Qazaqstan • 10 Qyrkúıek, 2020

Elimizde egindi otandyq tehnıkamen jınaýda

9 ret kórsetildi

Qazaqstanda egin jınaý jumysy qarqyndy júrip jatyr. Aýyl sharýashylyǵy mınıstrliginiń statıstıkalyq málimetteri boıynsha bıylǵy jyly aýyl sharýashylyǵy daqyldarynyń jalpy egis kólemi 22,7 mln ga qurady, bul 2019 jylmen salystyrǵanda 439,2 myń ga artyq, dep habarlaıdy Egemen.kz mınıstrliktiń baspasóz qyzmetine silteme jasap.

Qazaqstannyń agrarlyq qyzmetkerleriniń tolyqqandy jumys isteýi úshin pandemııaǵa qaramastan, otandyq zaýyttar jyl basynan 1 qyrkúıekke deıin 41 mlrd teńge somasyna 790 kombaındy alqapqa shyǵardy. Bul týraly Qazaqstandyq AvtoBıznes qaýymdastyǵy (QABQ) habarlady.

Otandyq fermerler Qostanaıdyń "AgromashHoldıng KZ" zaýytynyń "ESSIL" kombaındary úlken suranysqa ıe boldy, kásiporynda jyl basynan beri 278 birlik tehnıka óndirildi.

Kókshetaý zaýyttarynyń ónimderi de egin jınaý naýqany bastalǵanǵa deıin fermerlerdiń suranysyna ıe boldy. 8 aıdyń ishinde "KazRost Engineering Ltd" 246 "VECTOR" kombaınyn jáne 180 birlik "ACROS" óndirdi. "KAIK" JShS 74 birlik "ACROS" tehnıkasy men 12 "TORUM" kombaındaryn jetkizýdi qamtamasyz etti.

Esterińizge sala ketsek, aǵymdaǵy jyldyń tamyz aıynda Indýstrııa jáne ınfraqurylymdyq damý mınıstrligimen kelisimge jaqyn arada otandyq óndirýshilerdiń qataryna qosylatyn "CLAAS" nemis óndirýshisi qol qoıǵan bolatyn.

Uqsas jańalyqtar