operasy jáne T.Qa­jyǵalıev, R.Gaısın men K.Pı­no-Kan­tananyń mýzyka­syna qo­ıylǵan Patrık de Ba­nanyń «Dala úni» ulttyq bale­ti usynylmaq.

Tıbor Kochaktyń mýzykasyna ertegi jelisimen ja­zylǵan Dıýla Harango­zo­nyń «Aqshaqar men jeti er­gejeıli» balettik spektakli de jańa maýsymnyń basty tartýy ekeni alǵa tartyldy. Áıtse de, klassıkany súıetin kórermen úshin bıylǵy aıtýly premera E.Rahmadıevtiń «Alpamys» ulttyq operasy bolmaq.

– Bul maýsymdy tosyn da tyń formatta ashqa­ly otyr­myz. Ártister zal­­­daǵy kó­rermensiz sah­nada óner kórsetetin bo­­lady. Qoıylymdar men kon­sertterdiń tikeleı kór­setilimderi qyrkúıek aıyna josparlanyp otyr. Qazir solıster osynshalyq uzaq úzi­listen keıin jumysqa belsene kirisip ketti. Olar da­ıyndyq zaldarynda óner­lerin shyńdaýda, alaıda alǵashqy kezdesýimiz onlaın-formatta ótetindigine qaramastan ishteı qobaljý da joq emes. Teatrdyń kórkemdik keńesi ulttyq jáne álemdik opera men balet klassıkasyn, kameralyq mýzyka baǵdarlamalaryn, sondaı-aq balalar men jasóspirimder aýdıtorııasyna arnalǵan shy­ǵar­malardy qamtýǵa barynsha mán berdi. Aıta ketý kerek, kóptegen jobamyz koronavırýs pandemııasy saldary­nan júzege aspaı qaldy. So­ǵan qaramastan, biz onlaın rejimde belsendi jumys istedik, kóptegen túrli jobalar jasadyq. Azamattar tarapynan óner ıelerine alǵys jaýdyrǵan hattar óte kóp, – deıdi Qazaqstannyń eńbek sińirgen qaıratkeri, «Astana Opera» memlekettik opera jáne balet teatrynyń dırektory Ǵalym Ahmedıarov.

«Operalyq klassıkaǵa saıa­hat» gala-operasynan bólek, N.Rımskıı-Korsakovtyń mý­zykasyna qoıylǵan «She­he­razada» baleti de qyrkúıek aıy repertýarynyń jańalyǵy sanalady.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar