Aımaqtar • 20 Qazan, 2020

Antıkor jáne BUUDB jemqorlyqtyń aldyn alýda yntymaqtastyǵyn nyǵaıtady

48 ret kórsetildi

Búgin Sybaılas jemqorlyqqa qarsy is-qımyl agenttiginiń tóraǵasy Alık Shpekbaev BUUDB-nyń Qazaqstandaǵy turaqty ókili Iаkýp Berıshpen kezdesti. Bul týraly agenttiktiń baspasóz qyzmeti habarlady.

Kezdesýdiń negizgi kún tártibi – BUUDB-nyń 2021-2025 jyldarǵa arnalǵan Eldik baǵdarlamasynyń aıasynda jemqorlyqqa qarsy is-qımyl jelisi boıynsha yntymaqtastyqty talqylaý boldy.

"Qazirgi jaǵdaıda pármendi qylmystyq-quqyqtyq quraldarmen qatar júıeli aldyn alý jumysynyń da mańyzy zor. Bul turǵyda parasattylyq, ashyqtyq, eseptilik jáne tutynýshyǵa baǵdarlaný arqyly memlekettik apparatty transformasııalaý sheshýshi ról atqarady", – dep atap ótti Alık Shpekbaev.

О́z kezeginde BUUDB Turaqty ókili Iаkýp Berısh vedomstvonyń qyzmetine joǵary baǵa berip: «Byltyr Agenttiktiń qurylýy – eldiń jemqorlyqty jeńýge umtylysynyń tikeleı kórsetkishi. Biz Sybaılas jemqorlyqqa qarsy qyzmettiń halyqaralyq standarttar men reıtıngter turǵysynan jan-jaqty, júıeli jumysyn kórip otyrmyz. Ortalyqta jáne óńirlerde BUU-nyń saıasatyna sáıkes negizgi basymdyqtar baıqalady. Agenttiktiń pandemııa tusynda tózimdilik tanytyp, jumys qarqynyn báseńdetpegenin atap ótken jón», - dedi.

Spıker vedomstvonyń memlekettik ınstıtýttardyń tıimdiligi men eseptiligin arttyrýǵa, kvazımemlekettik sektordaǵy jaýapkershilikti kúsheıtýge, sonymen qosa azamattardyń sybaılas jemqorlyqqa qarsy bastamalarǵa qatysýyna qosqan úlesine basa nazar aýdardy.

Kezdesý qorytyndysy boıynsha taraptar uzaqmerzimdi seriktesti nyǵaıtýǵa nıet bildirip, sybaılas jemqorlyq táýekelderin anyqtaý salasyndaǵy sıfrlandyrý men Agenttik pysyqtaǵan zańnamalyq reformalardy iske asyrý máselelerin ózara is-qımyldyń negizgi baǵyty retinde belgiledi.

Qazirgi tańda, BUUDB qoldaýymen "Transparency International" qoǵamdyq qorymen birlesip jemqorlyqty qabyldaýdy baǵalaý boıynsha monıtorıngtik áleýmettik saýalnama júrgizilýde. Onyń nátıjeleri bıylǵy jyldyń sońynda jarııalanady.

Sońǵy jańalyqtar

Bas teatrdaǵy balalar stýdııasy

О́ner • Búgin, 23:11

Altyn shynjyrdyń sońǵy shyǵyrshyǵy...

Rýhanııat • Búgin, 23:01

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar