Aımaqtar • 20 Qazan, 2020

Mobıldi toptar eki júzden astam ShOB sýbektisin tekserdi

7 ret kórsetildi

Nur-Sultan polıseıleri karantın rejımin saqtaý boıynsha tekseristi jalǵastyrýda. Mobıldi toptar kásipkerlik sýbektilerge kúndelikti túngi jáne kúndizgi reıdter ótkizip, tártip buzýshylardy anyqtap, olardy jaýapkershilikke tartty, - dep habarlaıdy Egemen.kz

Sonymen qatar, polıseıler azamattarǵa koronavırýs ınfeksııasynyń taralýyna jol bermeý úshin karantın rejımin saqtaýdyń mańyzdylyǵyn túsindirýdi jalǵastyrýda. Kóptegen qala turǵyndarǵa kópshilik jınalatyn oryndarǵa, saıabaqtarǵa, skverlerge, bazarlarǵa barǵan kezde PD qyzmetkerleri saqtyq sharalaryn eske saldy. Azamattardy qoǵamdyq oryndarda jaýapty bolýǵa, sanıtarlyq normalar men áleýmettik qashyqtyqty mindetti túrde saqtaýǵa shaqyrdy.

"Bir táýlik ishinde polıseıler taýarlar men kórsetilgen qyzmetterdiń sapasy men qaýipsizdigin baqylaý basqarmasynyń ókilderimen birlesip, 224 kásipkerlik nysanyn tekserdi. 20 nysan karantın talaptaryn buzǵan. Barlyq tártip buzýshylar QR ÁQBtK-niń 425-baby boıynsha ákimshilik jaýapkershilikke tartyldy", - delingen PD taratqan habarlamada.

Nur-Sultan qalasynyń polısııa departamenti qoldanystaǵy zańnamaǵa sáıkes zań buzýshylar jaýapqa tartylatynyn eske salady. Turǵyndar mindetti túrde maska taǵý, qashyqtyqty saqtaý, sanıtaızerlerdi paıdalaný qajet.

Sońǵy jańalyqtar

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar