Aımaqtar • 20 Qazan, 2020

Etnosaralyq sala boıynsha monıtorıngtik top Túrkistan oblysyna bardy

10 ret kórsetildi

Ákimdikterdiń etnosaralyq qatynastardy retteý salasyndaǵy praktıkalyq jumysymen tanysý, sondaı-aq ádistemelik kómek kórsetý maqsatynda aǵymdaǵy jylǵy 14-19 qazan aralyǵynda Etnosaralyq qatynastardy damytý komıteti tóraǵasynyń orynbasary Ǵ.N. Shoıkın bastaǵan Aqparat jáne qoǵamdyq damý mınıstrliginiń monıtorıngtik toby jumys saparymen Túrkistan oblysyna bardy.

Sapar barysynda Mınıstrlik ókilderi ákimdik bólimsheleriniń Memleket basshysynyń etnosaralyq qatynastar salasyndaǵy jumys júıesin jańǵyrtý jónindegi tapsyrmalaryn oryndaýy boıynsha júrgizilip jatqan jumyspen tanysty.

Sapar sheńberinde memlekettik organdardyń etnosaralyq saladaǵy ózekti mindetteri talqylanyp, Mınıstrlik ázirlegen ádistemelik usynymdar men jumysty uıymdastyrýdyń jańa tásilderi túsindirildi. Etnosaralyq kelisimdi qamtamasyz etý boıynsha taldaý, ádistemelik, aqparattyq, aqparattyq-túsindirý qyzmeti, sondaı-aq etnosaralyq shıelenis pen qaqtyǵystyqtyń aldyn alý máseleleri boıynsha ortalyq jáne óńirlik deńgeılerdegi birlesken jumystyń úılestirilýi men ózara is-qımyl algorıtmderi kelisildi.
Monıtorıngtik top aýdandyq ákimdikterdiń etnosaralyq qatynastardy damytý salasynda júrgizilip jatqan jumysymen tanysty. Kentaý qalasyna, Saıram, Saryaǵash, Keles, Tólebı jáne Túlkibas aýdandaryna saparlar uıymdastyryldy. Jergilikti jerlerde jergilikti etnomádenı birlestikteriniń basshylarymen kezdesýler ótkizildi, onda Qazaqstan halqy Assambleıasy jumysynyń tıimdiligin arttyrý, onyń qyzmetin etnostardy biriktirýge, jastar arasynda azamattyq biregeılik pen patrıotızmdi qalyptastyrý máseleleri talqylandy. Jergilikti memlekettik jáne quqyq qorǵaý organdarynyń ókilderimen, sondaı-aq etnos toptary shaǵyn turatyn aýyldardyń (Shornaq, Yntymaq, Abaı, Qarabulaq, Azatlyq, Hanaryq aýyldary) jaýapty qyzmetkerlerimen jekelegen konsýltasııalar ótkizildi.

Sapar sońynda Kentaý qalasy, Saıram, Tólebı, Saryaǵash, Keles, Maqtaaral, Jetisaı, Túlkibas aýdandary ákimderiniń orynbasarlary, aýdandyq ishki saıasat bólimderiniń basshylary, oblystyq «Qoǵamdyq kelisim» RMM jáne onyń aýdandyq fılıaldarynyń qyzmetkerleri úshin qorytyndy semınar uıymdastyryldy.
Semınarda etnosaralyq qatynastar salasyndaǵy memlekettik saıasatty iske asyrýdyń negizgi basymdyqtary belgilenip, óńirdiń erekshelikteri iskerilip osy saladaǵy jumysty uıymdastyrý boıynsha naqty usynymdar berildi.

Sońǵy jańalyqtar

Pnevmonııadan 2 adam qaıtys boldy

Koronavırýs • Búgin, 11:42

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Uqsas jańalyqtar