Ekonomıka • 10 Qyrkúıek, 2020

Mal sharýashylyǵyn keńeıtti, sút ónimin kóbeıtti

40 ret kórsetildi

Jýyrda «QazAgro» holdıngi atqarylyp jatqan aýqymdy jumystaryn jarııalaý hám naqty isterdi nasıhattaý maqsatynda jýrnalıster úshin baspasóz týryn uıymdastyrdy. Osyǵan oraı Nur-Sultan qalasyndaǵy birneshe BAQ ókili tańmen talasa jolǵa shyqtyq. Baǵytymyz Aqmola oblysy, Astrahan aýdany, Kamyshenka aýyly. Maqsatymyz – sol aýyldaǵy «Kamyshenka» sharýa qojalyǵynyń jumysymen tanysý.

Júz shaqyrymdy júzip ótkendeı bir saǵattyń bederinde dittegen jeri­mizge jettik. Biz barǵanda sharýa­shylyq qojaıyny Dúısembaı Qojasuly keshe ǵana Ýkraınadan ákelingen mal mańynda júr eken.

«Bıyldan bastap biz mal basyn kóbeıtýdi josparlap, «Agrarlyq nesıe korporasııasynan» 505 mln teńge ne­sıe alyp, oǵan 400 bas sútti baǵyt­ta­ǵy sıyrlar satyp aldyq. Sıyr sanynyń ósýimen biz de sút óndirýdi ulǵaıtamyz. Buǵan deıin kúnine 6-6,5 tonna sút saýsaq, endi 12-13 ton­naǵa jetkizemiz dep oılaımyn. «Ag­rar­lyq nesıe korporasııasynyń» qar­jy­laı qoldaýymen kásibimizdi ke­ńeı­tip, qurylys jumystaryn qar­qyn­dy júr­gizip jatyrmyz. Mundaı múm­­kin­dik biz sııaqty sharýashylyqtar úshin óte qo­laı­ly. Atalǵan korporasııadan nesıeni 6%-ben 10 jylǵa aldyq», deıdi ol.

О́z óndirisin órkendetip qana qoı­maı, júzden asa otbasyn jumyspen qamtyp otyrǵan «Kamyshenka» JShS-nyń atqarýshy dırektor Aıbek Sáken­uly aldaǵy josparlaryn da aqtaryp saldy.   

Memlekettiń shaǵyn sharýashy­lyq­tar­dyń shashbaýyn kóterip, qarjylaı qoldaýy qaı salaǵa bolsyn qanat bitireri sózsiz. Bul rette «QazAgro» UBH Qazaqstanda jyl saıyn 100 myń tonnadan astam sút óndirisin qarjy­landyrǵanyn aıta ketken abzal. 

«Sút tapshy­lyǵyn jabýǵa baǵyttalǵan jobalardy qarjy­landyrý – «QazAgro» hol­dıngine qarasty «Agrarlyq nesıe kor­porasııasy» AQ jeńildikpen nesıe­lendirýdiń basym baǵyttarynyń biri. Búginde «Agrarlyq nesıe korporasııa­sy» sút óndirýdiń jyldyq jalpy qýaty 101,7 myń tonnany quraıtyn 29 sút fermasyn qarjylandyr­­dy. Sony­men qatar agroónerkásip­tik keshen­di qarjylandyrýda kóshbas­shy fer­mer­lerge sútti maldyń asyl tuqym­dy malyn satyp alýǵa, jańa aýyl­sharýa­shylyq tehnıkalaryn, sút fermalary jab­d­yqtaryn jáne basqa baǵyttardy sa­typ alýǵa nesıe beredi. 2019 jyly jeńil­detilgen nesıe alǵan sharýa qojalyqtarynyń sút óndirisindegi úlesi 24,8%-dy qurady», dedi «Agrarlyq nesıe korporasııasy» Nur-Sultan qalasy boıynsha fılıalynyń dırektory Áset Kóshkembaev. 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar