Qoǵam • 22 Qazan, 2020

PTR testileri men medısınalyq jabdyqtar jiberedi

7 ret kórsetildi

Densaýlyq saqtaý birinshi vıse-mınıstri Marat Shoranov Koreıa Respýb­lı­ka­synyń Qazaqstan Respýblıkasyndaǵy Tótenshe jáne ókiletti elshisi Ký-Hýn-Sokpen kezdesti.

 

Kezdesý barysynda taraptar eki­jaqty yntymaqtastyqty odan ári damytý máselelerin talqylady, onyń aıasynda koreıalyq tarap Qazaqstanda koronavırýs ınfeksııasynyń taralýyna qarsy gýmanıtarlyq kómek kórsetti. «Seegene» kompanııasy shyǵarǵan koreıalyq óndiristegi «2019-nCOV Assay» atty PTR synaqtarynyń 388 jıyntyǵynyń alǵashqy partııasy 2020 jyldyń 19 qazanynda Nur-Sultanǵa keldi. Bul 38 800 synaq ótkizýge múmkindik beredi.

«Bizdi Ońtústik Koreıa Respýb­lı­kasymen túrli baǵyt boıynsha, sonyń ishinde densaýlyq saqtaý salasyndaǵy burynnan kele jatqan dostyq seriktestik qarym-qatynastar baılanystyrady. Pandemııanyń osyndaı qıyn kezeńinde biz Koreıa memleketiniń qoldaýyn erekshe baǵalaımyz jáne Ońtústik Koreıanyń joǵary basshylyǵyna Qazaqstan Respýblıkasynyń aýmaǵynda COVID-19 taralýyna qarsy kúreste kórsetken gýmanıtarlyq kómegi úshin rızashylyǵymyzdy bildirýge ruqsat etińiz. Bizdiń dostyq qatynastarymyz, sondaı-aq eki el arasyndaǵy stra­te­gııalyq seriktestik tek ózara túsi­nis­tik negizinde nyǵaıyp, damıtynyna senimdimin», dedi Densaýlyq saqtaý birinshi vıse-mınıstri Marat Shoranov.

Qazaq­stan­da COVID-19 ınfeksııasyn anyq­taý úshin 3 mln-nan astam zert­hanalyq tekserý júrgizilgen. Sony­men birge pandemııaǵa qarsy kúres úshin qosymsha resýrstar jumyldyryldy. Aıtalyq, Ulttyq saraptama ortalyǵynda 160-tan astam vı­rý­so­lo­gııalyq zerthana qyzmetkeri ju­mys istese, aýqymdy synamalar ja­saýǵa bakterıologııalyq jáne asa qaýipti ınfeksııalar zert­ha­na­larynyń mamandary tartyldy. Bıoqaýipsizdikti qamtamasyz etý máseleleri boıyn­sha dárister arnaıy oryndarda júrgizilgen.

Koreıa Respýblıkasy gýma­nı­tar­lyq kómektiń ekinshi partııasyn Almaty qalasyna 2020 jyldyń qazan aıynyń sońyna deıin jiberedi. 72 ottegi konsentratory men 50 pa­sıentke arnalǵan monıtor DDU-nyń «WHO global supply chain» ǵalamdyq jetkizilim jelisi arqyly satyp alynady. Gýmanıtarlyq kómektiń sońǵy, úshinshi partııasy qazirgi kezde koreıalyq óndiriste óndirilip jatyr.

«Eýropa men Ortalyq Azııa elde­rin­de pandemııanyń taralýy kún sanap ýshyǵyp barady. Osyǵan sáıkes Qazaqstan úkimeti pandemııanyń ekin­shi tolqynyna tyńǵylyqty daıyn­dalýda. Koreıa Respýblıkasy Úki­met­iniń kórsetken gýmanıtarlyq kómegi Qazaqstandaǵy COVID-19 pan­demııasynyń ekinshi tolqynyna da­ıyndyq sharalaryna oń yqpal etedi dep senemin», dedi Koreıa Res­pýb­lı­ka­synyń elshisi Ký-Hýn-sok.

Sońǵy jańalyqtar

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Aýdandy 100 paıyz gazben qamtý mindeti tur

Aımaqtar • 22 Qańtar, 2021

Uqsas jańalyqtar