Qoǵam • 18 Qyrkúıek, 2020

Jastardy kóshbasshylyqqa baýlıdy

30 ret kórsetildi

Aqtóbe oblystyq Áleýmettik máseleler jáne jastar saıa­saty departamenti men Q.Jubanov atyndaǵy Aqtóbe óńirlik ýnıversıteti aımaqtaǵy stýdentter men jastardy kóshbasshylyqqa baýlý, stýdentter arasynda ózin-ózi basqarý toptaryn uıymdastyrý maqsatynda ProActive akademııasynyń negizin qalaǵan-dy. Jańa oqý jylynyń bas­talýymen akademııanyń jumysy da jańalyqqa toly.

Joba avtory ári úıles­ti­rý­shi­si Narqozy Qart­jannyń aıtýynsha, ýnıversıtettegi ózekti máselelerdi anyqtaýdy maqsat etken joba búginde jumysyn bas­tap ketken. «Qazir jobamyzdy onlaın da, oflaın da ótkizip jatyrmyz. Stýdenttik ózin-ózi basqarý  uıymdarynyń kósh­basshylary men aka­de­mııa­lyq top basshylarymen  kez­de­sýler ótkiziledi. Qazir oq­shaýlaný, karantın kezinde stýdentterdiń kúndelikti ómiri týraly erkin formatta dıalog, stýdenttik ózin-ózi basqarýdaǵy top basshynyń rólin jetildirý, pa­rasattylyq qaǵıdalaryn us­ta­ný, stýdentterdiń bo­ıyn­daǵy ómirlik mańyzy bar daǵdylaryn shyńdaý maqsatynda jumys atqarylyp jatyr.  Bul rette ár túrli trenıngter ótti. Jalpy, jobaǵa oflaın jáne onlaın formatta ýnıversıtettiń 500-ge jýyq stýdenti qatysyp júr», dedi joba avtory.

ProActive akademııasy ju­my­synyń jarqyn nátıjeleri karantın kezinde erekshe kó­rin­di. Oblysta Volonter mektebin ashyp, ondaǵy jastar tótenshe jaǵdaı kezinde aımaq turǵyndaryna qolǵabys etken-di.  «Osy ýaqytqa deıin jalpy Volonter mektebi 100-ge jýyq volonter men 60-qa jýyq oblys mektepteriniń volonterlik klýb jetekshilerine arnap 7 semınar-trenıng ótkizdi. Bul eńbek óz nátıjesin berdi dep esepteımin. О́ıtkeni tótenshe jaǵdaı kezinde eriktiler aldyńǵy shepte qyz­met etip, ósken óńirine paıdasyn tıgizdi.

Ýnıversıtettiń tárbıe ju­mys­tary josparyna sáıkes, ob­­lystyq jas­tar saıasaty má­se­leleri bas­qar­ma­sy­men bir­lese otyryp al­ǵash­qy vo­lon­terlik qyz­met­ti trans­for­ma­sııa­laýǵa baǵyt­tal­ǵan «Vo­lon­ter­likke jol» forýmy ótti. Ob­lysymyzdyń ár aýdanynan jınalǵan 100-den astam qa­tysýshy Aqtóbe óńirindegi jańa volonterlik qyzmettiń ba­ǵyt-baǵdarlaryn aıqyndady. Erek­she atap ótetin jaıt, óńir jas­tary «Volonter jyly» aıasynda bekitilgen 7 volonterlik baǵyt boıynsha sarapshylardan keńes alyp, tájirıbesin shyńdady. Sonymen qatar forým kezinde jańa volonterlik toptar qurylyp, olar elimizdegi shaǵyn granttardyń jeńimpazy atandy. Qatysýshylardyń barlyǵy bir aýyzdan bul sharany dástúrge aınaldyrý kerek degen sheshimge keldi. Búginde aldaǵy jospar talqylanýda», deıdi Narqozy Qartjan.

Akademııanyń negizgi maq­sa­ty – jastarǵa zaman tala­byna saı daǵdylardy úıretý bo­ıynsha  ýnıversıtet stý­dent­terimen qatar jas mamanda­ry­na arnap  «Creativity is a process» jobasyn iske qosty. Uıymdastyrýshylardyń aı­týynsha, bul joba arqyly Jubanov ýnıversıtetinde qyzmet jolyn endi bastaǵan jas mamandardy dıalogtik alań­ǵa shoǵyrlandyrý, pikir alma­sý arqyly kreatıv sheberha­na­lar jumysyn júrgizý jos­par­lanǵan.

«Búginde I kýrs stý­dent­te­rine arnalǵan múmkindikter men resýrstar taqyrybynda vebınarlar serııasy uıym­das­ty­rylýda. Stýdenttik ózin-ózi basqarý uıymdarynyń jetek­shi­lerine «Zaman talabyna saı kóshbasshy: úzdik stýdent bolý» taqyrybynda onlaın trenıng josparlanýda. Sonymen qatar respýblıkamyzdyń batys óńi­rin­degi oqý oryndarynyń stý­denttik ózin-ózi basqarý uıym­darynyń qashyqtan uıym­das­ty­rý tájirıbesimen bólisýge arnalǵan dıalogtik alań ári kópir bolatyn «Stýdenttik ózin-ózi basqarý – jastardyń kósh­bas­shylyq qasıetterin damytý negizi» taqyrybynda aımaqtyq onlaın-semınar ótedi», dedi joba avtory.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar