06 Qarasha, 2013

Sheteldikterdi tánti etken ánshi

133 ret kórsetildi

«Teatro Comunale di Piacenzadaǵy» (Italııa) teatrynyń jańa maýsymy «Astana Opera» teatrynyń ánshisi Medet Shotabaevtyń oryndaýyndaǵy Dj.Verdıdiń «Lýıza Mıller» operasynan Rýdolftiń partııasymen ashyldy.

 

«Teatro Comunale di Piacenzadaǵy» (Italııa) teatrynyń jańa maýsymy «Astana Opera» teatrynyń ánshisi Medet Shotabaevtyń oryndaýyndaǵy Dj.Verdıdiń «Lýıza Mıller» operasynan Rýdolftiń partııasymen ashyldy.

Italııalyq teatr basshylyǵy Shotabaevpen úsh opera oryndaý jóninde kelisimge otyrdy. «Piacenza qalasy teatrynyń maý­symyn ashý men úshin qurmet, úlken sáttilik. Donato Renzetti sekildi dırıjermen, álemdik deńgeıdegi ánshilermen úlken sahnada óner kórsetkenime qýanyshtymyn», – deıdi ánshi.

Italııa teatrynda óner kórsetý «Astana Operanyń» úzdik ánshisine úlken tájirıbe boldy. Medettiń akterlik sheberliginiń óskenin tek áriptesteri men Maestro ǵana emes, mýzykalyq synshylar da atap ótýde. Naqtyraq aıtsaq, ıtalııalyq «Sultura e spettacoli» gazeti bylaı dep jazdy: «Medet Shotabaev Rýdolftiń rólin oınady. Alǵashynda ol úndestikten tómen bastap edi, alaıda, nátıjesinde daýsy jaqsy shyǵyp, partııany senerlikteı ári buljytpaı oryndady, sonymen qatar, kúshti vokaldyq dıapazony jáne basa aıtý men shyrqaýdyń durystyǵynyń arqasynda daýys óte jaǵymdy ári taza shyqty. Medet kórermenniń zor yqylasyna ıe boldy».

Orkestr de, hor da jáne eń bas­tysy – kórermen de Shotabaevty jaqsy qarsy aldy. Taıaýda Medet Shotabaev konkýrsqa qatysý úshin taǵy da Italııaǵa barady. Al qańtar aıynda Piacenza sahnasynda «Lýıza Mıllerdi» oryndamaq.

«Egemen-aqparat».

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar